Jeremiah 5:31 - Tedim Bible

³¹ Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Tedim Bible Revision 2017

³¹ Kamsangte in thuman gen lo uh a, siampite in zong amauʼ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.

Jeremiah 5:31 Referans Kwoze

Ezekiel 13:6

Amaute’ maangmuhnate in zuaupi hi a, a thugen kholhnate uh zong thu zuau ahi hi. Keimah in amaute sawl lo napi-in, amaute in, ‘Topa in hih bangin gen hi,’ ci khem uh hi. Tua bang hi napi-in amaute’ thugente ka tun’sak ding a lamen lai uh hi.

Jeremiah 14:14

Tua ciangin Topa in, “Tua kamsangte in kei’ min suang-in zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kianga hong gen uh thute a manlo mangmuhna, bangmah kimang lo aisanna leh amau leh amau’ lungsim kikhem tawmna thute ahi hi.

Micah 2:11

Zuau genin khemna tawh thu gen kawikawi a, “Note adingin leenggahzu leh kham theih zu tampi tak hong om ding hi,” a hong ci kamsangte pawl note’ deih kamsangte ahi hi.

Ezekiel 22:14

Tua bangin kong hih ciangin hang nawn dingin ki-um a, na khuttum liik ngam dingin ki-um na hi hiam? Topa ahi keimah in thu ka gen khin a, ka gen bangin ka gamta ding hi.

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

Thu-hilhkikna 32:29

Amaute pil hi leh, hih thu theitel ding uh a, amau’ thu tawpna mu ding uh hi!

Micah 2:6

Amaute in kei kiangah, “Tua bang thu hong gen kei in. Tua bang thu gen dingin kilawm lo hi. Tua bangin Pasian in hong minsiasak lo ding hi,” ci uh hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Kah la 1:9

A kihhuaina teng kimu khia pah hi napi, gimna thuak ding ahih lam bang mah a awlmawh thei tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Isaiah 33:14

Zion-a om mawhnei mite lau uh a, Pasian thu a ngaihsun lo mite lau-in lingcip uh hi. Amaute in, “Pasian’ thukhenna in a kuang tawntung mei tawh kibang hi. Tua bang meikuang kua in thuak zo ding i hi hiam?” ci uh hi.

Isaiah 20:6

Tua ni ciangin hih tuipi gei-a teeng mite in, “En un, eite’ muan Assiria kumpipa’ kiang pan a, eite huhin honkhia dingin i belh mite’ tungah hih bang piang khin ta hi. Eite bangci suahtak ding i hi hiam?’ ci ding uh hi,” a ci hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Isaiah 43:27

Na pu na pa masate khial a, na makaite uh zong kei tungah hong khial hi.

Isaiah 47:7

Nangmah in, “Kei pen, tonu ka hi tawntung ding hi,” ci na hih manin hih thute na lungsim ah koih loin, bang thu piang thei cih zong na ngaihsun kha kei hi.

Jeremiah 12:4

Ka gam bang tanvei a thuum ding hiam? Mun khempeuhah lopate bang tan vei a keu ding hiam? A teeng mite’ gitlohna hangin, gamsate leh vasate a mangthang sak khin uh hi. Bang hang hiam cih leh amau in, “I gamtatnate Pasian in hong mu kei ngawn,” a ci uh hi.

Jeremiah 26:7

Siampite, kamsangte leh mi khempeuh in Topa’ biakinnpi sunga Jeremiah in hih thu a gen teng a za uh hi.

Kah la 4:13

Hih thu a hong piang hi. Kamsangte leh siampite in mawhna a bawl manun mi siangtho midikte’ sihna a hong piang hi.

Kah la 4:18

Galte in hong vilsim uh ahih manin kongzing lakah ka vakkhia ngam kei uh hi. Ka hun uh a beita hi. A beina hun a tung zo hi.

Hosea 4:9

Mite’ thuak dinga kilawm daantahna mah siampite in zong thuak ding uh a, amau’ gamtatna bangin daan pia-in amau’ siatna bangin ka thukkik ding hi.

Hosea 6:10

Israel mite’ lakah siatna lianpi khat ka mu hi. Milim biakna tawh amaute kininsak uh hi.

Hosea 9:5

A kiseh pawi hunte leh Topa’ pawi hun hong tun’ ciangin bang cih ding na hi uh hiam?

Thu-hilhkikna 32:20

Amah in, ‘Amaute kiang panin ka mai ka seel ding a, amaute’ tawpna bang hong hi hiam ka en ding hi; bang hang hiam cih leh amaute in a lampial khang mite hi a, cihtakna a nei lo tate ahi uh hi.

1 KUMPI MASATE 22:6

Tua ciangin Israel kumpipa kamsangte mihing zali bang khawmin amaute tungah, “Ramoth-gilead a sim dingin ka kuan ding hiam, ahih kei leh ka thuak ding hiam?” a ci hi. Amaute in, “Kuanto in; bang hang hiam cih leh Topa i kumpipa’ khut sungah hong pia ding hi,” a ci uh hi.

Paunak 17:4

Migilote in gitlohna thu mah ngaih-in nei a, zuautheite in zuauthu mah ngaih-in nei hi.

Ezekiel 13:10

Bang hang hiam cih leh thu hoih lo napi-in hoih hi, ci khemin ka mite lam na kai khial uh hi. Ka mite in kulh dingin suang a cian’ uh ciangin no kamsangte in a tungtham buan tawh na zut uh hi.

Zefaniah 3:4

A kamsangte kihisak uh a, kamsang citak hi lo uh hi. A siampite in a siangtho nate ninsak a, amau’ angsung ding bek khualna-in Pasian’ thukham lehhei uh hi.