Jeremiah 49:12 - Tedim Bible

¹² Bang hang hiam cih leh Topa in kong cih-inah: Daan thuakna hai dawn ding a, kilawm lo mite nangawn in dawnin thuak veve uh ahih leh note in zong thuak loin om ding na hi uh hiam? Note in daan thuak loin na om kei ding uh a, hai na dawn uh kul ding hi.

Tedim Bible Revision 2017

¹² “Bang hang hiam cih leh Topa in kong cih in ah: Gim a thuak dingin a kilawm lo mite nangawn in thuak veve uh ahihleh note in zong thuak loin om ding na hi uh hiam? Note in gim thuak loin na om kei ding uh a, na thuak veve ding uh hi.

Jeremiah 49:12 Referans Kwoze

Obadiah 1:16

Bang hang hiam cih leh, ka mual siangtho tunga na thuak mah bangun; na kim na pama mi namte khempeuh in zong ka daan piakna a thuak ding uh hi. Thuak tawntung ding uh a, a piang ngei lo mah a bang ding uh hi.

Jeremiah 46:27

“Ahih hangin lau kei un, ka nasempa Jakob’ suante aw; patau kei un, Israel mite aw, Bang hang hiam cih leh gamlapi panin no kong honkhia ding a, na suan na khakte uh saltan’na gam panin kong honkhia ding hi. Jakob’ suante hong ciahkik ding uh a, nuam takin a teeng ding uh hi. Kuamah in amaute a lausak nawn kei ding hi.

Jeremiah 30:11

Bang hang hiam cih leh Topa in kong cih-inah, a hong honkhia dingin note kong ompih hi. Note kong theh thangna gamte khempeuh ka susia khin ding a, ahih hangin note kong susia kei ding hi. A kilawm zahin kong thuhilh ding a, daantat loin kong mawk nusiat kei ding hi.

Jeremiah 25:15

Topa, Israel mite’ Pasian in hih bangin kei hong hopih a, “Ka khut tung panin hehna tawh a kidim hih leenggah tui hai la in la, kong sawlna gamte khempeuh dawn sak in.

Paunak 17:5

A zawngte a simmawhpa in amah a Piangsakpa a simmawh hi a, midangte tuahsiatna-ah a lungdam mipa in daan tuak hamtang ding hi.

Mattiu 20:22

Zeisu in, “Note in na hong ngetna uh na thei kei uh hi. Ka dawn ding hai dawn zo ding na hi uh hiam?” a cih ciangin, “Ka dawn zo ding uh hi,” a ci uh hi.