Jeremiah 6:1 - Tedim Bible

¹ Benjamin’ suante aw, na suahtak nadingun tai un! Jerusalem khua taisan un! Tikoa khua-ah peengkul mut un la, Bethhakkherim khua-ah theihsakna meikhu suaksak un. Bang hang hiam cih leh leilu lam panin, gimna leh siatna lianpi a hong pai ding hi.

Tedim Bible Revision 2017

¹ Benjaminʼ suante aw, na suahtak nadingun tai un. Jerusalem khua taisan un. Tekoa khua ah peengkul tum unla, Bethlehem khua ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

Jeremiah 6:1 Referans Kwoze

Nehemiah 3:14

Bethhakkherem gam a uk, Rekhab’ tapa Malkhijah in Nin Kongpi puah hi; amah in tua kongpi bawl pha-in a kongkhakte a kalhnate tawh bulh hi.

Jeremiah 6:22

Topa in, “En un, leilu lam gam panin mi hong pai uh a, leimong gamlapen panin gam lian khat galsim dingin kithawithawi hi.

2 KHANG TANGTHU NIHNATE 11:6

Amah in Bethlehem, Etam, Tekoa,

2 SAMUEL NIHNA 14:2

Tua ciangin Joab in Tekoa-ah mi sawlin tua panin numei pil khat la-in ama kiangah, “A thuum mi bangin kineih in la, thuumna puante silh in; nangmah in sathau nilh kei in la, misi hangin ni tampi a thuum khin numei bangin gamta in;

Thukhente 1:21

Ahih hangin Benjamin mite in Jerusalem-ah a teeng Jebus mite hawlkhia lo uh hi; tua ahih ciangin tu ni dongin Jerusalem-ah Jebus mite in Benjamin mite tawh teeng khawm uh hi.

Amos 1:1

Tekoa khua-a teeng tuucingte lakah Amos a kici mi khat om hi. Uzziah in Judah kumpi hi-in, Joash’ tapa Jeroboam in Israel kumpi a sep laitak, zinlin’ ma kumnih hun lai takin, Pasian in Amos tungah hih thute kilangsak hi.

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Jeremiah 10:22

Ngai dih un, thu khat kigen veh! Judah khuapite gamlak a suaksak ding leh se-alte’ kua a suaksak dingin leilu lam gam panin buaina lianpi khat hong pai veh!

Jeremiah 4:29

Sakol tunga tuangte leh thal tawite’ aw a kizak ciangin mi khempeuh galtai mang uh a, gamlak-ah tai-in, suang lakah a kahto uh hi; khuapi khempeuh kinusia khin a, kuamah teeng nawn lo hi.

Joshua 15:63

Ahih hangin Judah mite in Jerusalem-a teeng Jebus mite hawlkhia zo lo uh hi; tua ahih ciangin tu ni dongin Jebus mite in Judah mite tawh Jerusalem-ah teeng khawm uh hi.

Amos 3:6

Khuapi sungah pataukohna gal peengkul a kitum ciangin, mite lau loin om mawk thei ahi hiam? Topa’ tun’ sak lohpi-in khuapi sungah, lauhuaina mawk tun’ ahi hiam?

Zekhariah 6:6

Sakol vomte in a kaih leeng pen leilu lam Babilon gamah a pai ding hi a, sakol kangte nitumna lam, sakol gialte leitaw lam, sakol sante nisuahna lam gamah a pai ding ahi hi.

Nehemiah 3:5

a zom kikah Tekoa khuamite in puah uh a, ahi zongin amau’ uliante in nasem makaite nuai-ah na sem nuam lo uh hi.