Jeremiah 51:25 - Tedim Bible

²⁵ “En in, mualpi banga lian a, leitung khempeuh a susia zo Babilon aw, nang kong langpan’ hi, Topa in kong ci hi. Keimah in nang’ lang khatah ka khut ka zan ding a, mualdawn panin nang hong khuk khia-in, kong kangtumsak ding hi.

Tedim Bible Revision 2017

²⁵ “En in, mualpi bangin lian a, leitung khempeuh a susia zo Babylon aw, nang kong langpan hi, Topa in kong ci hi. Keimah in nangʼ lang khat ah ka khut ka zan dinga, mual dawn panin nang hong khuk khia-in, kong kaang tumsak ding hi.

Jeremiah 51:25 Referans Kwoze

Mangmuhna 8:8

Nihna vantungmi in peengkul a tum ciangin, mei in a kat mualpi bang na khat in tuipi sungah kia a, tuipi seh thum suah seh khat sisan suakin,

Zekhariah 4:7

Thu haksa pente nangawn in na ma hong khaktan zo lo ding hi. Biakinn na lamkik ding a, mite in, ‘Hoih mahmah hi,’ ci-in a ot ngeii-ngai lai takin a khupna suang na ciang ding hi, hong ci hi,” a ci hi.

Jeremiah 50:31

“En un, a vanglian Topa Pasian in kong cih-inah, Nang a kisa thei Babilon aw, nang kong langpan hi. Bang hang hiam cih leh nang kong daantah hun ding na ni hong tung zo hi.

Jeremiah 51:58

“A vanglian Topa in kong gen-inah: A sah Babilon khua kulhpi lei lakah cimsuk ding a, a sang khua kongpite zong mei tawh a kihal ding hi. Mite’ nasepna a mawkna suak a, minamte’ hanciamna vut leh vai suak hi,” a ci hi.

Jeremiah 51:53

Babilon khua vantung-ah a kahtoh theih a, a sangpi-ah kip takin gal dalna a bawl theih hangin, Topa in kong cih-inah, kei’ kiang panin amah susia ding mi a hong pai teitei ding hi.

Isaiah 13:2

Mual kolh tungah lan khat khai to un la, galkapte tungah nakpi takin kiko un; mi liante’ kongpi-ah a lut nadingun amaute khut vaan un.

Daniel 4:30

“Babilon khua bang zah takin lian ahi hiam! Kumpi ding leh, ka vangliatna ka thahatna kilat nadinga ka lam ahi hi,” a ci hi.

Jeremiah 51:7

Babilon khuapi in Topa’ khut sunga khamhai tawh kibang a, leitung buppi zu a khamsak hi. Gamdangte in a zu a dawn manun, a hai khin uh hi.

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Piancilna 11:4

Tua ciangin amaute in, “Hong pai un, leitung buppi maitang-ah eite i kithehthang gawp loh nadingin ei’ adingin khuapi khat bawlin, a dawn in vantung a ban ding tausangpi khat lamin, eite’ min ding khat bawl ni,” ci uh hi.

2 PETER NIHNA 3:10

Guta bangin Topa’ Ni in hong tung ding hi. Tua Ni ciangin vantungte in aw lian mahmah tawh mangthang ding a, a nate zong sa lua-in a kisia ding uh hi. Leitunga kipan leitungah kibawl na khempeuh a kangtum ding uh hi.

Late 138:7

Haksatna tuamtuamte ka thuak ciangin kei nong kem hi; a heh ka galte, kei’ tangin nong dosak a, na thahatna tawh kei nong honkhia hi.

Jeremiah 50:25

Topa in a galhiam koihna hong zo a, a hehna galhiamte a lakhia hi. Bang hang hiam cih leh Babilon gamah a vanglian Topa Pasian in sep ding khat a nei hi.

Jeremiah 25:12

Kum sawmsagih a cin’ khit ciangin Topa in kong cih-inah, Babilon kumpipa leh a gam amau’ mawhna hangin daan ka tat ding a, tua gam a tawntungin gam simtham ka suaksak ding hi.