Jeremiah 50:16 - Tedim Bible

¹⁶ Babilon khua khaici tuhte thatlum un la, an la ding a, phiaukawi tawite beisak un. Galte’ namsau kihta-in mi khempeuh in a mipihte lak mah uh zuankik ciat-in, a gam mah uhah a taikik ding uh hi.”

Tedim Bible Revision 2017

¹⁶ Babylon khua ah khaici tuhte that lum unla, an la dingin phiaukawi a tawite beisak un. Galteʼ namsau kihta-in mi khempeuh in a mipihteʼ lak mah uh zuankik ciatin a gam mah uh ah a taikik ding uh hi.

Jeremiah 50:16 Referans Kwoze

Isaiah 13:14

A kidelh sanang leh a cing om lo tuu bangin mi khempeuh pen amau mite lam ciatah kihei-in, mi khempeuh amau gam ciatah tai ding hi.

Jeremiah 51:9

Babilon khua i damsak nop hangin, a dam thei kei hi. Nusia ta un la, i gam ciat zuanin ciah ni. Ama’ tunga thukhenna in vantung dong ban a, van dawn dong a phato hi.

Jeremiah 46:16

Na mi uh tampi tak hoi-in a tuk uh a, amaute in khat leh khat kiangah, ‘Kithawi dih un, i mipihte kiangah, i suahna gamah va paikik ni; tua hi leh hih namsau tawh kithahna pan i suakta ding hi,’ a kici uh hi.

Joel 1:11

Lo khote aw, dah un; leenggui ciingte aw, kap un; mangbuh leh mangbuhham, leh lo an khempeuh bei ta hi.

Amos 5:16

Tua ahih ciangin Topa, mihonpite’ Pasian in hih bangin ci hi: Mihon omna lamkabom khempeuh ah, mite in nasa-in thuumin tau ding uh a, kongzing khempeuh ah kap ding uh hi. Khua neu-a mite a thuum dingin kisam ding a, a kah siam mite a kap dingin kicial ding hi.

Jeremiah 51:23

tuucingte leh a tuute, lokhote leh a tute, kumpite leh ukpite ka satnen hi.

Jeremiah 25:38

Topa’ namsau hangin ahi zongin a lauhuai ama’ hehna hangin ahi zongin, amau’ gam in gam simtham suak khin ahih manin humpi in a kua a nusiat bangin Topa in a mite a nusia zo hi.