Jeremiah 51:21 - Tedim Bible

²¹ Nang hong zangin sakolte leh a tunga tuangte, sakollengte leh a hawlte,

Tedim Bible Revision 2017

²¹ Nang hong zangin sakolte le a tunga a tuangte, sakol leengte le a hawlte,

Jeremiah 51:21 Referans Kwoze

Paikhiatna 15:1

Tua ciangin Moses leh Israel mite in Topa' tungah hih la sa uh a, “Topa tungah la ka sa ding hi, amah in minthangin zo khin a, amah in sakol leh a tuangpa tuipi sungah lawn hi.

Zekhariah 10:5

Kongzing buannawng lakah, a galte a tuancil gawp galkapte bangin, amaute gualzo ding uh a, Topa in a ompih manin amaute in galdo ding uh a, a galte’ sakol galkapte zo gawp ding uh hi.

Zekhariah 12:4

Tua ni ciangin a sakolte uh ka lausak ding a, a sakol tung tuangte uh ka haisak ding hi. Ahi zongin Judah mite ka kem ding a, a galte uh’ sakolte, a mit ka tawsak ding hi.

Haggai 2:22

Kumpi gam khempeuh lumletin a vangliatna uh a beisak ding ka hi hi. Leengte leh leeng hawlte ka lawnthal ding a, sakol leengte leh a tung tuangte puk ding uh a, amaute khat leh khat kithat lum ding uh hi.

Nahum 2:13

Topa in hih bangin ci hi: “Keimah in note’ gal ka hi a, na sakol leengte uh ka haltum ding hi. Na humpinelkai note uh namsau in vattum ding a, midangte’ na na suh teng uh ka susia mang khin ding hi. Na kamtaite uh awging koimah ah kiza nawn lo ding hi,” ci hi.

Micah 5:10

Topa in hih bangin ci hi: Tua hun ciangin na sakolte uh hong paihkhiatsakin, na leengte uh ka susia ding hi.

Mangmuhna 19:18

Kumpite’ sa, galkapte’ sa, a vanglian mite’ sa, sakol leh sakol tung tuang mite’ sa, sila leh to nei lo mi lian, mi neu a om khempeuhte’ sa uh ne dingin hong pai un,” ci-in nakpi-in a kiko hi.

Late 46:9

Amah in leimong dong ah gal beisak hi; amah in thalpi kuaitanin, teipi susia a, leengte mei tawh haltum hi.

Ezekiel 39:20

Amaute in ka sabuai tungah, sakolte leh a tunga tuangte, galkapte leh galkap mangte’ sa, a nek zawh zahzah uh ne ding uh hi. Topa Pasian in hih thu ka gen khin hi,” hong ci hi.

Jeremiah 50:37

Sakolte leh sakol leengte, numei tawh kibang a galkap cialte uh, namsau tawh kithat uh hen! A sum a pai khempeuh uh, kituahmang sak hen!

Late 76:6

Jakob’ Pasian aw, nangma thuhilhna hangin sakol leh a tung tuangpa khawlcip uh hi.

Paikhiatna 15:21

Miriam in amaute la sak hi: “Topa la sak un, amah in minthangin zo khin, amah in sakol leh a tuangpa tuipi sungah lawn hi,” a ci hi.

Paikhiatna 15:4

“Faro’ leengte leh a galkap honpite amah in tuipi sungah lawn a, a kitengkhia ama uliante San Tuipi sungah tum hi.