Jeremiah 50:4 - Tedim Bible

⁴ “Topa in kong cih-inah, tua ni tua hun ciangin Israel mite leh Judah mite kap kawmin, hong pai khawm ding uh a, Topa a Pasian uh hong zong ding uh hi.

Tedim Bible Revision 2017

⁴ “Topa in kong cih in ah, tua ni tua hun ciangin Israel mite le Judah mite kap kawmin hong pai khawm ding uh a, Topa a Pasian uh hong zong ding uh hi.

Jeremiah 50:4 Referans Kwoze

Hosea 3:5

Tua khit ciangin Israel mite in Topa amau’ Pasian leh a kumpipa uh David lamah hong kihei kik ding uh hi. Tua hun ciangin amaute in Topa zahtakin, ama letsongte sang ding uh hi.

Hosea 1:11

Judah mite leh Israel mite kigawm kik ding uh a, amaute a makai dingin mi khat seh ding uh hi; amaute khangin ci-thei kik ding uh a, tua Jezre-el hun pen a nuam mahmah hun hi ding hi.

Jeremiah 31:31

“En un, Topa in kong cih-inah, Israel minamte leh Judah minamte tawh thuciamna thak khat ka bawl ni hun hong tung ding hi.

Zekhariah 12:10

David’ suan-le-khakte leh Jerusalem khuamite tungah, hehpihna leh thunget nopna lungsim ka guan ding hi. Amaute in a sut lup uh mipa enin, ta khat neihsun a sihsuahte bangin kap ding uh a, a tacil a khuaisuahte bangin nakpi takin kapin thuum ding uh hi.

Joel 2:12

Topa in hih bangin ci hi, “Tu mahmah nangawnin, lungsim tak tawh kisik kikin, an tangin, kapin, thuumna tawh kei kiangah hong paikik un.

Ezekiel 39:25

Topa Pasian in kei kiangah, “Tu-in Jakob suan leh khakte saltan’na panin ka pikhia kik ding a, Israelte khempeuh ka hehpih ding a, amaute a cithei-in ka bawl kik ding hi. Keima min siangtho ka hu ta ding hi.

Jeremiah 33:15

Tua ni tua hun ciangin David’ suan lak panin kumpi dingin a diktat Hiang khat ka khangsak ding a, amah in gam sungah thuman thu tang tawh thu hong khen ding hi.

Isaiah 63:4

Ka mite ka hotkhiat nading hun ta ka sa a, a galte uh phulak ding hun hi ta hi, ci-in ka ngaihsun hi.

Isaiah 55:6

“A kimuh theih hun lai-in Topa zong un la, a nai om lai-in amah sam un;

Isaiah 45:19

Keimah in mun simtham, khuamialna gam sungah thu ka gen kei hi; Jakob’ suan leh khakte kiangah, ‘A awngthawl mun sungah kei hong zong un,’ ka ci kei hi. Keimah Topa in thuman ka gen a, a man nate ka pulak hi.

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Late 105:4

Topa leh ama hatna zong un la, ama mai a tawntungin zong un!

Jeim 4:9

Lunggimna thuakin, thuumin, kapin, om un. Note’ nuihna pen dahna suahsak un. Note’ lungdamna uh zong dahna suaksak un.

Jeremiah 41:6

Nethaniah’ tapa Ishmael zong Mizpah khua panin kap kawmin hong paikhia a, amau hong dawn tuah hi. Amau tawh a kimuh ciangin amah in “Ahikam’ tapa Gedaliah hong en dih un,” ci-in a sam hi.

Ezekiel 16:61

Na u nu leh na nau nu na ngahkik ciangin na gamtatnasa teng phawk kikin na mai a zum ding hi. Nang tawh i thuciamna sungah a kihel loh hangin amaute pen nangma tanu bangin hong om ding uh hi.

Hosea 6:1

“Hong pai un, Topa kiangah ciahkik ni; amah in eite hong balgawp hangin hong damsak kik ding a, eite hong liamsak hangin i liamnate hong tun’sak kik ding hilo ahi hiam?

2 KHANG TANGTHU NIHNATE 7:14

keima minin a kisam ka mite amau mahmah kiniamkhiatin, thu ngenin ka mai hong zong a, amau’ gitlohnate panin a kihei uh leh, tua ciangin keimah in vantung panin ka za ding a, amaute’ khialhna maisakin a leitang uh ka hoihsak kik ding hi.

Hosea 11:10

Humpinelkai bangin a galte uh ka hawksan gawp ding a, tua ciangin ka mite in kei hong zui ding uh hi. Nitumna lam gam panin kei kiangah hong nawh tai ding uh hi.