Jeremiah 51:11 - Tedim Bible

¹¹ “Thaltangte hiam un! Lumte la un! Topa in Babilon khua susia nuam ahih manin Media kumpite a hanthawn hi. Bang hang hiam cih leh hih in a biakinnpi hanga Topa’ thuhkikna ahi hi.

Tedim Bible Revision 2017

¹¹ Thaltangte hiam un. Lumte la un. “Topa in Babylon khua susia nuam ahih manin Media kumpite a hanthawn hi. Bang hang hiam cih leh hih pen a biakinnpi hangin Topaʼ thukkikna ahi hi.

Jeremiah 51:11 Referans Kwoze

Jeremiah 46:4

Sakol vante vawh un la, tuang ta un, sakol galkapte aw. Na sik lukhute uh khu un la, na teipite uh tat hiam-in, na sik puante uh silh un.

Jeremiah 50:45

Tua ahih manin Babilon khuapi’ thuak nading leh Khaldea gam’ gim nading a, Topa’ geelna leh ngimnate ngai dih un, A tangeekte nangawn uh kikaikhia takpi ding a, mi khempeuh a lau taktak ding uh hi.

Jeremiah 50:9

Bang hang hiam cih leh, en un, keimah in leilu lam gam panin gam pawlkhat ka hanthawn ding a, Babilon ka simsak ding hi. Amaute in Babilon khua kimkotah gal pang-in tua khua a la ding uh hi. Galkap siamte’ lot bangin a thaltangte un khak loh a nei kei uh hi.

Jeremiah 46:9

Sakolte aw, mai nawt un, sakol leengte aw, hat un! Lum tawi Ethiopia mite leh Put mite aw, thal tawisiam Lud mite aw, na galkapte uh kuan sak un.

Zekhariah 14:12

Tua ciangin Jerusalem khuapi a sim minam dang khempeuhte tungah Topa in gimna lianpi tungsak ding hi. A khe-un a ding thei kimlai mahin a sa uh muat mang ding a, a mitkhuk sung uhah a mittangte uh muatin, a kam sung uhah a leiite uh muat ding hi.

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, innte kiluh gawpin, numeite zong kibuan ding hi. Mi a lang bang sal-in kipaikhiatpih ding a, a dangte ahih leh kipaikhiatpih lo ding hi.

Jeremiah 51:35

Kei’ tung leh ka mipihte’ tunga hong kibawl ngongtatna Babilon mite tungah tung ta hen, ci-in Zion khua-a teengte ci sak un. Khaldea mite in ka sisan man thuak ta uh hen, ci-in Jerusalem khua cisak un.”

Jeremiah 51:24

“Topa in kong cih-inah, Babilon khua leh Khaldea gam-a teengte khempeuh in Zion khua-a siatna a bawl manun note’ muhna ah ka thuk ding hi.

Jeremiah 51:12

Babilon khua kulhpi tungah dial khai un; galvil ding tampi koih un. Cing sak un la, galte buk sim dingin kithawi un. Bang hang hiam cih leh Babilon khua mite tawh kisai-a Topa in a gensa teng, a geel khin zo a, a sem khin zo hi.

Jeremiah 50:25

Topa in a galhiam koihna hong zo a, a hehna galhiamte a lakhia hi. Bang hang hiam cih leh Babilon gamah a vanglian Topa Pasian in sep ding khat a nei hi.

Isaiah 46:11

Nisuahna gam panin sasialne vasa khat samin, keima thu a sem khia dingin gamlapi panin mi khat ka sam hi. Thu ka gen khin a, ka tungsak ding hi; ka geel khin a, ka sem ding hi.

Isaiah 45:5

Keimah in Topa ka hi hi, kuamah dang om lo a, kei sim loh Pasian om lo hi; nisuahna pan hita leh, nitumna pan hita leh, kei sim loh a dang a om lohna thu mite in a theih nadingin, nong theih loh hangin nangma tungah a kisam thahatna kong guan hi; keimah in Topa ka hi a, a dang om lo hi.

Isaiah 45:1

Kulh kongpite a kikhak loh nadingin ama mai-ah kongkhakte a honsak ding, kumpite’ vangliatnate a lakkhiat sak ding, ama mai-ah minamte a zawh sak dingin, a taklam khut a len, a sathau nilhpa Sairas tungah Topa in hih bangin ci hi:

Isaiah 41:25

Leilu lam gam panin mi khat ka hanthawn a, amah hong kuan khin hi, nisuahna lam panin amah in ka min hong lo ding hi; beel sekpa in buan a cil bang, sum sunga a kisu gawp bangin, amah in gam ukte tuancil gawp ding hi.

Isaiah 21:5

Amaute in sabuai phahin, sual puante phah uh a, ne-in, dawn uh hi. Uliante aw, tho un, lumte sathau nuh un!

Isaiah 21:2

A kihtak huai mangmuhna khat kei tungah hong kigen hi; A lehheekpa in lehheekin a sut thei mipa in sut hi, a susia thei mipa in susia hi. Elam galkapte aw, kuan to un, Media galkapte aw, umcih un; Babilon’ pian’sak ahi, khuisatnate khempeuh Pasian in beisak ta hi.

Isaiah 10:26

Vanglianpen Topa in Oreb suangpi-ah Midian mite a sukgawp bangin, amah in amaute khau tawh sat ding a, Izipt ah a hih bangin amah in a ciangkhut tuite tungah vaan ding hi.

Ezra 1:1

Persia kumpipa Sairas’ kum khatna kumin, Jeremiah’ tung tawnin Topa’ thugen a tun’ theih nadingin, ama gam sung khempeuh ah tangkona khat bawlin lai-in zong a gelh nadingin Persia kumpipa Sairas’ lungsim ah Topa in suak sak hi. Amah in hih bangin hih hi:

2 KHANG TANGTHU NIHNATE 36:22

Tu-in Persia kumpipa Sairas’ kum khatna kumin, Jeremiah’ kam pana Topa’ thugen a tangtun’ theih nadingin, Topa in Persia kumpipa Sairas’ lungsim hanthawn a, amah in a kumpigam sung khempeuh ah taangkona khat bawl a, lai-in zong gelh hi.

1 KHANG TANGTHU MASATE 5:26

Tua ahih ciangin Israel’ Pasian in Assiria kumpipa Pul’ lungsim, Tilgath-pilneser a kici Assiria kumpipa’ lungsim hansuah a, amah in amaute, Reuben mite, Gad mite, leh Manasseh minam a langte pua khia-in, amaute Halah, Habor, leh Gozan gun-ah paipihin tu ni dongin tua lai-ah om uh hi.

1 KUMPI MASATE 11:23

Tua ciangin Pasian in ama topa ahi Zobah kumpi Hadadezer kiang panin a tai Eliada tapa Rezon zong Solomon a langpang dingin khangsak hi.

1 KUMPI MASATE 11:14

Tua ciangin Topa in Solomon’ lang khatah langpang khat, Edom mi Hadad khangsak hi; amah in Edom kumpi innkuan sung mi khat ahi hi.

Siampi Laibu 26:25

Keimah in thuciamna omsa bangin phulakna na a sem ding namsau khat note tungah kong tung sak ding hi; na khuapi sung uhah note na kikhaihkhop uh leh zong keimah in note’ lakah natna kong tung sak ding a, galte khut sungah note hong kipia ding hi.

Jeremiah 25:25

Zimri kumpite khempeuh, Elam kumpite khempeuh, leh Media kumpite khempeuh;

Jeremiah 46:3

“Na lumte uh la un la, galsim dingin kuankhia un!

Jeremiah 50:3

“Bang hang hiam cih leh leilu lam panin Babilon gam a sim ding leh gamlak a suaksak dingin gam khat hong pai ding hi. Gam sungah kuamah teeng lo ding a, a mihing a ganhingin a taimang ding uh hi.

Jeremiah 51:36

“Tua ahih manin Topa in kong cih-inah: En un, na thu uh kong sepsak ding a, no adingin kong thuk sak ding hi. A bual ka keusak ding a, a ciktui ka kangsak ding hi.

Daniel 5:30

Tua zan mahmah in Babilon kumpipa Belshazzar kithat a,

Joel 3:9

Minamte tungah hih bangin thuzaksakna bawl in: Gal hang mite sam un la, gal do dingin kithawi un la, galkap khempeuh khawmin hong kuan un!

Joel 3:10

Lo khawhna tuute namsau-in seek un la, singhiang heuhna temkawite teipi-in seek un. A thanemte in “Ka tha a hat hi” ci ta uh hen.