Jeremiah 49:8 - Tedim Bible

⁸ Dedan gama teengte aw, Kihei un la, gal tai un; guam sungah bu un! Bang hang hiam cih leh ka daantat ni ciangin Esau’ suan leh khakte tungah siatna ka tung sak ding hi.

Tedim Bible Revision 2017

⁸ Dedan gamah a teengte aw, kihei unla galtai un; guam sungah bu un. Bang hang hiam cih leh gim ka piak ni ciangin Esauʼ suanlekhakte tungah siatna ka tungsak ding hi.

Jeremiah 49:8 Referans Kwoze

Jeremiah 25:23

Dedan, Tema, Buz leh a sam uh a tom met khempeuhte;

Jeremiah 46:21

A galkap cialte nangawn amau lakah bawngno dawng hat lote a bang lel uh hi. Pangin do tentan lo uh a, nungkikin a tai kek uh hi. Bang hang hiam cih leh amau’ kisiat ding ni, amau’ daan thuak ding ni hong tung zo hi.

Jeremiah 49:30

Hazor khua-a teeng khempeuhte aw, Topa in kong cih-inah: gamla pi-ah taimang un la, guamthuk sungah bu un. Bang hang hiam cih leh Babilon kumpipa Nebukhadnezzar in no hong langpang dingin gelna leh ngimna a nei khin zo hi.

Isaiah 21:13

Arabia gam tawh kisai thu: Dedan mi khualzin honte aw, Arabia gamsung gamlakah na giak ding uh hi.

Mangmuhna 6:15

Leitung kumpi mangte leh vaihawm lian upate, galkap mangte, sumhaute, thahatte, silate, to nei lote khempeuh in suanghawm leh mual suangpi lakah a bu uh hi.

Jeremiah 50:27

A galkap hangte khempeuh uh thahsak un. Amaute in gimna a thuak ding uh hi, a thuak ni ding uh hun hong tung zo hi.

Jeremiah 49:32

A kalaohte uh kisutkhiat sak ding a, a bawnghonte uh kilakmang sak ding hi. A sam uh a met tom amaute mun khempeuh ah kithehthang sak ding hi. Mun khempeuh panin amau tungah siatna ka tung sak ding hi, Topa in kong ci hi.

Jeremiah 48:44

Lauhuaina pana a taisim mite dum sungah a kia ding hi. Dum sung pan a, a hong kah khia mite, thang ah a awk veve ding hi. Bang hang hiam cih leh Moab ka daantah ni-in hih nate ka tung sak ding hi, Topa in kong ci hi.

Jeremiah 48:28

“Moab gam a, teeng mite aw, khuapite nusia un la, kawl lakah teeng un! Ken pang-a vakhu bu bawl bangin va om un.

Jeremiah 48:6

‘Tai un! Na suahtak nadingun tai un! Sehnel gam a, gamlak laate bangin taimang un!’ a ci uh hi.

Jeremiah 6:1

Benjamin’ suante aw, na suahtak nadingun tai un! Jerusalem khua taisan un! Tikoa khua-ah peengkul mut un la, Bethhakkherim khua-ah theihsakna meikhu suaksak un. Bang hang hiam cih leh leilu lam panin, gimna leh siatna lianpi a hong pai ding hi.

1 SAMUEL MASA 13:6

Israel mite in amaute haksatna sungah a om lam uh a kimuh uh ciangin (bang hang hiam cih leh galte in amaute neh mahmah uh hi), mite suanghawm sung, leihawmte sung, suangte sung, hante sung leh tuikhukte sungah bu uh a,

Thukhente 6:2

Israelte tungah Midiante gualzo hi; Midiante hangin Israel mite in amau adingin mual tungah a om bukna munte, leh leihawmte leh mun muanhuaite bawl uh hi.

Isaiah 34:5

Bang hang hiam cih leh ka namsau in vantungah a sep ding khempeuh a zawh khit ciangin, en un, a siamang ding a, ka sehsa Edom mite tungah thukhen dingin hong kum suk ding hi.

Ezekiel 25:13

Tua ahih ciangin Edom mite daan pia-in, a mihing a ganhing-in ka thah mang nading thu tu-in kong pulak hi. Teman khuapi pan-a kipan Dedan khuapi dongin a gam sung khempeuh uh gamkhing ka suaksak ding a, a mite khempeuh uh gal sungah si ding uh hi.

Malakhi 1:3

Esau leh a suan a khakte ka mudah hi. Esau’ neih mualtung gamte ka susia a, gamlak gamsate tungah ka pia hi,” ci hi.

Malakhi 1:4

Esau’ suan-le-khak Edom mite in, “I khuapite a kisiat khit hangin i lamkik ding hi,” ci le uh, Topa in, “A ut uh leh lam uh hen, ahi zongin ka susia kik veve ding hi. Midangte in, ‘Gam gilo, Topa’ heh tawntungna minamte,’ ci-in ko ding uh hi,” ci-in dawng ding hi.