Jeremiah 49:19 - Tedim Bible

¹⁹ En un, lonona a, nuam taka om tuute, Jordan gam tuulak pan a, a hong paito humpi in a delhmang bangin keimah in amaute a gam uh nusia-in thakhat thu-in ka tai mangsak ding a, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Ka to ding kua om lai ahi hiam?

Tedim Bible Revision 2017

¹⁹ En un, lo nona ah nuam takin a om tuute, Jordan gam tulak panin a hong pai to humpinelkai in a delh mang bangin, a gam uh nusia-in thakhat thu-in ka taisak mang dinga, a gam uh a uk dingin ka deih peuhpeuh ka seh ding hi. Bang hang hiam cih leh kei bang mi kua om ahi hiam? Keima to ahi ding kua om lai ahi hiam?

Jeremiah 49:19 Referans Kwoze

Jeremiah 12:5

Topa in, “Jeremiah aw, mite tawh tai kidem a, nang hong gimsak zo uh ahih leh, sakol bangci dem zawh ding na hi hiam? A nopna munah tuk lailai na hih leh Jordan gungei singkawm lakah bang cih ding na hi hiam?

Jeremiah 30:21

A kumpi ding uh amaute khat mah hi ding a, amaute a uk ding amau’ sung mah pan a piang ding hi. Keimah in amah ka kai ding a, amah kei kiangah hong pai ding hi. Tua hi kei leh, ama’ thu-a kei kiang hong zuan ngam ding kua om ahi hiam? Topa in kong ci hi.

JOB (Job) 41:10

A heh ciangin kihtakhuai mahmah a, a mai-ah kuamah om ngam lo hi.

JOB (Job) 9:19

Thatang hat thu ding hi leh, amah hat mahmah a, thutang kituh hi leeng, kua in thukhen zumah amah sam zo ding ahi hiam?

Joshua 3:15

thuciamna singkuang a puate Jordan tung a, thuciamna singkuang a pua siampite’ khe tui-ah a kidiah ciangin (anlak hun sung khempeuh Jordan a piau khempeuh ah let hi),

Paikhiatna 15:11

“Topa aw, pasiante' lakah kua in nang tawh kibang ahi hiam? Kua in nang tawh kibangin, siangthona-ah lianin, minthang nasepna-ah kihtakhuai-in, nalamdang sem ahi hiam?

Mangmuhna 6:17

Bang hang hiam na cih uh leh, tuate hehna a lianpi Ni hong tung zo hi. Kua in a thuak zo ding hiam?” ci-in mualte leh suangte kiangah a ci uh hi.

Zekhariah 11:3

Tuucingte, a minthan’na uh beita ahih manin, dahin kap uh hi. A tulak inn uh kisusia khin ahih manin humpinelkaite’ hawkna za un.

Nahum 1:6

Ama hehna kua in nang zo ding a, a lunghamna kua in thuak zo ding ahi hiam? A hehna meikuang bangin hong khahkhia a, ama mai-ah suangtumpi kitamzan hi.

Jeremiah 4:7

Humpi khat a bukna sawl kawm lak pan hong kuankhia zo a, gamte susia dingpa hong paikhia khin zo hi. Na gam uh a kisia sak ding leh na khuapite uhah kuamah a teen’ loh nadingin a susia dingin ama’ omna panin hong kuankhia khin zo hi.

Isaiah 40:25

Tua ahih ciangin kei kua tawh hong tehkak ding na hi uh hiam? Siangtho Pa in ci hi.

Late 143:2

Na nasempa, thu hong sit kei in; bang hang hiam cih leh nangma mai-ah mihing a dik kuamah om lo hi.

Late 89:8

Mi honte Topa Pasian aw, na khempeuh ah na thutak a, nangmah banga vanglian kua om ahi hiam? Topa aw.

Late 89:6

Bang hang hiam cih leh Topa pen vantung-a kua tawh kiteh thei ding ahi hiam? Misiangthote kikhopna sungah a kizahtak Pasian, ama kim-a omte khempeuh tungah lian-in a zahtakhuai Topa pen vanmite lakah kua pen tawh kibang ahi hiam?

Late 76:7

Ahih hangin nang zahtak-huai mahmah teh! Na heh khit phot ciangin nangma mai-ah kua ding zo ding ahi hiam?

JOB (Job) 9:21

Paubaan’ na ka neih loh hangin kei ka kithupi ngaihsut tuan het kei a, ka nuntakna ka kih hi.

1 KHANG TANGTHU MASATE 12:15

Hihte in Jordan a piau khempeuh a dimlet laitak kha masa sungin Jordan kantanin kuam sunga om mite nisuahna lam leh nitumna lamah a taisak mite ahi uh hi.

Gamlak-vakna 16:5

amah in Korah leh a pawlte khempeuh kiangah, “Zing ciangin Topa in a siangtho ahi mi, ama’ aa ahi mi hong lakin, ama kiangah pai sak ding hi; amah in a teel ding mipa ama kiangah pai sak ding hi.

Isaiah 46:9

Hun lui nate phawk un; bang hang hiam cih leh keimah in Pasian ka hi a, a dang om lo hi; keimah in Pasian ka hi a, kei tawh a kibang a dang om lo hi.

2 KHANG TANGTHU NIHNATE 20:6

“Topa, ka pu ka pate uh Pasian aw, nang vantungah Pasian hilo na hi hiam? Minamte’ kumpigam khempeuh tungah nang in uk hilo na hi hiam? Na khut sungah vangliatna leh thahatna om a, kuamah in nang hong nang zo lo hi.

Late 76:8

Vantung panin nangmah in thukhenna na genkhia hi; gimna a thuak leitung mi khempeuh hon dingin Pasian in thu khen ding hong kipat ciangin leitung lau-in taang loin om hi.

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Daniel 7:4

Amasa pen humpinelkai tawh kibang a, ahi zongin muvanlai’ kha tawh a kibang kha a nei hi. Ka et lai takin a kha tegel a hong kibotkhia hi. Tua ganhing leitung panin kidom kaang to a, mihing bangin a khe nih in kiding sak a, mihing’ lungsim ama tungah a kipia hi.