Jeremiah 50:10 - Tedim Bible

¹⁰ Khaldel gam kiluhgawp ding a, Topa in kong cih-inah a luh khempeuh in a lungkim dong uh a la ding uh hi.

Tedim Bible Revision 2017

¹⁰ Khaldea gam kiluh gawp dinga, Topa in kong cih in ah, a luh khempeuh in a lungkim dong uh a la ding uh hi.

Jeremiah 50:10 Referans Kwoze

Jeremiah 25:12

Kum sawmsagih a cin’ khit ciangin Topa in kong cih-inah, Babilon kumpipa leh a gam amau’ mawhna hangin daan ka tat ding a, tua gam a tawntungin gam simtham ka suaksak ding hi.

Mangmuhna 17:16

Nangma muh ki sawm leh sahangte in tua numei gilo a muhdah khit uh ciangin amah belh ding suan ding nei lo suakin ama sa ne-in, amah a kat tum nadingin mei tawh a hal ding uh hi.

Jeremiah 27:7

Ama’ gam kisiat hun a tun’ mateng gam khempeuh in amah-a kipan a tapa leh a tupa’ na a sepsak ding uh hi. Tua khit ciangin gam tampi leh kumpi liante in amah salin a leh neih kik ding uh hi.

Isaiah 45:3

A mialna mun sunga sum kikoihte leh mun simtham-a sum kiseelte, nangma tungah kong pia ding a, tua thu hangin kei-in Topa, na min tawh hong sam Israelte’ Pasian ka hihna nong thei ding hi.

Isaiah 33:23

Gal teembaw khaute kol a, ama om nading mun sanah gunkuang puan khuam lenkip zo lo a, gunkuang puan zal thei lo hi. Tua ciangin galte’ neihsate kihawm keek ding a, khebaite nangawnin van ngah ding uh hi.

Isaiah 33:4

tangngol in na a khop bangin amau’ van nusiatte kikaikhawm a, kauphe honpi bangin van tawmin mite phe zaizai hi.

Jeremiah 50:26

Mun khempeuh panin hong sim un; A an sal uh hon’sak un. An cian’ bangin amaute ciang un; A vekpi-in susia un la, bangmah nusiat nei kei un.

Jeremiah 51:24

“Topa in kong cih-inah, Babilon khua leh Khaldea gam-a teengte khempeuh in Zion khua-a siatna a bawl manun note’ muhna ah ka thuk ding hi.

Jeremiah 51:35

Kei’ tung leh ka mipihte’ tunga hong kibawl ngongtatna Babilon mite tungah tung ta hen, ci-in Zion khua-a teengte ci sak un. Khaldea mite in ka sisan man thuak ta uh hen, ci-in Jerusalem khua cisak un.”

Ezekiel 11:24

Tua ciangin ka maang sung mahin Pasian’ Kha in hong leen’pihin Babilon gama sal-a omte kiang hong tun’pih kik hi. Tua ciangin ka maang muhna hong bei a,

Jeremiah 50:37

Sakolte leh sakol leengte, numei tawh kibang a galkap cialte uh, namsau tawh kithat uh hen! A sum a pai khempeuh uh, kituahmang sak hen!

Habakkuk 2:8

Note in minam dang tampite’ na na sut uh a, tu-in a om lai mite in note’ na hong sut ding uh hi. Bang hang hiam cih leh note in mite thatin, khuapite leh a sunga teeng mite na bawlsia uh hi.