Biblia Todo Logo
Bib sou entènèt

- Piblisite -




Jeremiah 50:9 - Tedim Bible

9 Bang hang hiam cih leh, en un, keimah in leilu lam gam panin gam pawlkhat ka hanthawn ding a, Babilon ka simsak ding hi. Amaute in Babilon khua kimkotah gal pang-in tua khua a la ding uh hi. Galkap siamte’ lot bangin a thaltangte un khak loh a nei kei uh hi.

Gade chapit la Kopi

Tedim Bible Revision 2017

9 Bang hang hiam cih leh en un, keimah in leilu lam panin gam pawl khat ka hanthawn dinga, Babylon ka simsak ding hi. Amaute in Babylon khua kimkot ah gal pangin tua khua a la ding uh hi. Galkap siamteʼ lot bangin a thaltangte un khak loh a nei kei uh hi.

Gade chapit la Kopi




Jeremiah 50:9
20 Referans Kwoze  

“Thaltangte hiam un! Lumte la un! Topa in Babilon khua susia nuam ahih manin Media kumpite a hanthawn hi. Bang hang hiam cih leh hih in a biakinnpi hanga Topa’ thuhkikna ahi hi.


“Babilon khua sim dingin thal kap siam, thal tawi theite va sam un. Khuapi umcih un la, kuamah suakta sak kei un. Ama’ hihna tawh kituak-in, ama tungah hih un. Ama’ hih ngei mah bangin ama tungah bawl un. Bang hang hiam cih leh amah in kisa thei-in Topa ahi, Israel mite’ Siangtho Pa a simmawh hi.


Mun khempeuh panin hong sim un; A an sal uh hon’sak un. An cian’ bangin amaute ciang un; A vekpi-in susia un la, bangmah nusiat nei kei un.


“Merathaim gam sim dingin pai un la, Pekod mite zong va sim un. That un la, a vekpi-in susia mang un, Topa in kong ci hi. Kong sawl khempeuh hih un.


No thal tawite khempeuh aw, Babilon khua sim dingin a kimkotah gal pang un. Thaltang khat beek siit kei un la, kap un; bang hang hiam cih leh Topa’ tungah a mawh zo uh hi.


“Bang hang hiam cih leh leilu lam panin Babilon gam a sim ding leh gamlak a suaksak dingin gam khat hong pai ding hi. Gam sungah kuamah teeng lo ding a, a mihing a ganhingin a taimang ding uh hi.


Na theih ngei loh uh gam khatah na galte’ na ka hong semsak ding hi; bang hang hiam cih leh ka hehna kitawh kuang a, a mit nawn kei ding hi,” hong ci hi.


Leilu lam gam panin mi khat ka hanthawn a, amah hong kuan khin hi, nisuahna lam panin amah in ka min hong lo ding hi; beel sekpa in buan a cil bang, sum sunga a kisu gawp bangin, amah in gam ukte tuancil gawp ding hi.


A kihtak huai mangmuhna khat kei tungah hong kigen hi; A lehheekpa in lehheekin a sut thei mipa in sut hi, a susia thei mipa in susia hi. Elam galkapte aw, kuan to un, Media galkapte aw, umcih un; Babilon’ pian’sak ahi, khuisatnate khempeuh Pasian in beisak ta hi.


“A kithat mite’ sisan pan, A vanglianpa’ thal pan, Jonathan’ thal hong kileh kik lo a, Saul’ namsau hong guak kik lo hi.


A vekpi-in namsau zat a siam vive hi a, galdo a siam vive hi khin uh hi. A vekpi-in namsau kuah kim uh a, mi’ hih khak ding cing uh hi.


Bang hang hiam cih leh gam tampi leh kumpi liante in amaute salin a man ding uh a, amau’ gamtatna amau tungah ka thukkik ding hi.”


a gamla hi taleh a nai hi taleh leilu lama a om kumpite khempeuh khat khit ciangin khat ka dawn sak a, tua khit ciangin leitunga om gam khempeuh ka dawn sak hi. A tawpna ah Babilon kumpipa in a dawn ding hi.


Swiv nou:

Piblisite


Piblisite