Jeremiah 6:14 - Tedim Bible

¹⁴ Amaute in ka mite’ thuaknate thupisim sak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Tedim Bible Revision 2017

¹⁴ Amaute in ka miteʼ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Jeremiah 6:14 Referans Kwoze

Ezekiel 13:10

Bang hang hiam cih leh thu hoih lo napi-in hoih hi, ci khemin ka mite lam na kai khial uh hi. Ka mite in kulh dingin suang a cian’ uh ciangin no kamsangte in a tungtham buan tawh na zut uh hi.

Jeremiah 23:17

Keimah Topa’ thu genna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 4:10

Tua ciangin keimah in, “Aa, Topa Pasian aw, nangmah in hih mite leh Jerusalem khuamite khem cih tak-in na khem khin zo hi. Bang hang hiam cih leh amau’ kiangah, ‘Nopna hong om ding hi,’ ci napi cin, amau a sunlum dingin namsau khat a om gige hi,” ka ci hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Jeremiah 14:13

Tua ciangin keimah in, “Aa, Topa Pasian aw, en dih in, Kamsangte in amaute kiangah, ‘Note in namsau ahi zongin, kial ahi zongin na mu kha kei ding uh a, hih munah lungnopna kip Pasian in hong pia ding hi,’ a ci uh hi,” ka ci hi.

2 PETER NIHNA 2:1

Ahih hangin mite lakah kamsang zuau hong piang mah bangin a kikhenthang thei up khialhna ngeina, kheemna tawh guangin, amau pumpi uh a lei Topa nangawn nialin, amau tungah a manlangin kisiatna a tungsak thu zuau hilh siate in note lakah zong a om ding uh hi.

Isaiah 30:26

Tua tham loin, Topa in ama mite’ liamna tuamin ama satna meimate a damsak ni ciangin kha taang pen ni taang bang ding a, ni taang pen ni sagih sunga taang zah bangin a zah sagih-in taang ding hi.

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Ezekiel 13:22

Keima gen hilo pi-in, na thu zuau gen teng uh tawh mi hoihte na lunggimsak uh a, mi gilote a nuntak theih nadingun hong kihei loh nadingin na lehhanthot zawsop uh hi.

Jeremiah 14:17

“Jeremiah aw, amaute’ kiangah hih bangin va ci in: ‘Sun-le-zanin ka khitui luangluang hen la, kang ngei kei ta hen; bang hang hiam cih leh ka mite in nakpi-in liamna a thuak uh a, nakpi takin a kisat hi.

Jeremiah 5:12

Amaute in Topa hong nial uh a, ‘Amah in bangmah hih lo ding hi; i tungah siatna hong tung lo ding a, gal ahi zongin kial ahi zongin i thuak kei ding hi.

Jeremiah 28:3

Kum nih sungin Babilon kumpipa Nebukhadnezzar in hih mun pan lakhia-in Babilon khua-a a puak, Topa’ biakinnpi sunga beelte hih munah ka la kik ding hi.

Isaiah 1:6

Khe nuai-a kipan lutang dong nangawnin a cidamna om lo a, satnim gawpnate leh meimapite leh si luang liammate om hi; tuate pen a nai kisaal lo, kitun lo, sathau tawh kinomsak lo hi.

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

2 SAMUEL NIHNA 17:3

mothak in a pasal kiang inn-ah hong ciah bangin mi khempeuh nang kiangah kong ciahpih kik ding hi. Nangmah in mi khat bek’ nuntakna na zong hi, midang khempeuh nuam takin om ding uh hi,” a ci hi.

Isaiah 30:10

amaute in thu mutheite tungah, “Mu nawn kei un,” ci-in, kamsangte tungah “Kote’ tungah thuman hong gen kei un; kote’ tungah thuzol bek hong gen un la, thutak ahi lote genkhol un,

Ezekiel 13:16

thu hoih lo napi-in, thu hoih hi, ci-in Jerusalem a lungmuan’ nadingin thu a gen kamsangte zong bei khin ta hi,’ ka ci ding hi. Topa Pasian ahi keimah in hih thu ka gen hi,” a ci hi.

Ezekiel 14:9

Kamsang khatpeuh peuh kikhemin a man loin thu hong dawn’ leh, Topa ahi keima’ khem hi ding hi. Israel mite lak panin tua kamsangpa ka la khia ding hi.

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,