Jeremiah 51:57 - Tedim Bible

⁵⁷ A kumpi uliante leh a mipilte uh akipan ukpite, uliante leh galkapte zu ka khamsak ding a, a tawntungin ihmu-in a khanglo nawn kei ding uh hi, ci-in a vanglian Topa a kici Kumpipa in kong gen hi.

Tedim Bible Revision 2017

⁵⁷ A kumpi uliante le a mipilte uh a kipan ukpite, uliante le galkapte, zu ka khamsak dinga, a tawntungin ihmu-in a khanglo nawn kei ding uh hi, ci-in Vanglian Topa a kici kumpipa in kong gen hi.

Jeremiah 51:57 Referans Kwoze

Jeremiah 46:18

“A vanglian Topa keimah in Kumpipa ka hi hi. Taber mual in mual khempeuh sangin sang zaw-in Karmel mual in tuipi tungah sangpi-in a dawktoh bangin, no hong simpa’ thahatna a lian mahmah ding hi.

Jeremiah 48:15

Moab gam leh a khuapite susia dingpa hong paito ta hi. A tangval hoihpente uh thahlup dingin a kipaipih khin zo hi, ci-in a vanglian Topa a kici keimah Kumpipa in kong gen hi.

Jeremiah 25:27

Tua ciangin Topa in hong hopih a, “Amaute kiangah, ‘A vanglian Topa, Israel mite’ Pasian in hih bangin ci hi: Dawn un. Kham un la, lua un. Note’ kiangah namsau hong pai sak ding ka hih manin tuk un la, tho zo nawn kei un,’ va ci in.

Jeremiah 51:39

Ka hehna tawh amaute an ka vak ding a, khua a phawk nawn loh dong uh zu ka khamsak ding hi. A tawntungin a thuum paisuak ding uh a, a khanglo nawn kei ding uh hi, Topa in kong ci hi.

Mangmuhna 18:9

“Amah tawh mawhin nopsakna a ngah ngei leitung kumpite in zong tua khua-ah mei katna pan a pusuak meikhu a muh uh ciangin,

Malakhi 1:14

A tuuhon lakah tuutal cidam nei napi-in, a kamciamsa bangin kei tungah hong piak ciangin, a sitbaang ganhing hong pia mi khempa in samsiatna thuak ta hen. Bang hang hiam cih leh keimah in a lian mahmah Kumpipa ka hi a, minam khempeuh in kei hong zahtak uh hi,” a ci hi.

Nahum 1:10

Amaute, linglom bangin om uh a, zu leh sa tawh kidiahin a om lai takun ham bangin kihaltum ding hi.

Isaiah 37:36

Tua ciangin Topa’ vantungmi kuankhia-in Assiria mite’ giahphual ah mihing tulza leh tulsawmgiat leh tulnga that hi; zingsang ciangin mite a thawh ciangin hihte khempeuh mi si luang bekbek a na hi hi.

Isaiah 6:5

Tua ciangin keimah in, “Gim ngahpa hi ta ing! Bang hang hiam cih leh a mawknapi ka hi hi; ka kam-a ka thugen khempeuh mawhna vive hi a, a thugen khempeuh uh mawhna leh nitna ahi mite’ lakah ka teeng kha hi. Vanglianpen Topa, Kumpipa ka mu kha khin ta hi,” ka ci hi.

Isaiah 44:25

zuau thu gente’ hilhkholhna limte a siasakpa, aisante pen mihai a suaksakpa, mi pilte lehhei kikin, amau’ thu theite haina a suaksakpa;

Jeremiah 13:13

Tua ciangin nangmah in amaute kiangah, ‘Topa in hong cih-inah, En un, David’ tokhom tung-a tu kumpite, siampite, kamsangte leh Jerusalem khua-a teeng mi khempeuh-a kipan gamsunga om mite khempeuh zu tawh kidim sakin ka khamsak ding hi.

Jeremiah 50:30

Tua ahih manin khua sung laizangah a tangvalte uh si ding uh a, tua ni ciangin a galkapte uh a beimang khin ding uh hi. Topa in kong ci hi.

Ezekiel 20:33

“Keimah in a nungta Topa Pasian ka hih mah bangin, khut khauh tak leh ka vangliatna leh ka hehna tawh note kong uk gawp taktak ding hi.

Nahum 3:18

Assiria kumpipa aw, na gamsung a ukte si ta a, na uliante ihmu paisuak uh hi. Na mite, mualtung tengah kithehthang a, inn-ah a kaikhawm ding kuamah om lo hi.