Jeremiah 49:25 - Tedim Bible

²⁵ Tua khuapi minthang’ lungdamna khuapi, tu-in kinusia ta hi!

Tedim Bible Revision 2017

²⁵ Tua khuapi minthang, lungdamna khuapi, tu-in kinusia ta!

Jeremiah 49:25 Referans Kwoze

Jeremiah 33:9

Jerusalem khuapi in kei adingin lungdamna, minphatna leh minthan’na ahi ding hi. A sunga om mite tungah hoihna leh hauhna ka tun’sakna thu a za minam dangte in lau-in a liing ding uh hi.

Jeremiah 51:41

“Leitungbup’ pahtawi Babilon khuapi kila ta hi! Gamdangte’ lakah Babilon khua, a mulkimhuai suak ta hi!

Mangmuhna 18:10

tua khua in a thuak gimna kihta-in gamlapi pan ding-in ‘Babilon khuapi, a to khuapi in gimna a thuak zo hi! Gimna a thuak zo hi! Nai khat sung bekinah thutanna na thuak ta hi,’ ci-in amah hangin kapin kiko-in a gen ding uh hi.”

Daniel 4:30

“Babilon khua bang zah takin lian ahi hiam! Kumpi ding leh, ka vangliatna ka thahatna kilat nadinga ka lam ahi hi,” a ci hi.

Jeremiah 48:39

Moab gam kitam ta hi! A mite kap uh hi! Maizum-in hong nungngat ta uh hi! Tua ahih manin Moab in a kim-a om mite’ nuihsat ding leh lipkhap ding a suak zo hi.

Jeremiah 48:2

Moab gam minthan’na bei ta hi. Heshbon khua-ah a galte un a sim nading uh a vaihawm uh a, ‘Hong pai un, Moab gam i beimang sak ding hi,’ a ci uh hi. Madmen khua aw, nang zong na gamdai ta ding hi. Namsau in nang hong nungdelh ding hi.

Isaiah 1:26

A masa-a bangin na thukhente, a kipat cil-a bangin na upate ka koih kik ding hi. Tua khit ciangin nang pen, thuman khuapi, thutak khuapi, hong kici ding hi.”