Jeremiah 6:25 - Tedim Bible

²⁵ Gamlakah paikhia kei un la, lampi ah zong pai dah un; bang hang hiam cih leh i galte in namsau a tawi uh a, i kimkot khempeuh lauhuai khin hi.

Tedim Bible Revision 2017

²⁵ Gamlak ah paikhia kei unla, lampi ah zong pai dah un. Bang hang hiam cih leh i galte in namsau tawi uh a, i kimkot khempeuh a lauhuai hi.

Jeremiah 6:25 Referans Kwoze

Jeremiah 49:29

A puan bukte uh leh a tuu honte uh-a kipan a buk kongkhak puante uh leh a nate khempeuh uh kilak sak ding hi. A kalaohte uh kipai khiatpih ding a, ‘Mun khempeuh ah launa!’ ci-in a kiko ding uh hi.

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Jeremiah 14:18

Lo lai-ah paikhia leng, namsau-a kithat lumte bekbek ka mu a, khuapi sungah lut leng, kial-a puksite bekbek ka mu hi! Kamsangte leh siampite in koi-ah pai ding cih thei lo pi-in gam sungah an ngenin a vak kawikawi uh hi,’ ci-in va gen in.”

Late 31:13

Hi hi, mi tampi’ kihuauna ka za hi—mun citeng-ah launa om! kei langpangin amaute vaihawm khawmin, thah dingin kei hong sawm uh hi.

JOB (Job) 18:11

A ciangciang-ah lauhuaina in amah pang a, a kalsuanna khempeuh ah sulzuih hi.

Luka 19:43

Bang hang hiam na cih leh, na galte in na kimkot ah kan bawlin hong uumcip a, mun khempeuh panin hong khakcip ding uh hi.

Jeremiah 8:14

“Tua ciangin mite in, ‘Bang hangin tutu lai i hi hiam? Kikai khawm un la, khuapi muanhuaite va beel ni, tua laiah va si ni; bang hang hiam cih leh Topa tungah i mawh manin Topa i Pasian in eite a si dingin hong koih khin zo hi, i dawn dingin gutui hong piakhin zo hi.

Jeremiah 4:10

Tua ciangin keimah in, “Aa, Topa Pasian aw, nangmah in hih mite leh Jerusalem khuamite khem cih tak-in na khem khin zo hi. Bang hang hiam cih leh amau’ kiangah, ‘Nopna hong om ding hi,’ ci napi cin, amau a sunlum dingin namsau khat a om gige hi,” ka ci hi.

Jeremiah 4:5

Judah gamah va gen un la, Jerusalem khua-ah va tangko un. Gam sung khempeuh-ah peengkul mut-in awng un la, va gen un. ‘Hong kikhawm un la, khuapi muan’ huaite sungah va lut ni!’ va ci un.

Isaiah 1:20

Ahih hangin note in kei hong nialin nong lehdo uh leh namsau in note hong vatmai ding hi; bang hang hiam cih leh Topa in hih thu gen khin zo hi.”

2 KHANG TANGTHU NIHNATE 15:5

Tua hun lai-in mite’ nasemin a zinsuk a zintohna uhah lungmuanna om lo hi; gam khempeuh ah buaina om hi.

Jeremiah 30:5

“Topa in kong cih-inah: Launa leh patauhna aw ka za a, lungnopna aw ka za kei hi.

Jeremiah 46:5

A bangci mawk a hia? Amaute lungmangin lah a nungkik ta uh-a! A galkapte uh kileh hawl a, lau-in taikek mang mawk uh hi. Kinunglehhei kik lo uh hi, mun khempeuh ah launa vive! Topa in a ci hi.

Kah la 2:22

Kei hong dipkua sak dingin ka galte pawisiim ding bangin na sam a, amaute in hong umcih uh a, na heh ni-in a suakta zo khat beek a om kei hi. Ka hawmthawh ka it ka tate hong thahsak uh hi.

Jeremiah 8:15

Nopna i zonga nopna hong pai lo hi. Cidamna i lamen-a siatna bek i ngah hi.

Jeremiah 49:5

En in, a vanglian Topa Pasian in kong cih-inah, na kim na pam panin nang tungah gimna kong tung sak ding hi. Nang hong kihawlkhia ding a, mi khempeuh amau’ tum ciatin a tai kek ding uh a, hong kaikhawm kik ding kuamah om lo ding hi.

Ezekiel 7:18

Amaute dahna limin puanhampi silh ding uh a, pumliin’ gawp ding uh hi. A sam uh kimettolsak ding a, a min uh dai ding hi.

Ezekiel 21:17

Kei zong ka khut ka beng ding a, tua ciangin ka hehna dam ding hi. Topa ahi keimah in hih thu kong gen khin hi,” hong ci hi.