Jeremiah 49:7 - Tedim Bible

⁷ Edom gam tawh kisai-in, a vanglian Topa in a gen-inah: “Teman gamah pilna om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

Tedim Bible Revision 2017

⁷ Edom gam tawh kisai-in Vanglian Topa in a genin ah: “Teman gamah a pil om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

Jeremiah 49:7 Referans Kwoze

Jeremiah 49:20

Ka mai-ah kua kumpi hong ding ngam ding ahi hiam? Tua ahih manin Edom mite’ thuak nading leh Teman gama teengte’ gim nading-a Topa’ gelna leh ngimnate ngai dih un. A tangeekte nangawn uh kikaikhia ding hi. Mi khempeuh lau taktak ding uh hi.

Jeremiah 25:21

Edom, Moab leh Ammon mite;

Piancilna 36:15

Hih-te in Esau’ tapate' sung pan ukpite ahi uh hi. Esau’ ta masa Elifaz’ tapate in: ukpite Teman, Omar, Zefo, Kenaz,

Piancilna 25:30

Esau in Jakob kiangah, “Tua meh san tawm khat hong nesak in, bang hang hiam cih leh phukhong vei ing!” ci hi. (Tua ahih ciangin ama' min Edom kici hi.)

JOB (Job) 2:11

Job’ lawmte thum, Teman khuami Elifaz, Shuah gammi Bildad, leh Na-amah gammi Zofar-te in Job’ thuak gimna thu teng a zak uh ciangin a inn ciat panun amah hehnem ding leh a hanthawn dingin kituahin hong paikhawm uh hi.

Piancilna 36:11

Elifaz’ tapate in Teman, Omar, Zefo, Gatam, leh Kenaz ahi hi.

Habakkuk 3:3

Teman khua panin Pasian hong pai a, Paran Mual panin Siangtho Pa hong pai hi. Ama minthan’na in vanpi tuam a, leitung khempeuh, amah phatna tawh kidim hi.

Joel 3:19

Amaute in Judah gam simin, mawhnei lo mite that uh ahih manin, Izipt gam in sehnel gam suakin, Edom gam in gamsia suak ding hi.

Daniel 11:41

Amah in Thuciam Gam zong sim ding a, tul tampi tak a that ding hi. Ahih hangin Edom gam, Moab gam leh Ammon gam sunga a om lai sun teng a suakta ding uh hi.

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Isaiah 29:14

tua ahih ciangin en un, hih mite tungah a tumdang leh a lamdang ahi a lamdang nate ka bawlkik ding hi; amau’ mipilte’ pilna kisia ding a, amau’ thu mutel theite’ thu muhtel theihna kiseel ding hi,” a ci hi.

Late 137:7

Topa aw, Jerusalem a siat ni-a Edom mite in, “Sumai un, sumai un! A bulpi dongin sumai un!” a cih vialna uh phawk in.

JOB (Job) 4:1

Tua ciangin Teman khuami Elifaz in thu gen a,

1 KHANG TANGTHU MASATE 1:53

Kenaz, Teman, Mibzar,

Thu-hilhkikna 23:7

“Edom mite khatpeuh na mudah kei ding uh hi; bang hang hiam cih leh amaute in na sanggam uh ahi hi; Izipt mi khatpeuh na mudah kei ding uh hi; bang hang hiam cih leh amau’ gamah peemta na hi ngei uh hi.

Piancilna 36:34

Jobab si a, Teman mite’ gam mi Husham in ama' tangin uk hi.

Piancilna 36:8

Tua ahih ciangin Seir mual tung gamah Esau teng hi; Esau in Edom ahi hi.

Piancilna 27:41

A pa in amah thupha pia khin ahih amnin tua thupha hangin tu-in Esau in Jakob mudah a, Esau in “Ka pa’ sihna hangin dah nading hun hong nai ta hi; tua khit ciangin ka sanggampa Jakob ka that ding hi,” ci-in ngaihsun hi.

Piancilna 32:3

Jakob in Edom gam, Seir leitangah a om a sanggampa Esau' kiangah kamtaite ma sawl a,

Jeremiah 8:9

Na mipilte uh a maizum ding uh hi; lungmang-in a cih nading a thei kei ding uh hi. En un, amaute in Topa’ thu a nial uh hi, bang pilna a nei nawn uh hiam?

Jeremiah 12:14

Topa in ka mi Israel mite luah dinga ka piak gamh a susia nuam a gilo vengte tawh kisai-in ka cih-inah: “En un, a gam uh panin amau ka botkhia ding a, amau’ sung panin Judah mite ka lakhia ding hi.

Jeremiah 25:23

Dedan, Tema, Buz leh a sam uh a tom met khempeuhte;

Ezekiel 32:29

“Edom zong a kumpite leh a gam ukte tawh tua lai mah ah om hi. Amaute in a thahat gakapte hi a, ahi zongin tu-in Pasian thei loin gal sunga a site lak, misite gam Leinuai-ah lum uh hi.

Isaiah 21:11

Edom gam tawh kisai thu: Seir mual tung panin khat in kei hong sam a, “Gal vilpa aw, tu zan bangci hiam? Gal vilpa aw, tu zan bangci hiam?” hong ci hi.

Kah la 4:21

Edom leh Uzmite aw nuinui mai un, ahih theih laiteng kipak un. Bang hang hiam cih leh siatna hun hong tung ding a, a hong tun’ ciangin na guaktangun om-in, maizum-in na om ding uh hi.