Jeremiah 5:4 - Tedim Bible

⁴ Tua ciangin keimah in, “Hih mite mihai hi a, a hehpih huai uh hi: Topa’ lampi thei lo uh a, amau’ Pasian’ deihna a thei kei uh hi.

Tedim Bible Revision 2017

⁴ Tua ciangin keimah in, “Hih mite mihai hi a, a hehpihhuai ahi hi. Topaʼ lampi thei lo uh a, amauʼ Pasianʼ deihna a thei kei uh hi.

Jeremiah 5:4 Referans Kwoze

Hosea 4:6

Ka mite in kei hong phawk lo uh ahih manin ka susia ding hi. No siampite in kei hong phawk nuam loin, ka thuhilhnate nial na hih manun ka siampi dingin kong deih nawn kei a, na tate uh zong siampi-in ka zang kei ding hi.

Jeremiah 8:7

Van-ah tui vapite nangawn in lal hun ding a thei uh a, sumkuangte, phialphiahte leh gun vapite in zong a hun ciangin hong tung zel uh hi. Ahih hangin ka mite in Topa ngeina kipte a thei kei uh hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Jeremiah 7:8

“En un, phattuamna a om het lo zuauthu na um tazen uh hi.

Jeremiah 4:22

Topa in, “Ka mite hai uh a, kei hong thei lo uh hi; naupang haite bang uh a, bangmah thei lo uh hi. Siatna bawl siam bek uh a, hoihna, bawl thei lo uh hi,” a ci hi.

Jeremiah 9:3

A leii uh thalpeu bangin zang uh a, zuauthu a lawnkhia khia uh hi; gam sungah thuman om loin zuauthu bekbek a dim hi. Siatna lam manawh tektek uh a, Kei hong thei lo uh hi, Topa in a ci hi.

Jeremiah 10:8

A mi pilte uh mihai mimawl ahi uh hi; sing milim in amaute bangci hilh theih mah ding ahi hiam?

Isaiah 29:12

Tua ciangin amaute in lai a sim thei lopa kiangah, “Hih lai sim dih in,” a cih uh ciangin amah in, “Ka sim thei kei hi,” a ci hi.