Jeremiah 5:28 - Tedim Bible

²⁸ thau-in a mai uh zol hi. Gitlohna lamah a hun bek a theithei kei uh hi. Tagahte’ phattuam nading khual loin thu a man lo pi-in khen uh a, mizawngte tungah thuman lo uh hi.

Tedim Bible Revision 2017

²⁸ Gitlohna lamah a hun bek a theithei kei uh hi. Tagah miteʼ phattuam nading khual loin thu a man lopi-in khen uh a, mizawngteʼ tungah thuman lo uh hi.

Jeremiah 5:28 Referans Kwoze

Zekhariah 7:10

note lakah a om meigong, tagah, gamdang mite, ahih kei leh mi zawngte gim pia loin, khat leh khat kisiatsak nading na ngaihsut loh nading uh thu ka hong pia zo hi,” ci hi.

Isaiah 1:23

Na uliante, mi lehdote hi a, gutate tawh a kikhawlte ahi hi. Mi khempeuh in sumgolh leh letsong deih uh hi. Amaute in pa nei lote pan’pih lo uh a, meigongnu’ thu amaute in sang lo uh hi.

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

Late 73:12

En un, hihte migilo ahi hi; a tawntungin nuam takin om hithiat uh a, amaute a hauhna uh khang semsem hi.

Jeremiah 7:6

nam dang mite, pa nei lote leh meigongte na nuaisiah kei uh a, hih munah mawh nei lo mite that nawnloin, note’ gim nading mah ahi pasian dang peuh na biak nawn kei uh leh,

1 KORIN MASA 5:1

Numei tawh mawhna tham lo a pa’ zi, zi-a a nei Gentailte lak nangawn ah a kiza ngei lo mawhna, note lakah a om thu a kithang zo hi.

Amos 4:1

Bashan gam bawngpite bangin a thau mahmah, mi zawngte nengniamin, mi cimawhte a sugawp, na pasalte uh kiangah, “Ka dawn ding bang khat peuh hong puak in,” ci-in a vaikhak no Samaria numeite aw, hih thu lim takin ngai un:

Jeremiah 12:1

Topa aw, nang tawh thu i kisel ciangin nang a tawntungin na man den hi; ahih hangin thu khat nang tungah kong dong nuam lai hi. Bang hangin mi gilote a dau pai a, mi khem hatte gualzo sese ahi hiam?

Jeremiah 2:33

“Na lawm ngaih ding na zon’ siam mahmah a, numei gilote nangawn na lampi na hilh zen hi!

Late 119:70

amaute’ lungsim in thu theithei loin kheengcip a, ahih hangin ke’n nangma thu sung nuam ka sa hi.

Late 72:4

Amah in mizawngte’ ading thu khen hen la, mi cimawhte suahtakna pia-in, mi nengniamte sucip ta hen!

JOB (Job) 12:6

Guta mite nuam takin om hit-hiat a, Pasian simmawhte nuam takin nungta hi.

Jeremiah 22:3

Topa in a cih-inah, thumanin diktat un la, bawlsiatna a thuakte a bawlsiate’ khut sung panin honkhia un. Minam dangte, pa neilote leh meigongte simmawh bawl kha loin amau tungah ngongtat kha kei un la, hih munah zong mawhna nei lo mite that kei un.

Late 73:4

Bang hang hiam cih leh amaute in nat velvalna thuak lo uh a, a pumpi uh cidamin zol hilhial hi.

Paunak 15:25

Topa in mi kiphasakte’ inn phelkhiatsak a, meigongte’ neihsa hutpih hi.