Jeremiah 6:19 - Tedim Bible

¹⁹ Leitung aw, ngai in! En in, hih mite tungah a thuak ding mah uh-a kilawm siatna ka tung sak ding hi; bang hang hiam cih leh ka thu hong ngai lo uh a, ka thukhamte a nial uh hi.

Tedim Bible Revision 2017

¹⁹ Leitung aw, ngai in! En un, hih mite tungah a thuak ding mahun a kilawm siatna ka tungsak ding hi. Bang hang hiam cih leh ka thu hong ngai lo uh a, ka thukhamte a nial uh hi.

Jeremiah 6:19 Referans Kwoze

Isaiah 1:2

Vantungte aw, za un, leitung aw, ngai un; bang hang hiam cih leh Topa in thu hong gen khin zo hi: “Ka pattahsa tapate in kei hong lehdo uh hi.

Sawltak 8:22

Tua ahih ciangin na khialhna na kisikkik in la, na lungsim ngaihsutna a kimaisak nadingin Pasian kiangah thu na ngen in.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

Jeremiah 8:9

Na mipilte uh a maizum ding uh hi; lungmang-in a cih nading a thei kei ding uh hi. En un, amaute in Topa’ thu a nial uh hi, bang pilna a nei nawn uh hiam?

Johan 12:48

Kei hong nolh a, ka thu a ngai lo mi in thukhen ding mi khat a nei hi. Ka hilhna thu in ni tawp Ni ciangin tua mi tungah thu a khen ding hi.

Micah 6:2

No mual liante leh a kip tawntung leitung bulpite aw, Topa a kinialna thu ngai un. Topa in ama mite tawh thu nei a, Israel tawh thu kisel ding hi.

Hosea 10:13

Ahi zongin note in thusia na tuh zawsop uh a, thusia gah na at uh hi. Na zuauna uh hanga piang gahte na ne uh hi. Note in na sakol leengte uh leh na galkap tamna uh muang kha na hih manun,

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Jeremiah 22:29

Aw, ka gam, ka gam, ka gam aw, Topa! Kammal ngai dih ven!

Jeremiah 6:10

Keimah in ka dawngkik a, “Amaute in a zaktheih dingun kua’ kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Jeremiah 19:15

“A vanglian Topa, Israel mite’ Pasian in a cih-inah, En un, hih khuapi leh a kim-a khuaneute’ tungah ka gensa siatna khempeuh ka tung sak ding hi. Bang hang hiam cih leh amaute in a lung uh a khauhsak uh a, ka thute a ngai nuam kei uh hi, a ci hi,” ka ci hi.

Isaiah 66:18

Bang hang hiam cih leh amau nasepnate leh amau ngaihsutnate ka thei a, minam khempeuh a khawm dingin ka hong pai hi; amaute hong pai-in ka minthan’na mu ding uh hi.

Isaiah 59:7

Siatna bekbek na gelgel uh a, na hih ding uh na ngaklah mahmah uh hi. Mawh nei lo mite sisan luan ding haksa na sa kei uh hi. Na paina khempeuh uhah siatna vive om kawikawi hi.

Paunak 28:9

Mi khat in thukham a zuih nop kei leh, ama thungetna nangawn Pasian in zak thadahhuai sa hi.

Paunak 15:26

Topa in migilote’ ngaihsutna kihhuai sa a, midikte’ kampaunate hoih sa hi.

1 SAMUEL MASA 15:26

Tua ciangin Samuel in Saul kiangah, “Nang tawh kong kileh kik kei ding hi; bang hang hiam cih leh nangmah in Topa’ thu na nial khin a, Topa in nang Israelte tungah kumpi hihna panin hong nolh khin hi,” a ci hi.

1 SAMUEL MASA 15:23

Bang hang hiam cih leh lehdona in aisan mawhna bangmah hi a, lungkhauhna in mawhna leh milim biakna mah bang hi. Nangmah in Topa’ thu nial khin na hih manin, amah in zong kumpi hihna panin nang hong nolh khin hi,” a ci hi.

Thu-hilhkikna 32:1

“Vantungte aw, ngai un, thu ka gen ding hi; ka thugente leitung in za hen.

Thu-hilhkikna 30:19

Tu ni-in note lang khat ah teci a pang dingin vantung leh leitung ka sam a, note mai-ah na teel dingun nuntakna leh sihna, thupha leh samsiatna ka koih hi; tua ahih ciangin note leh na suan leh khakte uh na hin’ theih nadingun nuntakna teel un la,

Thu-hilhkikna 4:26

Jordan gal khat luah dingin na paina leitang uhah na siat maimang baih nadingun note langkhatah teci pang dingin tu ni-in van leh lei ka sam hi; tua leitang tungah note sauvei na hing kei ding uh a, na sia maimang ding uh hi.

Jeremiah 4:4

Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Jeremiah 6:18

Tua ahih manin Topa in: “Gamdangte aw, ngai un. Mite aw, amau’ tungah bang tung ding hiam, cih thei un.

Jeremiah 11:11

Tua ahih ciangin Topa in kong cih-inah, en un, a suahtak theih loh uh gimna amau’ tungah ka tungsak ding a, kei kiangah a hong kap liang uh zongin ka dawng nawn kei ding hi.

Jeremiah 15:6

Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Jeremiah 19:3

Nangmah in, ‘Topa’ kammal ngai un, Judah kumpite leh Jerusalem khua mite aw, a vanglian Topa, Israel mite’ Pasian in hong cih-inah: En un, hih munah kong tun’sak ding siatna lian lua ahih manin a za mi khempeuhte’ bil sungah ging den ding hi.

Jeremiah 29:19

Bang hang hiam cih leh, Topa in kong cih-inah, ka nasem ka kamsangte’ tung tawnin kong puak ngitnget thute amaute in thupisim loin a hong mang kei uh hi.

Jeremiah 49:37

Amaute a that nuam, a galte uh’ mai-ah Elam mite ka lausak ding a, Topa in ka cih-inah, a lauhuai ka hehna amau’ tungah ka tung sak ding hi. Amaute ka thah siang mateng namsau ka nungdelh sak ding a,

Amos 2:4

Topa in hih bangin ci hi: Judah mite a khialh kikkik nilohna hangun, pel loin amaute daan ka tat ding hi. Bang hang hiam cih leh amaute in, ka thukhamte nialin ka thuhilhnate zui lo uh hi. A pu a pate un a na biaksa pasian man lote mah in amaute lam pialsak hi.

Micah 1:2

No minam khempeuhte aw, hih thu za un. Leitunga teeng mi khempeuh aw, hih thu ngai un. Note’ lang khatah Topa Pasian in teci pang a, a vantung biakinn panin thu hong gen hi.

Isaiah 5:24

Tua ahih ciangin, mei in buhkung keute kangtum a, meikuang sungah lopa keute a kattum bangin, amaute’ zung pen muatna hi ding a, amaute’ pak palhte pen leivui bangin van-ah leengto ding hi; bang hang hiam cih leh Vanglianpen Topa’ thu nialin, Israelte’ Siangtho Pa’ thu simmawh uh hi.

Jeremiah 4:16

Minamte’ kiangah va gen un la, Jerusalem’ kiangah va tangko un. “Gamlapi panin galte hong pai uh a, Judah gam khuapite’ lang khatah hong kiko uh hi.

Jeremiah 8:5

Tua ahih leh bang hangin hih mite lam khial-in nungkin paisuak lawmlawm uh ahi hiam? Amau in pasian zuau milimte lenkip uh a, hong kilehkik nuam lo uh hi.

Jeremiah 21:14

Na nasepna gahte tawh kituakin nang kong daantat ding hi, Topa in kong ci hi. Tuulak-a sing hoihte tawh a kilam na kumpi innte uh mei tawh kihal ding a, a kimkot khempeuh ka kangtum sak ding hi,” a ci hi.

Daniel 9:11

Israelte khempeuh in na gensa thute leh na thukhamte khempeuh a palsat khin zo uh hi. Na tungah khialhna ka hong bawl manun, na nasem Moses thukham sunga kigelh bangin kote tungah samsiatna leh thukhenna a hong tung hi.