Jeremiah 50:3 - Tedim Bible

³ “Bang hang hiam cih leh leilu lam panin Babilon gam a sim ding leh gamlak a suaksak dingin gam khat hong pai ding hi. Gam sungah kuamah teeng lo ding a, a mihing a ganhingin a taimang ding uh hi.

Tedim Bible Revision 2017

³ “Bang hang hiam cih leh leilu lam panin Babylon gam a sim ding le gamlak a suaksak dingin gam khat hong pai ding hi. Gam sungah kuamah teeng lo dinga, a mihing a ganhingin a tai mang ding uh hi.

Jeremiah 50:3 Referans Kwoze

Zefaniah 1:3

Mihing leh ganhing, van-a leeng vasa leh tui sunga ngasa, a vekpi-in ka susia ding hi. Mi gilote ka susia ding a, leitunga om mihing khempeuh ka susia ding hi. Topa ahi keimah in hih thu ka gen khin hi.

Jeremiah 51:11

“Thaltangte hiam un! Lumte la un! Topa in Babilon khua susia nuam ahih manin Media kumpite a hanthawn hi. Bang hang hiam cih leh hih in a biakinnpi hanga Topa’ thuhkikna ahi hi.

Jeremiah 51:62

tua ciangin, ‘Topa aw, hih munah mihing hi taleh, ganhing hi taleh bangmah teeng lo a, a tawntunga a kinusia gam a suah nadingin na suksiat nading na genkhia khin zo hi,’ ci-in thu gen in.

Jeremiah 50:9

Bang hang hiam cih leh, en un, keimah in leilu lam gam panin gam pawlkhat ka hanthawn ding a, Babilon ka simsak ding hi. Amaute in Babilon khua kimkotah gal pang-in tua khua a la ding uh hi. Galkap siamte’ lot bangin a thaltangte un khak loh a nei kei uh hi.

Jeremiah 51:48

Tua ciangin vantung teng leh leitung leh, a sunga om nate khempeuh in Babilon’ hangin lungdamin la a sa ding uh hi. Bang hang hiam cih leh leilu lam panin amau a susia ding mi hong pai ding uh hi, Topa in kong ci hi.

Jeremiah 21:6

Hih khuapi sunga teengte a mi a sa ci loin ka thatlum ding a, pulnatna tawh a gam khin ding uh hi.

Jeremiah 7:20

Tua ahih manin Topa in kong cih-inah: En in, ka hehna leh ka thangpaihna hih munah ka bua ding-a, mihingte tung leh ganhingte tung, lo lai-a singkungte leh lei laka singgahte tungah ka sung ding hi. Ka hehna a kuang ding a, a kisumit kei ding hi.

Paikhiatna 12:12

Bang hang hiam cih leh keimah in tua zanin Izipt gam ka nawk ding a, Izipt leitang tungah mihing hita leh ganhing hita leh tacil khempeuh ka vat gawp ding hi; Izipt pasiante khempeuh' tungah thu ka khen ding hi; keimah in Topa ka hi hi.

Piancilna 6:7

Tua ahih ciangin Topa in, “Ka piansaksa mihing, ganhing, a bokvak ganhingte leh huih lak vasate, lei maitang panin ka phiatkhia ding hi, bang hang hiam cih leh amaute ka bawl ka khial hi,” ci hi.

Isaiah 41:25

Leilu lam gam panin mi khat ka hanthawn a, amah hong kuan khin hi, nisuahna lam panin amah in ka min hong lo ding hi; beel sekpa in buan a cil bang, sum sunga a kisu gawp bangin, amah in gam ukte tuancil gawp ding hi.

Isaiah 45:1

Kulh kongpite a kikhak loh nadingin ama mai-ah kongkhakte a honsak ding, kumpite’ vangliatnate a lakkhiat sak ding, ama mai-ah minamte a zawh sak dingin, a taklam khut a len, a sathau nilhpa Sairas tungah Topa in hih bangin ci hi:

Jeremiah 9:10

“Mualte adingin kap-in tau un la, gamlak lo nona munte adingin thuum un. Bang hang hiam cih leh tuate keu gawp a, kuamah pai nawn lo hi, bawng ham zong kiza nawn lo hi; van-a leeng vasate leh gamsate a taimang ta uh hi.

Jeremiah 9:11

Jerusalem khua ninkholna ka bangsak ding a, se-alte’ teen’na ka suak sak ding hi. Judah khuapite gamlak ka suak sak ding a, kuamah a teeng nawn kei ding hi,” a ci hi.