Jeremiah 51:12 - Tedim Bible

¹² Babilon khua kulhpi tungah dial khai un; galvil ding tampi koih un. Cing sak un la, galte buk sim dingin kithawi un. Bang hang hiam cih leh Babilon khua mite tawh kisai-a Topa in a gensa teng, a geel khin zo a, a sem khin zo hi.

Tedim Bible Revision 2017

¹² Babylon khua kulhpi tungah dial khai unla, galvil ding tampi koih un. Cingsak unla, galte a buk sim dingin kithawi un. Bang hang hiam cih leh Babylon khua mite tawh kisai-in Topa in a gen sa teng a geel khinzo a, a sem khinzo hi.

Jeremiah 51:12 Referans Kwoze

Jeremiah 51:11

“Thaltangte hiam un! Lumte la un! Topa in Babilon khua susia nuam ahih manin Media kumpite a hanthawn hi. Bang hang hiam cih leh hih in a biakinnpi hanga Topa’ thuhkikna ahi hi.

Isaiah 13:2

Mual kolh tungah lan khat khai to un la, galkapte tungah nakpi takin kiko un; mi liante’ kongpi-ah a lut nadingun amaute khut vaan un.

Nahum 2:1

Nineveh khuapi aw, nang hong kisim ta a, nang hong sugawp dingpa hong tung ta hi. Na kan uhah pang un la, lampi vil un. Kithawi un la, galdo dingin kiging un.

Jeremiah 51:29

Babilon gam in na sa-in, kitom-in a liing hi; bang hang hiam cih leh ama tunga Topa’ ngimna a tangtung a, Babilon gam simtham suak sakin kuamah a teengsak kei hi.

Joel 3:2

Minam khempeuhte kaikhawmin, Jehoshafat Kuam-ah ka paipih ding hi. Ka mihingte tungah a bawlnasa hangun, tua munah amaute thu ka khen ding hi. Amaute in Israel mite, gamdangah thehthang uh a, ka gamsung teng phelhawm uh hi.

Kah la 2:17

Topa in a sehna bangin a tawp khakna ah a hong bawl hi. Sau veipi lai-a a hong hilhkholhsa bangin hong hehpih nawn loin a hong susia hi. Galte gualzawhna pia a, ei hong guallel sak a, amaute a lungdamsak hi.

Jeremiah 51:27

“Leitungbup galsim dingin thu pia un; gamdangte kiangah peengkul mut un. Amah sim dingin kithawi sak in; Ararat, Minni leh Ashkenaz gamte sim sak un. Makai khat teel un la, kauphe honpi bangin sakolte va la un.

Jeremiah 50:2

“Gam khempeuh ah genin tangko un; dial khai un la, im kei un. ‘Babilon’ khuapi kila ta hi. Bel pasian maizum ta, a Merodak pasian kitangawp ta hi. A milimte uh maizum ta a, a pasiante uh kisiagawp ta hi,’ ci-in tangko un.

Paunak 21:30

Pilna, theihna, thugennate in, Topa’ mai-ah bangmah man lo hi.

Joshua 8:14

Ai kumpipa in hih a muh ciangin amah leh tua khuapi mi ahi a mite khempeuh, Israelte a do dingin manlangin kithawi-in Arabah lam paisukna-ah zing tungin paikhia uh hi; ahih hangin khuapi nungah amah a buksim a om lam thei lo hi.

Jeremiah 4:28

Tua hangin leitung kap ding a, vantung a mial ding hi. Bang hang hiam cih leh ka gensa, ka khensat sa hi-a, ka kisikkik loh bangin ka lungsim zong ka khelkik kei ding hi,” a ci hi.

Jeremiah 23:20

A lungsim sunga a tupna teng a tangtun’ sak matengin, Topa’ hehna kilehkik lo ding hi. Hong pai lai ding hunte ah note in siang takin na telzaw semsem ding uh hi.

Jeremiah 50:25

Topa in a galhiam koihna hong zo a, a hehna galhiamte a lakhia hi. Bang hang hiam cih leh Babilon gamah a vanglian Topa Pasian in sep ding khat a nei hi.

Isaiah 11:12

Amah in minamte’ adingin lan khat khai ding a, Israel mi a kihawlkhiate kaikhawmin, leitung kiuli panin Judah mi a kikhenthangte kaikhawm ding hi.