Jeremiah 5:19 - Tedim Bible

¹⁹ Na mipihte un, ‘Bang hangin Topa i Pasian in hih bangin ei’ tungah hong bawl hiam? a cih uh ciangin nangmah in, ‘Topa nusia-in na gam sung uhah gamdang pasiante’ na na sep uh bangin, note’ gam ahi lo gam dangah, gamdang mite’ na na sem ding uh hi,’ na ci ding hi,” hong ci hi.

Tedim Bible Revision 2017

¹⁹ Na mipihte un, ‘Bang hangin Topa i Pasian in hih bangin eiʼ tungah hong bawl ahi hiam?’ a cih uh ciangin nangmah in, ‘Topa nusia-in na gam sung uh ah gamdang pasian-teʼ na na sep uh bangin, noteʼ gam ahi lo gam dangah, gamdang miteʼ na na sem ding uh hi,’ na ci ding hi,” hong ci hi.

Jeremiah 5:19 Referans Kwoze

Jeremiah 16:13

Tua ahih manin hih gam panin note leh na pu na pate un na theih ngei nai loh uh gamah kong nawhkhia ding hi. Tua lai-ah sun-le-zan-in pasian dangte’ na na sem niloh ding uh hi; bang hang hiam na cih uh leh note kong ang-van nawn kei ding hi,” a ci hi,’ na ci ding hi.

Jeremiah 13:22

‘Bang hang-a hih thute kei’ tungah hong tung ahi hiam?’ ci-a na ngaihsut leh na mawhna a liatluat hang ahi hi. Tua hangin na nik hong kihawk gawp sak a, a hong kibuan gawp hi.

Kah la 5:8

Silate sanga a zahpih huaizaw mite in hong uk tazen uh a, kuamah in amau khut sung panin a hong honkhia thei kei hi.

Jeremiah 2:35

nangmah in, ‘Kei ka mawh kei hi; kei tungah Pasian heh nawnlo taktak hi,’ na ci hi. En in, ‘Kei ka mawh kei hi,’ na cih manin nang’ tungah thu kong khen ding hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi: nuntakna ciktui ahi keimah a hong taisan zo uh hi; tuikhuk a to tawm uh a, tuikhuk keh-in tui a vung thei kei hi.

Jeremiah 2:14

“Israel sal ahi hiam? Sila namte ahi zenzen hiam? Hi lo ahih leh bang hangin a galte in luhgawp zo ahi hiam?

Jeremiah 5:18

“Ahih hangin tua bang hun ciang nangawnin, Topa in kong cih-inah, note kong su maimang khin sam kei ding hi.

Jeremiah 5:20

Jakob’ suante tungah gen in. Judah mite tungah hih bangin ci in:

Jeremiah 9:13

Topa in, “Amaute in a mai uh-a ka lah ka thukham a nusia uh a, ka thu hong mang loin ka cih bangin ta lo uh a,

Jeremiah 9:12

Hih thu a tel thei ding mipil kua ahi hiam? Hih thu a genkhia dingin Topa in kua hopih na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?

Jeremiah 17:4

Nang kong piak na gam zong na taan ding a, na theih ngei loh uh gam khatah na galte’ na ka hong semsak ding hi; bang hang hiam cih leh ka hehna kitawh kuang a, a mit nawn kei ding hi.