Jeremiah 51:43 - Tedim Bible

⁴³ A khuapite a mulkimhuai suak ta a, leikeuna sehnel gam suak ta hi. Gam sungah kuamah teeng lo a, kuamah in kantan ngei lo hi.

Tedim Bible Revision 2017

⁴³ A khuapite a mulkimhuai suak a, lei keuna sehnel gam a suak khinta hi. Gam sungah kuamah teeng lo a, kuamah in kantan ngei lo hi.

Jeremiah 51:43 Referans Kwoze

Jeremiah 2:6

Amaute in, ‘Izipt gam panin eite hong paikhiatpih-a sehnel lak leh dum lak, leikeu lak leh a lauhuai khuamial bekbak lak, kuama’ pai ngei lohna mun, kuama’ teen’ lohna gamlak-ah a hong makaih Topa koi-ah a om hiam?’ ci beek lo uh hi.

Isaiah 13:20

Khang tawntungin tua lai-ah kuamah teeng lo, om ngei nawn lo ding hi; Arabia mite kuamah in tua lai-ah a puanbuk lam lo ding a, tuucingte kuamah in tua lai-ah a tuute lum sak lo ding hi.

Jeremiah 51:29

Babilon gam in na sa-in, kitom-in a liing hi; bang hang hiam cih leh ama tunga Topa’ ngimna a tangtung a, Babilon gam simtham suak sakin kuamah a teengsak kei hi.

Jeremiah 51:37

Tua ciangin Babilon khuapi pen innsia losia suak ding a, se-alte’ teen’na mun suakin, a lipkhaphuai, simmawhna tawh a kiphitsan, kuama’ teen’ lohna mun a suak ding hi.

Jeremiah 50:12

na nu uh Babilon khuapi maizum ding a, no’ pian’na na nu uh a mindai ding hi. En un, na gam uh gam khempeuh lakah a gina lo pen hi ding a, leikeu, gamlak, sehnel gam a suak ding hi.

Late 46:8

Hong pai un la, Topa’ sepna, leitung, gamkhing a suahsak khitna hong en un.

Isaiah 47:11

Ahih hangin nangmah in na beisak theih loh tuahsiatna na tungah hong tung ding hi; nangmah in maisakna na ngah theih loh gimna nang tungah hong tung ding hi; nang in a thu na theih hetloh siatna na tungah thakhatin hong tung ding hi.

Jeremiah 51:62

tua ciangin, ‘Topa aw, hih munah mihing hi taleh, ganhing hi taleh bangmah teeng lo a, a tawntunga a kinusia gam a suah nadingin na suksiat nading na genkhia khin zo hi,’ ci-in thu gen in.

Isaiah 34:13

Kumpi inn liante sungah lingkung po ding a, kulh a nei khua sungah laho kung leh thangling kung po ding hi. Ngiate’ an zon’na mun suakin, kalaoh-vasate’ omna hi ding hi.

Jeremiah 18:16

Amau’ gam uh a mulkimhuai leh simmawhna tawh a kiphitsan den ding gam a suaksak uh hi. A kantan mi khempeuh a mulkim uh a, lamdang sa-in a lu uh a pei uh hi.