Jeremiah 6:21 - Tedim Bible

²¹ Tua ahih manin Topa in kong cih-inah, En un, hih mite puk nadingin a mai uhah suangtum ka koih ding-a, pate leh tate, inn vengte leh lawmte pukin a si ding uh hi,” a ci hi.

Tedim Bible Revision 2017

²¹ Tua ahih manin Topa in kong cih in ah: En un, hih mite a puk nadingin a mai uh ah suangtum ka koih dinga, pate le tate, inn veengte le lawmte pukin a si ding uh hi,” a ci hi.

Jeremiah 6:21 Referans Kwoze

Isaiah 8:14

Amah pen, bukna hi ding a, a siangtho’ luatna hangin mite’ kitukna leh puk theihna suangtum tawh kibang hi. Judah leh Israel kumpigam mite leh Jerusalem khua-a teeng mite a awk nading thangzak tawh kibang ding hi.

Ezekiel 3:20

“Mi hoih mahmah khat in gamtat siat ding hong kipan leh a lauhuaina munah amah ka koih ding hi. Amah hilhkhol kei lecin, si ding hi. Ama mawhna hangin si ding a, ama gamtat hoihsate phawkin ka nei kei ding hi. Ama sihna sisan thu nang kong ngawh ding hi.

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

1 PETER MASA 2:8

“A puksak nading suangpi, a khialhsak nading suangpi zong ahi hi,” ci-in a kigelh zo hi. Bang hang hiam na cih uh leh, amaute in ngai loin, Pasian’ thu suikha-in a puk uh hi. Tua thu tawh a kituak nadingun tua mite a kikoih uh hi.

ROM (Romans) 11:9

David in: “Amau’ ankuang un amau tungah tehlop ahi zongin, thangzak ahi zongin, kisuih khak a, kipukna ahi zongin, daantatna ahi zongin hi ta hen.

ROM (Romans) 9:33

A kigelhna in: “Ngai un, sui-a kipuk khak na’ng suangpi leh mawhsak na’ng suangpi Zion mual tungah ka koih hi. Tua suangpi a um mi in zumna a thuak kei ding hi,” ahi hi.

Ezekiel 5:10

Tua kong daantahna hangin nang Jerusalem khuapi sungah pate in a tapate’ sa ne-in, tapate in a pate uh’ sa ne ding uh hi. No a mite kong daantat ding a, a suakta kha sunsunte nangawn mun khempeuh ah kong thehthang gawp ding hi.

Jeremiah 21:7

Tua khit ciangin, Topa in kong cih-inah, Judah kumpipa Zedekiah leh a nasemte leh, pulnatna, namsau leh kial-a si lo a nungta lai teng pen, amaute a that nuam Babilon kumpipa Nebukhadnezzar leh a galte uh’ khut sungah ka pia ding hi. Amah in amaute namsau tawh a that ding a, hehpih loin, zong a siit kei ding a, itna lungsim a nei kei ding hi,’ va ci un,” a ci hi.

Jeremiah 18:21

Tua ahih manin a tate uh kial tawh puksi sak in la, amaute namsau-in si sak in. A zite uh tasel sak in la, meigong suaksak in. A pasalte uh pulnatna tawh si sak in la, a tangvalte uh gal sungah namsau tawh kithatlumsak in.

2 KHANG TANGTHU NIHNATE 36:17

Tua ahih ciangin amah in Khaldea mite’ kumpipa amaute’ lang khatah paipih a, amah in amau’ biakna inn sungah namsau tawh a tangvalte uh that a, tangval ahi a, nungak ahi a, a teek ahi a, a ham ahi zongin khasiat lo hi; amah in a vekpi-in ama khut sungah pia hi.

Siampi Laibu 26:37

Kuamah in delh lo napi-in namsau mai pan a taikhia bangin amaute khat leh khat kiphupai ding uh hi; note in na galte uh nan’ zawh nading vangliatna na nei kei ding uh hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh hi; kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi, Topa in kong ci hi.

Jeremiah 13:14

Pate leh tate-a kipan amaute khat leh khat ka kiphusak ding a, Topa in kong cih-inah, hehpih lo, dawm lo, it loin ka siasak ding hi, a ci hi,’ va ci in.”

Jeremiah 18:23

Ahih hangin Topa aw, amaute in thah dinga a hong sawmna uh nang na thei hi. Amau’ khialhna na maisak kei in la, nangma’ muhna panin amau’ mawhnate phiatmang sak kei in. Nangma’ mai-ah amaute guallelsak in la, na heh ni mahin hih ek in.

Isaiah 8:15

Mi tampi tak tuk ding uh hi; amaute tukin kitamzan gawp ding uh hi; amaute awk-in kiman ding hi,” hong ci hi.