Jeremiah 6:15 - Tedim Bible

¹⁵ Hih a kihhuai nate a sep uh ciangin a maizum beek uh hiam? Maizum beek lo uh hi, kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi,” Topa in hong ci hi.

Tedim Bible Revision 2017

¹⁵ Hih a kihhuai nate a sep uh ciangin a maizum beek uh hiam? Maizum beek lo uh a, kisuang thei beek lo uh hi. Tua ahih manin a siteʼ lak mahah amaute zong si ding uh a, gim ka piak ni ciangin a kilawn khia ding uh hi,” Topa in hong ci hi.

Jeremiah 6:15 Referans Kwoze

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh hi; kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi, Topa in kong ci hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Jeremiah 3:3

Tua hang mah-in guahtui kikang sak a, guah nunung hong zu lo hi; ahih hangin numei paktatte bang hi napi-in, na zum thei kei lailai hi.

Filippi 3:19

Tua mite in kisiatna-ah a tung ding uh hi, amaute’ pasian in a gilpi uh ahi hi; amaute in a maizumhuai a gamtatnate uh ah a kiphasak uh hi. Amaute in leitung nate a lunggulh uh hi.

Zefaniah 3:5

Ahi zongin tua khuapi sungah Topa om a, a thuman na bek semin, a khial-in gamta ngei lo hi. Zingsang simin mihingte tungah pelh ngei loin thutang lak hi. Ahi zongin tua lai-a mihing thuman lote, a sia-in gamta teitei uh a, maizumna meel thei thei lo uh hi.

Micah 7:4

Amaute lakah a hoih pen a, kineite lingkung bang hi a, a thutang pen a, kineite, linghiam bang hi lel uh hi. Pasian in amaute a hilhkholh bangin, a daan piak ding hun hong tung ta a, a lungman’ ding hun uh hi ta hi.

Micah 3:6

“Ka mite lam khialsak na hih manun, mailam thugen theihna maang na mu nawn kei ding uh a, bangmah na genkhol thei nawn kei ding uh hi. Kamsangte aw, note’ hun bei ta ding a, ni in hong tumsan ta ding hi,” ci hi.

Hosea 9:7

Daan tahna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Note’ mawhna hang leh note in kei nong muhdah luat manun, “Hih kamsangpa mi hai hi; hih thumu-pa lungsim kicing lo hi,” nong ci uh hi.

Ezekiel 24:7

Khuapi sungah mi kithahna om a, a sisante, leivui in a vuh theih nading lei lakah taaksak loin, suang tungah taaksak uh hi.

Ezekiel 2:4

Amaute a lungsim uh khauhin paupeng uh hi. Keimah Topa Pasian in amaute tungah ka gen ding thute a va gen dingin a hong sawl ka hi hi.

Jeremiah 23:12

Tua ahih manin amaute’ lampi in, khuamial lak lam nal-a pai tawh a kibang ding a, amaute kinawhkhia gawpin a tuk ding uh hi. Bang hang hiam cih leh amaute’ thuakna hun hong tun’ ciangin amaute’ tungah gimna ka tung sak ding hi, Topa in kong ci hi.

Jeremiah 5:29

Hih thute hangin amaute daantat lo ding ka hi hiam? Topa in ka ci hi. Hih bang minam’ tungah thukkik lo ding ka hi hiam?”

Jeremiah 5:9

Hih thute hangin amaute daantat lo ding ka hi hiam? Topa in ka gen-inah, hi ci bang minam’ tungah thukkik lo ding ka hi hiam?

Isaiah 10:4

Thongkiate’ lakah tonbucip-a om ding leh a kithat mite’ lakah tuk ding bek a om hi. Hih thute khempeuh hangin ama hehna dam zo nai lo a, ama khut kizan lai hi.

Isaiah 3:9

Amau’ maiput in amau langah teci pang hi; Sodom bangin amaute in a mawhna uh genkhia uh hi, amaute in iim lo uh hi. Amaute in gimna ngah ta hen! Bang hang hiam cih leh amaute in amau tung mah ah siatna kitun’ uh hi.

Paunak 29:1

Kihilhhilh napi-a a mang nuam lote, bawl phatkik zawh nawn loh dongin kisia ding hi.

Paikhiatna 32:34

Ahih hangin tu-in pai in, nang' tunga kong gensa mun-ah mite paipih in; en in, na mai-ah ka vantungmi pai ding hi. Ahi zongin ka thukkik ni ciangin amau' khialhna amau' tungah ka thuk ding hi,” a ci hi.

Jeremiah 8:9

Na mipilte uh a maizum ding uh hi; lungmang-in a cih nading a thei kei ding uh hi. En un, amaute in Topa’ thu a nial uh hi, bang pilna a nei nawn uh hiam?

Jeremiah 18:23

Ahih hangin Topa aw, amaute in thah dinga a hong sawmna uh nang na thei hi. Amau’ khialhna na maisak kei in la, nangma’ muhna panin amau’ mawhnate phiatmang sak kei in. Nangma’ mai-ah amaute guallelsak in la, na heh ni mahin hih ek in.

Jeremiah 44:10

Amaute in tuni ciang dong kiniamkhiat lo uh a, hong zaktak loin, note leh na pute na pate kianga kong piak ka thukhamte leh ka ngeinate na zui kei uh hi.

Ezekiel 13:14

A tungtham na zut uh kulh sukhamin, thehthangin, a bul dawksak ding a sawm ka hi hi. Tua bangin ka suksiat ciangin note a hong deng lum ding hi. Tua ciangin Topa ka hihna thu mi khempeuh in thei ding uh hi.

Zefaniah 2:1

A maizum thei lo minam aw, hoih takin thu ngaihsun in.

Zekhariah 13:4

Tua ni hong tun’ ciangin, kamsangte in a mangmuh theihna uh kisialhpih ngam loin, kamsangte bangin zong puansilh ngam loin, kamsang zong kineih ngam lo ding uh hi.

Piancilna 19:34

A zing ciangin a u in a nau tungah, “En in, zan zan-in i pa tawh ka lum hi; tu nitakin zong amah leenggahzu khamsak ni; tua ciangin nang pai in la, i pa tawh suan-le-khak i kizopsak theih nadingin amah tawh lum khawm in,” ci hi.

Jeremiah 14:15

Tua ahih ciangin ka sawl lohpi, ‘Hih gam sungah namsau ahi zongin, kial ahi zongin hong tung lo ding hi,’ ci-a kei’ min suanga thu a gen kamsangte tawh kisai-in Topa in ka cih-inah, namsau leh kial tawh hih kamsangte a si khin ding uh hi.

Hosea 4:5

Na nasepnate uh a sun a zan cih om loin, a kiman’na mel om lo hi; kamsangte zong note bangmah hi lel hi. Na nu uh Israel ka susia ding hi.