Jeremiah 5:8 - Tedim Bible

⁸ Sakol gilvah a lante bangin a innvengte’ zite uh neh-in a tau huthut uh hi.

Tedim Bible Revision 2017

⁸ Sakol gilvah a lante bangin a inn veengteʼ zite uh nehin a tau huthut uh hi.

Jeremiah 5:8 Referans Kwoze

Jeremiah 13:27

Na kihhuainate, na ang kawmna, na hukna leh gamlak mual tunga numei paktat banga milim pasian peuh na biak kawikawinate ka mu zo hi. Jerusalem aw, gimna ngah ta in! Na sian’tho nadingin bang tanvei sawt ding ahi hiam?”

Ezekiel 22:11

Pawlkhat in midangte’ zi tawh nu-le-pa mawhna bawl uh a, pawlkhat in a mote mawhpihin, pawlkhat in a sanggamnu ahi a pa’ tanu mawhpih hi.

Jeremiah 29:23

Bang hang hiam cih leh amaute Israel gamah hai gamtat uh hi: a innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in a gelh hi.

JOB (Job) 31:9

“Ka vengte’ zi zawlmit-in, a kong gei-ah ngakin ka buk taak leh,

Thu-hilhkikna 5:21

“‘Na vengte’ zi zong na deihgawh kei ding hi; na vengte’ inn, a lo, a nasempa, a nasemnu, a bawngtal, a la, ahih kei leh na vengte’ na khatpeuh peuh na deih kei ding hi,’ ci hi.

Thu-hilhkikna 5:18

“‘Nu-le-pa mawhna zong na bawl kei ding hi.

Paikhiatna 20:17

“Na vengte’ inn na deihgawh kei ding hi; na vengte’ zi hita leh, ama' nasempa hita leh, ama' nasem nu hita leh, ama' bawngtal hita leh, ama' la hita leh, na vengte aa ahi na khat peuhpeuh na deihgawh kei ding hi,” a ci hi.

Paikhiatna 20:14

“Nu-le-pa mawhna na bawl kei ding hi.

Piancilna 39:9

hih inn sungah kei sangin amah lianzaw lo hi; nang in ama' zi na hih manin, nang lo buang kei kiang panin amah in a keptuam bangmah om lo hi; tua ahih ciangin bangci-in hih gitlohna lianpi bawlin Pasian’ tungah khial ding ka hi hiam?” ci hi.

Jeremiah 9:2

Sehnel gamlakah khawl nading bukno khat nei thei-in ka mite nusia-in taisan thei hi leng maw! A vekpi-un angkawm hat hi khin uh a, thuman lo kim uh hi.

Jeremiah 50:11

“Babilon mite aw, note in ka gamh ahi, Israel mite na luhgawp uh a, lungdamin na kipah uh hangin, lopa kham bawngno bangin omin sakol bangin na ham uh hangin,

Paunak 6:29

Tua mah bangin, mi zi tawh a mawhte in thuak ding a, tua banga gamta peuhmah in thuak ding uh hi.

Jeremiah 23:10

Bang hang hiam cih leh mun khempeuh ah angkawmte dim hi. Topa’ haamsiatna hangin gamsung tengah kahna dim a, gamlak lonona munte a keumang hi. Amaute gitlohna lamah pai uh a, a thuneih theihnate uh a man lopi-in a zang uh hi.