Jeremiah 51:41 - Tedim Bible

⁴¹ “Leitungbup’ pahtawi Babilon khuapi kila ta hi! Gamdangte’ lakah Babilon khua, a mulkimhuai suak ta hi!

Tedim Bible Revision 2017

⁴¹ “Leitung bup in a pahtawi Babylon khuapi kila ta hi. Gamdangteʼ lakah Babylon khua, a mulkimhuai a suakta hi.

Jeremiah 51:41 Referans Kwoze

Jeremiah 25:26

a gamla hi taleh a nai hi taleh leilu lama a om kumpite khempeuh khat khit ciangin khat ka dawn sak a, tua khit ciangin leitunga om gam khempeuh ka dawn sak hi. A tawpna ah Babilon kumpipa in a dawn ding hi.

Isaiah 13:19

Khaldel mite’ vangliatna leh kiphatsakpih, kumpigam a minthang bel Babilon khua pen Pasian in Sodom leh Gomorrah a siatsak lai hun bang ding hi.

Jeremiah 49:25

Tua khuapi minthang’ lungdamna khuapi, tu-in kinusia ta hi!

Daniel 4:30

“Babilon khua bang zah takin lian ahi hiam! Kumpi ding leh, ka vangliatna ka thahatna kilat nadinga ka lam ahi hi,” a ci hi.

Daniel 4:22

Kumpipa aw, nangmah in tua singkung na hi hi. Nang na lian a, na thahat hi. Nakpi takin khanga lian mahmah na hih manin vantung dong na banto a, na vangliatna in leitung khempeuh ah a kizel hi.

Daniel 2:38

Amah in mi’ teen’na leitung teng, ganhing teng leh vasate uk dingin a hong koih hi. Tua kham lutang in nangmah na hi hi.

Ezekiel 27:35

Tuipi gei-a teeng mi khempeuh in, nang, lamdang hong sa ding uh hi. A kumpite uh zong lau mahmah ding a, a mai put uh laumai ding uh hi.

Jeremiah 51:37

Tua ciangin Babilon khuapi pen innsia losia suak ding a, se-alte’ teen’na mun suakin, a lipkhaphuai, simmawhna tawh a kiphitsan, kuama’ teen’ lohna mun a suak ding hi.

Jeremiah 50:46

A pukna uh gin’ ngaih lua ahih manin leitung a kiliing ding hi. A kahna aw uh, gam khempeuh ah a kiza ding hi,” a ci hi.

Jeremiah 50:23

Leitung khempeuh sekpi bang a, a khen Babilon khuapi, tu-in tua sekpi kitanin kitam ta hi! Gamdangte’ lakah Babilon khuapi tu-in a mulkimhuai suak ta hi!

Isaiah 14:4

Babilon kumpipa’ tungah hih zahkona kam na zang ding uh hi; “A nengniampa koi ci bei! a hehna koi ci khawl!

2 KHANG TANGTHU NIHNATE 7:21

Tua ciangin a minthangsa hih inn a nawkkha khempeuh in lamdangsa-in, ‘Bang hangin hih bangin Topa in hih gam leh hih inn bawl ahi hiam?’ ci ding uh hi.

Thu-hilhkikna 28:37

Topa in note hong paikhiatpihna mite lakah a cikzet-huai, paunak, leh ciamnuihna na suak ding uh hi.