Jeremiah 51:8 - Tedim Bible

⁸ Thakhat thu-in Babilon puk a, kisiagawp hi. Amah kah ngutngut un! A liammate adingin zatui la un; dam zo kha thei lai ding hi.

Tedim Bible Revision 2017

⁸ Thakhat thu-in Babylon puk a, kisia gawp hi. Ama adingin kap un. A liammate adingin zatui la un, dam zo kha thei lai ding hi.

Jeremiah 51:8 Referans Kwoze

Jeremiah 46:11

Gilead gamah pai un la, damna zatui va la un, Izipt-te’ nungakte aw! Zatui tampi na zat khit uh hangin, damna na ngah kei uh hi.

Isaiah 21:9

En in, sakol leeng tuangte a kopkopin hong pai!” ci hi. A dang khat in, “Babilon cim hi, cim hi; ama milim pasiante khempeuh leilak dongah amah in suksiat sak hi,” ci-in dawng hi.

Mangmuhna 14:8

Tua nung ciangin nihna vantungmi in zui-in, “Nu leh pa’ khialhna tawh kipawl ama hehna leenggahzu mipawl khempeuh a dawnsak khuapi lian Babilon a cim zo hi! a cim zo hi!” ci-in a gen hi.

Mangmuhna 18:2

Amah in, “Babilon khuapi a cim hi, a cim hi! Dawigilote’ omna, kihhuai kha khempeuh kikhumna, kihhuai leh gilo vasate kikhumna a suak zo hi.

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Jeremiah 48:20

Moab gam kisia khin zo hi, zumhuaina thuak khin zo hi. Thuum un la, kah un! Arnon gun dungah, Moab gam kisiatna thu va gen un.

Nahum 3:19

Na liammate a dam theihna ding om lo a, na meimate a dam thei lo pawl ahi hi. Na thuakna thu a za mi khempeuh in lungdamin a khut uh beng ding hi. Bang hang hiam cih leh na gitlohna a thuak kha lo kuamah om lo hi.

Daniel 5:31

Media mi Darias kumpi a suak hi. (Tua lai takin, Darias kum sawmguk leh kumnih a pha hi).

Daniel 5:24

“Tua ahih ciangin Pasian in hih lai malte tua khut a hong gelhsak hi.

Ezekiel 30:2

“Ezekiel aw, Topa Pasian keima thugen hih bangin pulak in: ‘A lauhuai ni’, ci-in awng in.

Jeremiah 51:41

“Leitungbup’ pahtawi Babilon khuapi kila ta hi! Gamdangte’ lakah Babilon khua, a mulkimhuai suak ta hi!

Jeremiah 48:31

Tua ahih manin Moab adingin ka tau hi; Moab gam mi khempeuh adingin ka kap a, Kirheres khua adingin zong ka thuum hi.

Jeremiah 8:22

Gilead-ah zatui om lo ahi hiam? Zato siam om lo ahi hiam? Bang hanga ka mite dam thei lo uhahi hiam?

Isaiah 47:9

Aisan siamnate leh mibum siamna vang lianpi na neih hangin ta khuaisuahna leh meigon’na, hih thu nihte thakhat thu-in ni khat sungin a kicing takin nang tungah hong tung veve ding hi.

Isaiah 47:11

Ahih hangin nangmah in na beisak theih loh tuahsiatna na tungah hong tung ding hi; nangmah in maisakna na ngah theih loh gimna nang tungah hong tung ding hi; nang in a thu na theih hetloh siatna na tungah thakhatin hong tung ding hi.