Jeremiah 50:12 - Tedim Bible

¹² na nu uh Babilon khuapi maizum ding a, no’ pian’na na nu uh a mindai ding hi. En un, na gam uh gam khempeuh lakah a gina lo pen hi ding a, leikeu, gamlak, sehnel gam a suak ding hi.

Tedim Bible Revision 2017

¹² na nu uh Babylon khuapi maizum dinga, noteʼ pianna na nu uh a mindai ding hi. En un, na gam uh gam khempeuh lakah a gina lo pen hi dinga, lei keu, gamlak, sehnel gam a suak ding hi.

Jeremiah 50:12 Referans Kwoze

Jeremiah 51:43

A khuapite a mulkimhuai suak ta a, leikeuna sehnel gam suak ta hi. Gam sungah kuamah teeng lo a, kuamah in kantan ngei lo hi.

Mangmuhna 17:5

A taltang tungah, thu thukpi, “Leitungah a om Numei Gilote leh leitung Kihhuainate’ Nu Babilon Khuapi,” ci-in a min kigelh hi.

Galati 4:26

Ahih hangin tung lamah a om Jerusalem khua ahih leh, eite nu ahi, sila numei hi lo numei ahi hi.

Jeremiah 49:2

Tua ahih manin, en un, Topa in kong cih-inah, Ammon gam Rabbah khua kisim a, galdona aw a kizak hun ka tung sak ding hi. Tua khuapi kisusia mang ding a, khuaneute kihaltum ding hi. Tua ciangin Topa in kong cih-inah, Israel mite in a gam uh a lak sak mite kiang panin a gam uh a ngah kik ding uh hi.

Jeremiah 25:26

a gamla hi taleh a nai hi taleh leilu lama a om kumpite khempeuh khat khit ciangin khat ka dawn sak a, tua khit ciangin leitunga om gam khempeuh ka dawn sak hi. A tawpna ah Babilon kumpipa in a dawn ding hi.

Jeremiah 25:12

Kum sawmsagih a cin’ khit ciangin Topa in kong cih-inah, Babilon kumpipa leh a gam amau’ mawhna hangin daan ka tat ding a, tua gam a tawntungin gam simtham ka suaksak ding hi.

Isaiah 23:13

Tai-ar khuapi, gamsate’ phualpi a suaksate in; Assiria mite hi lo a, Babilon mite ahi hi. Babilon mite in khuapi luh nading panmun bawl uh a, Tai-ar khuapi kulhte susia-in, khuapi sung khempeuh a sia suah uh hi.

Isaiah 14:22

Vanglianpen Topa in, “Amaute’ lang khatah ka pang ding a, “Babilon min leh a om lai mite, tate leh suan leh khakte ka susia ding hi, Topa in ci hi.

Jeremiah 12:14

Topa in ka mi Israel mite luah dinga ka piak gamh a susia nuam a gilo vengte tawh kisai-in ka cih-inah: “En un, a gam uh panin amau ka botkhia ding a, amau’ sung panin Judah mite ka lakhia ding hi.

Jeremiah 15:9

Ta sagih a nei nupi nu khakham vei-in, a sibup hi. Sun kimlai hi napi ama adingin khuamial bang a, maizumna leh mindaina a thuak hi. No a nungta lai teng na galte un namsau-a a hong satlup dingun kong pia ding hi, Topa in kong ci hi.”

Jeremiah 22:6

Bang hang hiam cih leh Judah kumpi inn tawh kisai-in Topa in kong cih-inah: Nangmah in Gilead gam bangin ahi zongin Lebanon mualvum bangin ahi zongin na hoih hi. Ahih hangin nang sehnel gam kong suaksak ding a, kuamah teen’ lohna khua kong suaksak ding hi.

Jeremiah 51:47

“Tua ahih manin, en un, Babilon khua-a milimte ka dantah hun hong tung ding hi. A gam buppi ka zumhuaisak ding a, khua sungah kithatin a tuk ding uh hi.