Jeremiah 5:9 - Tedim Bible

⁹ Hih thute hangin amaute daantat lo ding ka hi hiam? Topa in ka gen-inah, hi ci bang minam’ tungah thukkik lo ding ka hi hiam?

Tedim Bible Revision 2017

⁹ Hih thute hangin amaute gim pia lo ding ka hi hiam? Topa in ka genin ah, hici bang minam tungah thukkik lo ding ka hi hiam?

Jeremiah 5:9 Referans Kwoze

Jeremiah 9:9

Hih thute hangin daantat lo ding ka hi hiam? Topa in kong ci hi. Hih bang minam khat tungah ka phu la lo ding ka hi hiam?

Jeremiah 5:29

Hih thute hangin amaute daantat lo ding ka hi hiam? Topa in ka ci hi. Hih bang minam’ tungah thukkik lo ding ka hi hiam?”

Nahum 1:2

Topa Pasian in amah a demte koihkhong lo a, amah a langpangte daantatin, a galte thukkik hi.

Hosea 8:13

Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.

Hosea 2:13

Kei hong mangngilh tan vei sung, Baal pasian tungah paknamtui a hal tan vei sung, leh a pasal it dangte tawh kikhawl dingin a manpha kizepna a tuamtuamte tawh a kizep hun tan vei sung zah mah daan ka pia ding hi.

Ezekiel 7:9

Note kong zah kei ding a, zong kong khasiat kei ding hi. A muhdahhuai na gamtatnasate uh hangin daan a hong pia ding ka hi hi. Tua ciangin Topa ka hihna leh note a hong daantatpa ka hihna na thei ding uh hi.

Kah la 4:22

Jerusalem in a mawhna thaman a sang khin zo hi. Ka thuak ding uh a nasiapen pen teng ka thuak khin zo uh hi. Ahih hangin Edom aw, Topa in nang daan hong pia ding a, na mawhna a hong pholak sak ding hi.

Jeremiah 44:22

Topa in na hoihlohnate uh leh na bawl uh kihhuainate hangin no hong thuak zo nawn lo hi. Tua ahih manin tuni mahmah-in zong na gam uh gamlak suak khin a, mite’ kihaamsiatna suakin kuamah teeng nawn lo hi.

Jeremiah 23:2

Tua ahih manin ka mipihte a kem gam ukte tawh kisai-in Topa, Israel mite’ Pasian in hong gen-inah, “Note in ka mite kikhenthang sakin na hawlkhia mang uh a, amaute na don kei uh hi. En un, Topa in kong cih-inah, na gamtat siate uh hangin daan kong pia ding hi.

Isaiah 1:24

Tua ahih ciangin, Topa, Vanglianpen Topa, Israelte’ Vanglian Pa in hih bangin ci hi: “Ah, ka lang ahi note tungah ka hehna kong khahkhia ding a, ka gal ahi note tungah keimah in kong thuk ding hi.

Thu-hilhkikna 32:43

Minamte aw Topa’ mite tawh lungdam khawm un! bang hang hiam cih leh amah in a nasemte’ phu la a, a langte thukin, ama mite’ gam adingin kilemna bawl hi,” a ci hi.

Thu-hilhkikna 32:35

Phulakna leh thukkikna kei’ aa ahi hi, a hun ciangin amaute puk ding uh hi; bang hang hiam cih leh amau’ gim ngah hun ding hong nai a, amau’ siat nading hong tung pah hi.

Siampi Laibu 26:25

Keimah in thuciamna omsa bangin phulakna na a sem ding namsau khat note tungah kong tung sak ding hi; na khuapi sung uhah note na kikhaihkhop uh leh zong keimah in note’ lakah natna kong tung sak ding a, galte khut sungah note hong kipia ding hi.

Isaiah 57:6

Kuam sunga suangmaite lakah milimte na la uh a, tua suangmaite na bia uh hi. Tuate tungah tui tawh biak piakna sungin, an tawh biak piakna na paipih uh hi. Hih thute’ hangin kei lungdam ding ka hi hiam?

Jeremiah 5:10

“A gual-a a kisuan a leenggah huan sungah pai in la, suksiat sak in; ahi zongin suk maimangsak sam kei in. A hiangte heuh khiatsak in, bang hang hiam cih leh tuate Topa’ aa hi lo hi.

Jeremiah 32:31

Hih khuapi in, a kisat cil-a kipan tu ni ciang dong hong hehsakin hong thangpaisak ahih manin ka muhna panin ka hemkhia ding hi.

Kah la 3:42

“Topa aw ka khial khin uh a, nang hong lehdo kha ka hih manun ka mawhna uh na hong maisak kei hi.

Siampi Laibu 18:25

leitang a nin suak ahih ciangin keimah in a leitang mawhna daan pia-in, leitang in ama tunga teeng mite luakhia hi.

Paunak 6:29

Tua mah bangin, mi zi tawh a mawhte in thuak ding a, tua banga gamta peuhmah in thuak ding uh hi.

Jeremiah 6:6

Bang hang hiam cih leh a vanglian Topa in, “A singte phuksak un la, Jerusalem khua sim nadingin phungin ciang un. Hih khuapi daantah kul hi, bang hang hiam cih leh kinet niamna bekbek tawh a dim hi.

Jeremiah 6:11

Tua ahih ciangin Topa aw, na hehna tawh ka dim a, ka thuak zo nawn kei hi,” ka ci hi. Tua ciangin Topa in hong hopih-a, “Ka hehna kongzing lak-a naupangte’ tungah bua in la, tangvalte’ kikhopna-ah zong bua in. Papite leh nupite zong kilakhia ding a, pitek putekte zong a kipai khiatpih ding hi.

Jeremiah 9:8

A leii uh thaltang lauhuai bang hi a, zuauthu a gen hi. A kam uh tawh a innvengte’ kiangah a awzol uh hangin, a sih nading uh a lungsim sung uhah a ngaihsun veve mawk uh hi.