Jeremiah 49:16 - Tedim Bible

¹⁶ Na kihtakhuaina leh na kisaktheihna in nang hong khem zo hi. Suangken lakah na teeng a, mualsang tungah na teeng hi. Muvanlai bu zahin sangpi-in na teen’ hangin tua lai mun panin kong lakhia suk veve ding hi, Topa in kong ci hi.

Tedim Bible Revision 2017

¹⁶ Na kisaktheihna in nang hong khem a, na ngaihsut bangin mite in nang hong kihta lo hi. Suangkeen dawnah na teeng a, mual sang tungah na teeng hi. Muvanlai bu zahin sangpi-in na ten hangin tua lai mun panin kong la khia suk veve ding hi, Topa in kong ci hi.

Jeremiah 49:16 Referans Kwoze

Amos 9:2

Lei to sukin misite omna Leinuai-ah a va tun uh hangin tua lai-ah amaute ka su ding a, vantungah a kah toh uh hangin zong, tua lai mahah amaute ka su veve ding hi.

Isaiah 49:25

Topa in: “A galhangpa’ mat salte kilakhia ding a, thu khauhpa’ na kilakhia ding hi; nang hong dem mite ke’n ka dem ding a, na tate ka honkhia ding hi.

JOB (Job) 39:27

Muvanlai sang len’in mual tungah bu a tom nading, nang’ thupiakna hong ngak ahi hiam?

Paunak 29:23

A kiphasakte in niamkhiatna thuak ding a, a kiniamkhiatte in pahtawina ngah ding hi.

Paunak 16:18

Kisaktheihna in siatna hong tuak sak a, kiphatsakna in pukna hong piang sak hi.

Solomon la 2:14

Suangheng kawm-a vasa bangin nang na bubu niloh hi. A ngaih baang na mai hong musak in la, a lungzuan’ huai na awging hong zasak in.

Paunak 18:21

Kampauna in sihna ahi a, hin’na ahi zongin piangsak thei a, i kampauna banga piangte san’loh phamawh hi.

2 KUMPI NIHNATE 14:7

Amah in Edom mite tulsawm Ci Kuam ah thatin Sela khua do-in la a, tu ni dongin a min ahi Jokthe-el a phuak hi.

Isaiah 10:14

Vasa bu-mek bangin mihingte’ hauhna ka la ziau hi; a kinusia vasa tuite mite in a lak bangin leitung khempeuh ka la khin hi; a kha a zap, a kam a ka, a ham khat beek om lo hi,” ci hi.

Jeremiah 49:15

Bang hang hiam cih leh, en in, keimah in gamdangte sangin nang kong neusak zaw a, mite kong simmawhsak ding hi.

Jeremiah 50:29

“Babilon khua sim dingin thal kap siam, thal tawi theite va sam un. Khuapi umcih un la, kuamah suakta sak kei un. Ama’ hihna tawh kituak-in, ama tungah hih un. Ama’ hih ngei mah bangin ama tungah bawl un. Bang hang hiam cih leh amah in kisa thei-in Topa ahi, Israel mite’ Siangtho Pa a simmawh hi.

Jeremiah 51:53

Babilon khua vantung-ah a kahtoh theih a, a sangpi-ah kip takin gal dalna a bawl theih hangin, Topa in kong cih-inah, kei’ kiang panin amah susia ding mi a hong pai teitei ding hi.

Habakkuk 2:9

Mi’ van na suhna uh tawh na mite uh hausakin, lauhuaina leh siatna a ngah loh nadingin na inn uh bawl na hih manun, gimna na ngah ding uh hi.

Malakhi 1:3

Esau leh a suan a khakte ka mudah hi. Esau’ neih mualtung gamte ka susia a, gamlak gamsate tungah ka pia hi,” ci hi.

Jeremiah 48:14

“Note in bang hangin, ‘Galhangte ka hi uh a, galsim hatte ka hi uh hi,’ ci thei na hi uh hiam?