Jeremiah 51:16 - Tedim Bible

¹⁶ Amah a pau ciangin vantung-ah tuite ging hunhun a, leimong panin tuikhu a suaksak hi. Guahzuk nadingin khua phiasak a, a saal sung panin huih a nungsak hi.

Tedim Bible Revision 2017

¹⁶ Amah a pau ciangin vantungah tuite ging huhu a, leimong panin tui khu a suaksak hi. Guah zuk nadingin khua phiasak a, a saal sung panin huih a nungsak hi.

Jeremiah 51:16 Referans Kwoze

Late 135:7

Amah in leimong panin meiipi kai sakin, guahzuk nadingin khuaphialepte bawl a, ama saalte panin huih pusuak sak hi.

Jonah 1:4

Ahih hangin Topa in tuipi tungah huih nakpi-in nung sak-a huihpi hat lua ahih manin teembaw a kisia dekdek hi.

Late 18:13

Topa zong vantungah awng a, Sangpen Pa in gialpi leh mei-amte ahi ama aw hong gingsak hi.

Jonah 4:8

Ni hong suah ciangin Pasian in nisuahna lam panin huih a sa mahmah nungsak a, ni in zong Jonah lu zang kapsuk veva ahih manin a gim mahmah hi. Tua ciangin amah in, “Ka nuntak sangin si leng kei adingin a hoihzaw hi,” ci-in a sih nading thu a ngen hi.

Amos 9:7

Topa in hih bangin ci hi: Israel mite aw, Ethiopia mite tawh a kibangin note ka hong bawl a, Izipt panin note ka hong paikhiatpih bangin, Kaftor gam panin Filistia mite ka paihkhiatpih a, Kir gam panin Siria mite ka paikhiatpih hi.

Ezekiel 10:5

Kherubte’ khazap ging pen biakinntual puanung ciang dongah kiza a, Vanglian Pasian a pau ciangin a awging tawh kibang hi.

Late 147:18

Amah in thupia-in tuate tuisak hi; amah in a huih nungsak a, tuite a luang hi.

Late 104:7

Na thuhilhna hangin tua tuite taikhia uh a, na thupiakna awging a zak uh ciangin kikhawhkhia uh hi.

Late 78:26

Amah in vantungah nisuahna huih nungsak-in, ama vangliatna tawh leitaw lam huih paikhiatpih a,

Late 46:6

Minamte heh mahmah uh a, kumpi gam kiliing hi; ama aw ging khiasak a, leitung kicimgawp hi.

JOB (Job) 40:9

Kei zahin nang hat na hi hiam? Kei’ awging zahin nang aa ging zo ding ahi hiam?

JOB (Job) 38:22

“Vuk a kikoihna mun-ah va lut ngei a, gial a kikholna mun va mu ngei na hi hiam?

JOB (Job) 37:13

Pasian in mihingte daantah nading ahi a, a pahtakna a lah nading ahi zongin, leitungah tu-a bangin a piangsak hi.

Paikhiatna 14:21

Tua ciangin Moses in tuipi tungah a khut zan hi; Topa in zan tawntung nisuahna huihpi hat tawh tuipi leh luan’sakin, tuipi pen leikeu-in bawl a, tuite kikhen hi.

Paikhiatna 10:19

Topa in nitumna huihpi hat mahmah khat nungsak a, tua huih in kauphete laamto-in San Tuipi sung den’na hi; Izipt gam sungah kauphe khat zong om nawn lo hi.

Paikhiatna 10:13

Tua ahih ciangin Moses in Izipt leitang tungah a ciangkhut zan a, Topa in tua sun tawntung leh tua zan tawntung leitang tungah nisuahna huih nungsak hi; zingsang ciangin nisuahna huih in kauphete hong tun’ khin hi.

Piancilna 8:1

Ahih hangin Pasian in Noah leh amah tawh teembaw sungah a om gamsate leh innsate khempeuh phawk hi. Pasian in leitungah huih nungsak a, tui kiam hi;