Jeremiah 5:7 - Tedim Bible

⁷ “Na mawhna uh hong koici maisak ding ka hi hiam? Na tate un kei hong nusia zo uh a, pasian ahi lopi peuh tawh kiciam zo uh hi. Amaute a gilvah dong uh an ka vak khit ciangin, ang kawmin numei paktatte’ innah a hon om uh hi.

Tedim Bible Revision 2017

⁷ “Na mawhnate uh hong koici maisak thei ding ka hi hiam? Na tate un kei hong nusia zo uh a, pasian ahi lopite peuh tawh kiciam zo uh hi. Amaute a gilvah dong uh an ka vak khit ciangin amaute in angkawmin, numei paktatteʼ inn ah a hon om uh hi.

Jeremiah 5:7 Referans Kwoze

Galati 4:8

Ahih hangin note in tua hun lai takin Pasian na theih loh lai takun a pian’ lim in Pasian ahi lo mite’ sila-in na om uh hi.

Jeremiah 2:11

Gam khat in pasian ahi taktak beek lo a pasiante uh nangawn a khek ngei peuhmah uh hiam? Ahih hangin ka mite in a minthan’na uh ahi, keimah pen bangmah-a kimang lo na peuh tawh hong khek tazen uh hi.

Thu-hilhkikna 32:21

Amaute in pasian a hilote tawh ka hazat nading hong bawl uh a, a milimte uh tawh kei hong hehsak uh hi. Tua ahih ciangin mi-a gentaak lote tawh amaute’ hazat theih nading ka bawl ding hi. A hai minam khat tawh amaute ka hehsak ding hi.

Zefaniah 1:5

Innkhumzang ah kahto-in, ni, kha leh aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

1 KORIN MASA 8:4

Milim biakna sa nekna pan ahih leh, leitungah milim in a mawkna taktak hi a, Pasian khat bek longal Pasian dang a om kei hi cih i thei hi;

Jeremiah 23:10

Bang hang hiam cih leh mun khempeuh ah angkawmte dim hi. Topa’ haamsiatna hangin gamsung tengah kahna dim a, gamlak lonona munte a keumang hi. Amaute gitlohna lamah pai uh a, a thuneih theihnate uh a man lopi-in a zang uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.

Jeremiah 12:16

Tua ciangin, ka mite’ omdan hoih takin a sin uh a, Baal min tawh kiciam dingin ka mite a sinsak mah bangun ‘Topa a nuntak bangin,’ ci-a kei’ min tawh kiciam ding a sin uh leh ka mite’ lakah kip takin a om ding uh hi.

1 KORIN MASA 6:9

Mi diklote in Pasian’ Gam a luah theih loh ding thu thei lo na hi uh hiam? Na kikheem kei un: Numei tawh a mawhte, milim a biate, mi’ zi tawh a mawhte, pasal leh pasal a khialte, tua thute ah thuneite;

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Amos 8:14

Samariah milim pasian Ashimah min tawh kiciam a, ‘Dan khuapi pasian a nungta ahih mah bangin,’ a ci mite leh ‘Beersheba khuapi pasian a nungta ahih mah bangin,’ a ci mite pukin thokik nawn lo ding uh hi,” ci hi.

Hosea 13:6

Ahi zongin gam hoihna mun tungin na gil uh a vah ciangin na lungsim uh kiphasakin kei nong mangngilh uh hi.

Hosea 11:8

Israel aw, bang ci-a hong nusia thei ding a, bang ci-a hong paidak thei ding ka hi hiam? Bang ci-in Admah khua banga hong bawl ding a, bang ci-in Zeboi-im khua bangin hong bawl ding ka hi hiam? Note hong khasiat mahmah ka hih manin tua banga hih ding ka lungsim ah om lo hi.

Hosea 7:4

Amaute zuau-tatin citak lo uh hi. Amaute pen, moh bawlpa in a annel lom meek a pawm mateng, moh emna meikhuk sunga a tawhsa mut loh seem lohin a koih phot mei tawh kibang uh hi.

Hosea 4:2

Mite in thuciamna bawl napi-in a thuciamte uh palsat uh hi; zuau genin, mi thatin, guta-in, nu-le-pa mawhna bawl uh hi; a sia khat khit a sia khat a ban banin gamta-in a mawhna uh kibehlap lap hi.

Ezekiel 22:11

Pawlkhat in midangte’ zi tawh nu-le-pa mawhna bawl uh a, pawlkhat in a mote mawhpihin, pawlkhat in a sanggamnu ahi a pa’ tanu mawhpih hi.

Jeremiah 13:27

Na kihhuainate, na ang kawmna, na hukna leh gamlak mual tunga numei paktat banga milim pasian peuh na biak kawikawinate ka mu zo hi. Jerusalem aw, gimna ngah ta in! Na sian’tho nadingin bang tanvei sawt ding ahi hiam?”

Jeremiah 9:2

Sehnel gamlakah khawl nading bukno khat nei thei-in ka mite nusia-in taisan thei hi leng maw! A vekpi-un angkawm hat hi khin uh a, thuman lo kim uh hi.

Jeremiah 3:19

“‘Israel aw, ka tapa bangin nang hong bawlin, gam khempeuh lakah a hoihpen luah dingin, gam nopci khat nang hong pia ning, ci-in ka ngaihsun hi. Ka Pa aw, ci-a hong sam ding leh ka nung hong zui den ding kong sa kha hi.

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Late 50:18

Guta khat mu le uhcin ama lawm, na hi pah uh a, numei-pasal mawhna a bawlte tawh na kikhawl uh hi.

Siampi Laibu 20:10

“Pasal khat in ama vengpa’ zi tawh a mawh leh, tua a khialpa leh a khialnu kithat khawm ding hi.

Hebru 13:4

Mi khempeuh lakah kiteen’na kithupisim ta hen. Pasalte leh zite in khat leh khat a thuman ciat ding uh ahi hi. Bang hang hiam na cih uh leh, numei tawh a mawhte leh mi’ zi tungah a mawhte Pasian in thu a khen ding hi.

2 KHANG TANGTHU NIHNATE 13:9

Note in Aaron’ suan, Topa’ siampite, leh Levi mite hawlkhia-in, gamdang mite bangin note’ adingin siampite bawl khin hilo na hi uh hiam? Bawngtalno khat tawh ahi a, tuutal sagih tawh ahi zongin a ki-ap dingin a hong pai peuhpeuh, pasian a hilote’ siampi suak pahpah hi.

Jeremiah 7:9

Note in na gu-in, tual that-in, angkawmin, a hi lopi kiciam-in, Baal kiangah meihal biakna pia-in, na theih ngei loh uh pasian dangte delhin,

Jeremiah 16:11

Tua ciangin nangmah in amaute’ kiangah, ‘Topa in, “Na pu na pate un kei hong taisan khin uh a, kei hong nusia-in ka thukham a zui kei uh hi.

Jeremiah 16:20

Mi in ama’ pasian ding bawltawm thei ahi hiam? Tuate pasian hi lo hi!” a ci ding uh hi.

Kah la 3:42

“Topa aw ka khial khin uh a, nang hong lehdo kha ka hih manun ka mawhna uh na hong maisak kei hi.

JOB (Job) 31:12

Ka neih khempeuh a kangtum mei husia tawh a kibang ahi hi.)

Jeremiah 3:8

A zulhzau Israel, midang tawh a khialhna hangin kimaakna lai pia-a ka hawlkhiat zong amah in a mu hi. Ahih hangin numei gina lo Judah lau tuanloin pai a, amah zong numei paktat khat mah a va suak veve hi.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!