Jeremiah 49:18 - Tedim Bible

¹⁸ Topa in kong cih-inah, Sodom khua, Gomorrah khua leh a kim-a khuate a kisiat gawp bangin, tua lai munah kuamah teeng lo ding a, kuamah a baang pak beek kei ding hi.

Tedim Bible Revision 2017

¹⁸ Topa in kong cih in ah, Sodom khua, Gomorrah khua le a kiim a khuate a kisiat gawp bangin, tua lai munah kuamah teeng lo dinga, kuamah a peem kei ding hi.

Jeremiah 49:18 Referans Kwoze

Jeremiah 49:33

Hazor khua in se-alte’ teen’na a suak ding a, a tawntung-a a kisia den khua a suak ding hi. Kuamah teeng lo ding a, tawm vei beek zong a va zin kei ding uh hi,” a ci hi.

Thu-hilhkikna 29:23

a gambup in kaat leh ci, leh nin a kangtum, khai kituh lo, bangmah po lo, lopa zong a po zawh lohna mun Sodom leh Gomorrah, Admah leh Zeboi-im bangin a kilawnthal gawp, a hehna leh a sinsona tawh Topa’ lotgawpte tawh kibang hi, ci ding uh hi—

Zefaniah 2:9

Keimah in a nungta Israel Pasian ka hih mah bangin, Moab mite, Sodom khuamite bangin kisusia-in, Ammon mite, Gomorrah khuamite bangin kisusia-in, a gam sung uhah lingkung bek po zoin, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak tak kei leh, ci-in ka kiciam hi,” ci hi.

Amos 4:11

Sodom leh Gomorrah khuapite ka suksiat bangin, note pawl khat kong susia hi. Meikhuk panin a kitenkhia, singkhuah khat tawh na kibang uh hi. Tua bang hi napi-in kei lamah nong kihei kei uh hi, Topa in ci hi.

Jeremiah 50:40

Topa in kong cih-inah, Sodom khua, Gomorrah khua leh a kim-a khuate Pasian in a suksiat bangin tua lai-ah kuamah a teeng kei ding a, kuamah zong a va baang pak beek kei ding hi.

Juda 1:7

Tua mah bangin Sodom leh Gomorrah khuapi akipan a kimkot ah a om khuapite zong tua mite bangin a kihhuai noptatna ah gamta-in, a man lo pumpi’ deihna lungsim zui uh ahih maninah, meikuang tawntung daan thuakin, thu hilhkholh nading lim ahihna uh a kilang hi.

2 PETER NIHNA 2:6

Sodom leh Gomorrah khuapite, mei vut suakin, cip siatna daan thu khen a, a nung ciangin Pasian bia lote adingin limin a koih hi.

Isaiah 34:10

Sun leh zanin mit lo ding a, vanah a khu kahto ngitnget ding hi. Khang khat pan khang khat, a hawm guakin om ding hi; kuamah in nawk ngei nawn het lo ding hi.

Late 11:6

Migilote tungah amah in mei-am leh kat zusak ding a, amau ngah ding hai in huih sa mahmah hi ding hi.

ROM (Romans) 9:29

Isaiah in:, “Vantung Topa in eite ading khaici hong omsak lai hi kei leh, Eite in Sodom leh Gomorrah khuate i bang zo ding hi,” ci-in a masa-a a gen bang ahi hi.

Jeremiah 23:14

Ahih hangin Jerusalem khua-a kamsangte sungah a mulkimhuai zaw na khat ka mu hi. Angkawmin zuauthu a gen uh a, mite a gitlohna uh pan a kikhel loh nadingin mi hoihlote a hanthawn zawlai uh hi. A vekpiun kei’ muhna-ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

Thu-hilhkikna 29:22

Hong khang lai ding mi, note nungah hong piang na tate uh leh a gamla panin hong pai gamdang mi in tua gam in a gim ngahna leh Topa in a natsakna cinatnate a muh uh ciangin—