Jeremiah 6:10 - Tedim Bible

¹⁰ Keimah in ka dawngkik a, “Amaute in a zaktheih dingun kua’ kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Tedim Bible Revision 2017

¹⁰ Keimah in ka dawngkik a, “Amaute in a zak theih dingun kua kiangah va gen ding ka hi hiam? En in, a bil uh bing a, khua za thei lo uh hi. Topaʼ thu simmawh uh a, lungdamna-in la lo uh hi.

Jeremiah 6:10 Referans Kwoze

Sawltak 7:51

“Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

Johan 7:7

Leitung mite in no hong mudah thei kei uh hi. Kei hong mudah uh hi. Bang hang hiam na cih uh leh, amau’ gamtatna a hoih kei ci-in teci ka pang hi.

Jeremiah 7:26

ahih hangin amau in ka thu hong ngai loin, a bil uh hong ngat lo uh a, a lung uh a khauhsak uh hi. A pute a pate uh sangin a siazaw uh hi.

Hebru 11:7

Noah in a muh nai loh thute-ah thupiakkholhna a ngah khit ciangin upna tawh Pasian kihta-in ama innkuanpihte gum dingin teembaw a lam hi. Tua upna hangin amah in leitung mite mawhna thu khenin a upna tawh kipawl dikkisakna a luah hi.

Isaiah 53:1

Tua ciangin mite in, “I zaksa thu kua in um thei ding ahi hiam? Hih bang thu-ah Topa’ vangliatna khut kua in bang ci muh theih ding ahi hiam?

Paikhiatna 6:12

Ahih hangin Moses in Topa kiangah, “En in, Israel mite in ka thu hong ngai lo uh hi; tua ahih ciangin bangci-in thugen a siam lo keima' thu Faro in hong ngai ding ahi hiam?” ci hi.

2 TIMOTI NIHNA 4:3

Bang hang hiam cih leh, mite in thu hilhna pha mang loin, a bil uh thakin, amau deihgawhna bang thuhilh a tampi, amau ading a koih ding uh a,

Kolose 1:28

Khazih hangin mi khempeuh in kicin’na ngahin mi khempeuh tungah pia dingin, kote in mi khempeuh phawksakin pilna apawlpawl tawh tai-in, hilhin Khazih’ thu ka hilh uh hi.

ROM (Romans) 7:22

Ka sung mi hangin Pasian’ Thukham a pha ka sa hi.

Sawltak 7:60

khukdin’a, “Hih khialhna tawh amaute na mawhsak kei in,” ci-in nakpi-in a kiko khit ciangin a si hi.

Johan 9:40

Ama kiangah a om Farisaite kimkhat in tua thu a zak uh ciangin, “Ko zong mittaw ka hi uh hiam?” ci-in a dong uh hi.

Luka 20:19

Tua lai takin laitheite leh siampi liante in Zeisu mat dingin a zon’ uh hangin mite a kihta uh hi. Bang hang hiam i cih leh, amau cihna-a hih thugentehna a gen ahih lam a thei uh hi.

Luka 11:45

Thukham siate khat in, “Sia aw, tua bang na gen ciangin ko zong na hong taai hi,” a cih ciangin,

Mattiu 3:7

Farisai-te leh Saddusi-te a kibaptaiz dinga hong pai Johan in a muh ciangin, “No mualtan’ suante aw, a hong tung ding hehna pan na taikhiat nadingun kua in hong hilhkhol hiam?

Amos 7:10

Beth-el a, om siampi Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gamsung siasak ding hi.

Ezekiel 33:9

Nangmah in gilopa khat hilhkhol napi-in a mawh gamtatna a khawl kei leh, tua mipa a mawh nei mah-in si ding a, ahi zongin nang na suakta ding hi,” hong ci hi.

Ezekiel 33:3

Galvilpa in galte hong pai a muh ciangin mi khempeuh a theihsak nadingin patau kohna peengkul tum hi.

Jeremiah 4:4

Judah mite leh Jerusalem khua mite aw, Topa’ tungah vun at un la, na lungtang uh vun at un. Na tua cih kei leh na bawl uh mawhnate hangin, ka hehna mei bangin hong kuangkhia ding a, a phelh zo kuamah om lo ding hi,” a ci hi.

Late 119:174

Topa aw, nong hotkhiat ding ka lamen a, nangma thu sungah nuam ka sa mahmah hi.

Late 119:77

Kei ka nuntak theih nadingin na hehpihna kei tungah hong tung sak in; bang hang hiam cih leh nangma thu in nuam ka sakna ahi hi.

Late 119:70

amaute’ lungsim in thu theithei loin kheengcip a, ahih hangin ke’n nangma thu sung nuam ka sa hi.

Late 119:35

Nangma thupiakna lampi-ah kei hong paipih in, bang hang hiam cih leh tua-ah nuam ka sa hi.

Late 119:24

Na thuhilhnate ka deih hi; tuate in keimah thu hong lakte ahi hi.

Late 119:16

Nangma ngeina kipte-ah nuam ka sa ding a, nangma thu ka mangngilh kei ding hi.

Late 40:8

nangma deih bang hihna-ah nuam ka sa hi, ka Pasian aw; na thukham ka lung sungah om hi,” ka ci hi.

Late 1:2

ama nopsakna in Topa’ thu sung bek mah hi a, sun leh zanin ama thu a ngaihsunsun mi ahi hi.

Thu-hilhkikna 29:4

ahih hangin tu ni dongin Topa in note tungah a thu na tel nading uh lungsim hita leh, na muh nading uh mit hita leh, na zak nading uh bil hita leh hong pia nai lo hi.

Jeremiah 5:21

“Ngai un, ngaihsutna nei lo mihaite aw, mit nei napi-a mu lote, bil nei napi-a za lote aw.

Jeremiah 9:26

Izipt mite, Judah mite, Edom mite, Ammon mite, Moab mite leh a sam uh a mettom sehnel gam-a omte khempeuh zong ka daantah ding hi. Bang hang hiam na cih leh hih gamte khempeuh in vun a at kei uh a, Israel mi khempeuh zong a lungsim sung uhah vun at lohpi ahi uh hi.

Isaiah 42:20

Israel in na tampi mu a, ahih hangin tuate encian lo hi; ama bilte kihong a, ahih hangin amah in khua za lo hi.

Jeremiah 7:13

Tu-in zong, hih nate khempeuh na hih uh a, kong gengen hangin hong ngai tuan loin kong sap hangin hong dawng lo na hih manun, Topa in kong cih-inah,

Jeremiah 35:13

“A vanglian Topa, Israel mite’ Pasian in kong cih-inah: Pai in la, Judah mite’ kiang leh Jerusalem khua-a teeng mite’ kiangah, Topa in, Ka thuhilhna hong sang loin ka thu hong ngai lo ding na hi uh hiam?

Ezekiel 3:7

Ahi zongin Israel mite khat beek in na thu hong ngai lo ding hi; keima kam teekteek nangawn ngai lo ding uh hi. Amaute a lungsim uh khauh a, dem nopna lungsim nei uh hi.