Jeremiah 6:17 - Tedim Bible

¹⁷ Topa in, “Peengkul tumna aw ngai dingin galvil ding mi ka koih hi,’ kong ci hi,” a ci hi. Ahih hangin amau in, “Ka ngai kei ding uh hi,” a ci uh hi.

Tedim Bible Revision 2017

¹⁷ Topa in, “Peengkul tumna awging a ngai dingin ‘Galvil ding mi ka koih hi,’ kong ci hi,” a ci hi. Ahih hangin amaute in, “Ka ngai kei ding uh hi,” a ci uh hi.

Jeremiah 6:17 Referans Kwoze

Jeremiah 25:4

Topa in ama’ nasem ahi kamsangte khempeuh hong sawl tawntung hi napi-in note in ngai loin na bil uh na dawh kei uh hi.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.

Isaiah 21:11

Edom gam tawh kisai thu: Seir mual tung panin khat in kei hong sam a, “Gal vilpa aw, tu zan bangci hiam? Gal vilpa aw, tu zan bangci hiam?” hong ci hi.

Habakkuk 2:1

Ka khuadakna tausang tungah kahin, Topa in kei tungah bang hong gen ding a, ka lungkim lohna teng bang hong ci dawn’ hiam, cih ka ngak ding hi.

Isaiah 56:10

Ama galvilte mit taw uh a, amaute khempeuh in bangmah thei lo uh hi, amaute khempeuh ui a ham thei lote hi uh a, amaute in tawng thei lo uh hi, mot paupau, lum lum, lu su-su-in om nuam sa uh hi.

Hebru 13:17

No hong uk mite’ thu ngai un la, amau hong gen bangin gamta un. Bang hang hiam na cih uh leh, amaute in thusitna a thuakkik ding mite bangin note kha uh noptuam nadingin a kem uh hi. Note noptuamna uh a pian’sak theih nadingin dahna tawh hi loin, lungdam nadingin amaute in sittelna a thuak zawh nadingun kikemin om un.

Hosea 8:1

Patau kohna peengkul tum in. Muvanlai bangin galte in ka gam tunga len’ vat dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Isaiah 62:6

Jerusalem aw, na kulhte tungah galvilte ka koih khin hi; sun tawntung leh zan tawntungin amaute tawlnga ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitungah phatna-in a bawl kik matengin amaute tawlnga lo ding uh hi.

Jeremiah 6:18

Tua ahih manin Topa in: “Gamdangte aw, ngai un. Mite aw, amau’ tungah bang tung ding hiam, cih thei un.

Jeremiah 7:28

Tua ciangin nangmah in amaute’ kiangah, ‘Hih gam in, Topa amaute’ Pasian’ thu a mang lo gam hi a, thuhilhna sang loin, thuman om nawn lo a, genin zong a nei nawn kei uh hi,’ na ci ding hi.

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn lohna ding uh hilh uh hi. Ahi zongin amaute in ka thu ngai nuam loin, ka thu hong mang lo uh hi.

Jeremiah 8:5

Tua ahih leh bang hangin hih mite lam khial-in nungkin paisuak lawmlawm uh ahi hiam? Amau in pasian zuau milimte lenkip uh a, hong kilehkik nuam lo uh hi.

Jeremiah 18:12

Amau in, ‘Tua bang gen kul lo hi. Ko’ ngimna bangin ka zui ding uh a, mi khempeuh in ama’ lungsim sia’ deihna bangin ka gamta ding uh hi,’ hong ci ding uh hi.

Ezekiel 3:7

Ahi zongin Israel mite khat beek in na thu hong ngai lo ding hi; keima kam teekteek nangawn ngai lo ding uh hi. Amaute a lungsim uh khauh a, dem nopna lungsim nei uh hi.