Jeremiah 51:51 - Tedim Bible

⁵¹ Note in, ‘Kote in maizumna ka thuak uh a, simmawhna kam ka za khin uh hi. Minsiatna in ka maitang uh hong tuam khin hi; bang hang hiam cih leh Topa’ biakinn siangtho, gamdang mite in a hong lak sak uh hi,’ na ci uh hi.

Tedim Bible Revision 2017

⁵¹ Note in, ‘Kote in maizumna ka thuak uh a, simmawhna kam ka za khin uh hi. Min siatna in ka maitang uh hong tuam khin hi. Bang hang hiam cih leh Topaʼ biakinn siangtho gamdang mite in a hong laksak uh hi,’ na ci uh hi.

Jeremiah 51:51 Referans Kwoze

Kah la 1:10

A galte in a neih a lam khempeuh a laksak hi. Biakinnpi sungah lut uh a, Topa in Gentailte pai nading a khamna munah a lut uh a mu uh hi.

Late 79:4

Kote in ka vengte uh’ zahko, ka kim uh-a omte’ ko leh nuihsat ka suak khin uh hi.

Micah 7:10

Tua hun ciangin ka galte in hih thu mu ding uh a, “Na Topa Pasian koi-ah om hiam? ci-in hong tawng ka galte maizum ding uh hi. Amaute guallel ding a, kongzing buan bangin a kisik gawp mu-in kei ka nuam ding hi.

Daniel 11:31

A galkapte pawl khat in biakinnpi leh biakinnpi huang a niinsak ding uh hi. Amaute in nisim biak piaknate khawlsak ding uh a, Lipkhaphuai na a suang ding uh hi.

Ezekiel 36:30

Na singgah kungte uh leh na lo lai ante uh tampi tak ka pha sak ding a, gil kial-a mindaina, minam dangte lakah na thuak kha nawn kei ding uh hi.

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.

Ezekiel 9:7

Tua ciangin amaute kiangah, “Biakinn ninsak un. A tual tengah siluang hawm dimsak un. Tu-in kipan un,” ci hi. Tua ahih ciangin amaute kuan khia-in khua sungah mite thah ding kipan uh hi.

Ezekiel 7:18

Amaute dahna limin puanhampi silh ding uh a, pumliin’ gawp ding uh hi. A sam uh kimettolsak ding a, a min uh dai ding hi.

Kah la 5:1

Topa aw, kote tunga, thupiangte hong phawk in. Hong en in la, ka maizumna uh hong mu in.

Kah la 2:20

Topa aw hong en in. Na bawlsiat mite hong en dih in. Nupite in a it a tate’ sa uh ne tanghial uh hi. Siampite leh kamsangte in Biakinnpi sung mahmah ah thahna thuak uh hi.

Jeremiah 52:13

Amah in Topa’ biakinnpi akipan kumpipa’ inn leh Jerusalem khua-a inn lian khempeuh a hal hi.

Jeremiah 31:19

Nangma’ kiang pan ka paikhiat khit phet-in ka kisik kik a, Nong thuhilh khit ciangin dah-in ka kun hi. Ka neu lai-a ka min siatna teng pua ka hih manin mai zumin ka lungam hi,’ a ci hi.

Jeremiah 14:3

Uliante in a nasemte uh tui tawi dingin sawl uh a, tuikhuk a zuat uh leh tui na om lo hi. A beel hawm uh tawh hong kilehkik uh a, lungkhamin cih nading thei loin a lu uh puan a khuh uh hi.

Late 109:29

Kei hong mawhsakte in mindaina silh uh hen la, puanza silh bangin amau’ maizumna tawh kituamcip ta uh hen!

Late 79:12

Amaute in nang hong zahkona mah tawh ka vengte uh’ ang sungah a zah sagih-in thuk in, Topa!

Late 79:1

Pasian aw, nangma luahna gam sungah dawi biate hong pai uh hi; amaute in nangma biakinn siangtho nin sak uh hi; amaute in Jerusalem siasak khin uh hi.

Late 71:13

Kei hong mawhsakte zahhuai-in beimang uh hen la, keima siat nading a zongte, simmawhna leh minsiatna in tuamcip ta hen.

Amos 7:9

Isaak’ suan leh khakte’ biakna munte kinusia cipin, Israel mite’ siangtho munte kisusia ding a, Kumpi Jeroboam’ innkuante a do dingin gal ka kuansak ding hi,” hong ci hi.

Micah 6:16

Bang hang hiam cih leh Kumpi Omri’ gamtatna teng zui-in, ama tapa Kumpi Ahab’ sep khempeuh na sem uh a, amau’ gamtat khempeuh na zui uh hi. Tua ahih manin note kong susia ding hi. Minam dangte in note hong nuihsanin, amaute’ simmawhna na thuak ding uh hi.

Late 89:46

Topa aw, nang bang tanvei bucip den ding na hi hiam? Na hehna bang tanvei mei bangin kuang ding ahi hiam?

Isaiah 13:1

Amoz’ tapa Isaiah in Babilon siatna ding tawh kisai a muhnate a genna:

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Isaiah 21:1

Babilon gam tawh kisai thu: Pingpeite leitaw lam panin hong kipat mah bangin, a lauhuai gam panin siatna hong pai hi.

Isaiah 47:1

Nungak a bang Babilon aw, hong paisuk in la, leivui lakah tu in; nungak a bang Khaldea aw, tokhom om lohna lei lakah hong tusuk in! Bang hang hiam cih leh nang pen, a moi milmel, a ngeek dikdek, hong kici nawn lo ding hi.

Jeremiah 25:26

a gamla hi taleh a nai hi taleh leilu lama a om kumpite khempeuh khat khit ciangin khat ka dawn sak a, tua khit ciangin leitunga om gam khempeuh ka dawn sak hi. A tawpna ah Babilon kumpipa in a dawn ding hi.