Jeremiah 51:2 - Tedim Bible

² A zap siang ding mi Babilon-ah ka sawl ding a, amaute in tua gam a zapsiang ding uh hi. Gimna ni hong tun’ ciangin amah a sim dingin mun khempeuh panin hong pai ding uh a, gam sungah bangmah a omsak nawn kei ding uh hi.

Tedim Bible Revision 2017

² A zapsiang ding mi Babylon ah ka sawl dinga, amaute in tua gam a zapsiang ding uh hi. Gimna ni hong tun ciangin amah a sim dingin mun khempeuh panin hong pai ding uh a, gam sungah bangmah a omsak nawn kei ding uh hi.

Jeremiah 51:2 Referans Kwoze

Mattiu 3:12

A khut in lawhpi tawi a, ama buhphual zap siang ding a, a tak teng a sal sungah a koih ding hi. A site ahih leh, mit ngei lo mei in a hal ding hi,” ci-in Johan in a gen hi.

Jeremiah 15:7

Na gamsung khua kongpite-ah huihpi’ mut bangin note kong mutmang ding hi. Na tate uh ka beisak ding-a, ka mite ka susia ding hi; bang hang hiam cih leh na gitlohna uh leh na om dan hoihlo panun na kiheikik kei uh hi.

Isaiah 41:16

amaute na haih ding uh a, huih in amaute mutkhia ding a, huihpi in amaute thehthang ding hi. Tua ciangin Topa’ hangin na lungdam ding uh a, Israelte’ Siangtho Pa’ hangin na minthang ding uh hi.

Ezekiel 5:12

Note seh thum suah seh khat pen cina leh gilkialin khuapi sungah na si ding uh hi. Seh thum suah seh khat, khuapi kiim-ah namsau-in na si ding uh hi. A om lai seh thum suah seh khat ahih leh mun khempeuh ah hong thehthangin namsau tawh kong delh ding hi.

Jeremiah 50:32

A kisathei gam, hoi-in tuk ding a, kuamah in a phongto kei ding hi. A khuapite mei tawh ka hal ding a, a kim-a om khempeuh a kangtum ding hi.

Jeremiah 50:29

“Babilon khua sim dingin thal kap siam, thal tawi theite va sam un. Khuapi umcih un la, kuamah suakta sak kei un. Ama’ hihna tawh kituak-in, ama tungah hih un. Ama’ hih ngei mah bangin ama tungah bawl un. Bang hang hiam cih leh amah in kisa thei-in Topa ahi, Israel mite’ Siangtho Pa a simmawh hi.

Isaiah 43:14

Israelte’ Siangtho Pa, note hong Honpa, Topa in hih bangin ci hi: “Note’ hangin Babilon ah puakin, Babilon mite galtaite bangin a kisak theihpih a teembawte sungah Khaldea mite’ kikona ka guangsuk ding hi.