Jeremiah 6:20 - Tedim Bible

²⁰ Bang deihna tawh Sheba gam panin paknamtuite hong pai a, gamlapi panin singnamtui hong tung ahi hiam? Na meihal biaknate uh ka sang kei a, nong thoihnate uh deihhuai ka sa kei hi.

Tedim Bible Revision 2017

²⁰ Bang deihna tawh Sheba gam panin paknamtuite hong pai a, gamlapi panin sing namtuite hong tung ahi hiam? Na meihal biaknate uh ka sang thei kei a, nong biaknate uh deihhuai ka sa kei hi.

Jeremiah 6:20 Referans Kwoze

Isaiah 1:11

Topa in hih bangin ci hi: “Note’ biak piakna a tampite pen kei’ tungah bang hi leltak ahi hiam? Tuutalte leh ganhing thaute’ sathau tawh meihal biaknate ka kham ta hi; bawng talte, tuunote, keltalte’ sisan-ah kei ka lungkim kei hi.

Isaiah 60:6

Midian mite leh Ephah mite’ kalaohnote, kalaoh honpite in nang hong tuam ding uh a, Sheba gam sunga om khempeuh hong pai ding uh hi. Amaute in kham leh paknamtui hong paipih ding uh a, Topa phatna taangko ding uh hi.

Late 40:6

Gan gawh biakna leh khawhsa tawh biakna na deih kei hi; ka bil nong hon’sak hi. Meihal biakna leh mawhmai biakna zong na kulsak kei hi.

Isaiah 66:3

“Biakna-in bawngtal a gopa in mihing zong that hi; biak piakna-in tuuno a gopa in ui ngawng zong tan hi; an tawh biak piakna a bawlpa in vok si zong pia hi; paknamtui tawh phawkna biak piakna a bawlpa in milim zong bia-in thupha pia hi. Hih mite in amau’ ut bang ciatin gamta uh a, amau’ kihhuai gamtatna uhah nuam sa uh hi.

Paikhiatna 30:23

“A hoih pen a namtui nate la in: mirrah paknamtui shekel za nga leh a namtui thaksing tua zah lang, shekel zanih leh sawmnga gik, leh a khum a namtui paknamtui zanih leh sawmnga,

Ezekiel 27:22

Sheba leh Raamah sumbukte in na van leina-in singnamtui hoihpente, suangmanphate, leh kham hong pia uh hi.

Ezekiel 20:39

Topa Pasian in, “Israel mite khempeuh aw, na milimte uh bia un! Ahih hangin tu-a kipanin keima thu nong man’ uh kul ding a, na milimte uh letsong piakna tawh ka min siangtho na daisak nawn kei ding uh hi,” hong ci hi.

Late 66:3

Pasian’ tungah hih bang ci un, “Nangma bawlnate bangzah takin dipkuat huai! Na vanglian mahmah ahih manin na mai-ah na galte in nang hong mai-et uh hi.

1 KUMPI MASATE 10:10

Tua ciangin amah in kumpipa tungah kham talen za leh sawmnih, leh a namtui nate tampi tak, leh suang manphate pia hi; Sheba kumpinu in Kumpi Solomon tungah a piak hih banga a tam a namtui nate hong pai ngei nawn lo hi.

Paunak 15:8

Topa in migilote’ biakpiakna kihhuai sa a, thuman mite’ thungetna-ah lungdam hi.

Paunak 21:27

Topa in migilote’ biakpiakna deih lo hi; ngimna hoih lo tawh a piakte uh deih lo kanlai hi.

Jeremiah 14:10

Hih mite tawh kisai-in Topa in hih bangin a gen hi: “Amaute in hih bangin kei kiang panin vakkhia kawikawi nuam uh a, a kidek kei uh hi. Tua ahih manin Topa in amaute ka sang kei a, a khialhnate uh phawk-in, a mawhnate uh ka daantat ding hi.”

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Hosea 9:4

Gam dangah na om lai takun Topa tungah leenggahzu tawh biakna na pia kei ding uh a, gan gawh biakna zong na bawl kei ding uh hi. Sihna phual-a annek bangin, na annekte un zong a ne teng hong ninsak ding hi. Na ante uh zong na gilvah nading bek uh hi ding a, Topa’ inn-ah khat zong na tun’ kei ding uh hi.

2 SAMUEL NIHNA 15:12

Absalom in biaknate a piak lai takin David’ thu-lam-lakpa’ Giloh mi Ahithofel, ama khuapi Giloh panin sam sak hi. Tua ciangin sawmsimna hong hat semsem a, Absalom tawh a om mite kibehlaplap hi.

Malakhi 1:10

Vanglianpen Topa in, “Ka biakna tau tungah, bangmah-a a kimang lo mei na tawh mawkmawk theih loh nadingun, note khatpeuh in biakinn kongkhakte khak le uh cin ka ut hi. Note tungah ka lungkim kei a, nong puak uh biak piaknate kong sang kei ding hi.