Jeremiah 5:16 - Tedim Bible

¹⁶ Thal tawh a kap uh ciangin sisak lianlian uh a, a vekpi-in gal hang kim uh hi.

Tedim Bible Revision 2017

¹⁶ Thal tawh a kap uh teh kap lum lianlian uh a, a vekpi-un galhang kim uh hi.

Jeremiah 5:16 Referans Kwoze

Isaiah 5:28

amau’ thaltangte hiam a, a thal khempeuh uh a kikeeksa ahi hi, amau sakolte’ khecinte pen meisuang bangin sak a, a leengpeite uh pingpei bangin manlang hi.

Late 5:9

Bang hang hiam cih leh amau sungah thuman om lo hi; amau lungsim ah siatna bek ngaihsun uh a, amau gawlgui in a kihongsa hankhuk tawh kibang hi. A leii uh tawh mawk phat uh hi.

ROM (Romans) 3:13

Amau gawlgui un a kihongsa hankhuk ahi uh hi. Amau leii uh tawh mi a kheem zo uh hi. Amau muk sung uh ah gul hangsante’ gu a om hi.

Isaiah 13:18

Amau’ thalte in tangvalte that ding hi; amaute in gil sung pan a, piang naungeekte hehpih lo ding uh hi; amaute’ mit in naupangte khasiat lo ding hi.

Kah la 3:13

Amah in a thaltang a thuk tum theithei dingin a hong kap hi.

Jeremiah 6:22

Topa in, “En un, leilu lam gam panin mi hong pai uh a, leimong gamlapen panin gam lian khat galsim dingin kithawithawi hi.

Jeremiah 6:23

Thal leh teipi tawi uh a, giloin hehpihna lungsim nei loin, a husa uh tuipi ging tawh kibang hi. Zion’ tanu aw, amaute sakol tungah tuangin, nangmah do dingin a kithawi uh hi!” a ci hi.