Jeremiah 5:26 - Tedim Bible

²⁶ Ka mite lakah mi gilote kihel uh a, vasa thang siah bangin mite thang siah-in man uh hi.

Tedim Bible Revision 2017

²⁶ “Ka miteʼ lakah migilote kihel uh a, vasa thangsiah bangin mite thangsiahin a man uh hi.

Jeremiah 5:26 Referans Kwoze

Paunak 1:11

Amaute in, “Hong pai in, mi khatpeuh va that ni, Mi ommuang khat va muan suam ni,

Jeremiah 18:22

Amau a thatlum ding galkapte thakhat thu-in paisak in la, amau’ innte panin kahna aw kizasak in! Bang hang hiam cih leh ka kiat nadingin dum a to uh a, ka khete a awk nadingin thang hong siah uh hi.

Late 64:5

Amaute in a thusia ngaihsutna uh len kip uh hi; amaute in thang siahsim ding gen uh a, “Eite kua in hong mu ding ahi hiam?

Luka 5:10

Tua mah bangin Simon’ lawmte Zebedi’ tapa Jakob leh Johante in zong lamdang a sa uh hi. Zeisu in Simon kiangah, “Lau kei in. Tu-a kipan nang in mite na man ding hi,” ci-in a gen hi.

Jeremiah 4:22

Topa in, “Ka mite hai uh a, kei hong thei lo uh hi; naupang haite bang uh a, bangmah thei lo uh hi. Siatna bawl siam bek uh a, hoihna, bawl thei lo uh hi,” a ci hi.

Isaiah 58:1

“Na aw sit loin nakpi takin kiko in la, peengkul aw bangin gingsak in; ka mihingte tungah amau khialhnate gen in la, Jakob innkuan tungah amau mawhnate gen in.

Isaiah 32:7

Mi gina lote’ ginat lohna in sia hi; zuauna kam tawh mizawngte siasak leh mi cimawhte’ thu a thuman ciang nangawnin a siasak dingin amah in gitloh nasepna bawl hi.

Jeremiah 9:8

A leii uh thaltang lauhuai bang hi a, zuauthu a gen hi. A kam uh tawh a innvengte’ kiangah a awzol uh hangin, a sih nading uh a lungsim sung uhah a ngaihsun veve mawk uh hi.

Jeremiah 18:20

Hoihna pen siatna tawh a kituak ding mah ahi hiam? Ka kiat nadingin dum a to uh hi. Nangma mai-ah kong ding a, amau ading thuhoih kong gensak a, na hehna amau tungah na tun’sak loh nading kong gennate hong phawk in.

Micah 6:10

Thuman lopi-in a ngah uh, migilote’ inn sunga van omte, leh ka deih loh tawitehna man lo zatnate, mangngilh thei ding ka hi hiam?

Micah 7:2

Leitungah mihoih teng bei khin ta a, Pasian tungah a thuman mi kuamah om nawn lo hi. Mi khempeuh in mi thah ding bek ngaihsun uh a, a kuamah peuh in a sanggampa ngen tawh beng hi.