Jeremiah 49:11 - Tedim Bible

¹¹ A tagah na tate uh ka kiangah hong koih un; ke’n amau ka kem ding hi. Na meigong numeite uh zong, kei hong muangsak un.

Tedim Bible Revision 2017

¹¹ A tagah na tate uh ka kiangah hong koih un; keʼn amaute ka kem ding hi. Na meigong numeite uh zong kei hong muangsak un.

Jeremiah 49:11 Referans Kwoze

Late 68:5

Pa nei lote’ pa leh meigong numeite a hupa in, ama omna siangtho sunga om Pasian ahi hi.

Jeim 1:27

I Pa Pasian mai-ah a nin lo, a siangtho biakna in pa nei lo naupangte leh meigong numeite a dah lai takun a en a keem thei a, ama pumpi zong leitung kihhuai nitna tawh kipelh nadingin a kikep theihna ahi hi.

Hosea 14:3

Assiria mite in hong honkhia zo ngei lo ding a, sakol galkapte zong suan’in, ka nei kei ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah theih lam ka thei uh hi,” ci-in thu ngen un.

1 TIMOTI MASA 5:5

Meigongnu taktak hi a, khat guak a om lai numei in Pasian muang a, sun tawh zan tawh thungenin a om tawntung hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Jonah 4:11

Tua ahih leh keimah in ganhing tampi thamlo, a taklam khut leh a veilam khut nangawn a khen thei nai lo naupang tulza leh tulsawmnih sanga tam zawte’ teen’na, a lian mahmah Nineveh khuapi pammaih sa lo ding ka hi hiam?” ci-in a dawng kik hi.

Late 146:9

Topa in peemtate kem a, meigong numei leh pa nei lote a huh hi; ahih hangin amah in migilote’ vaihawmna suksiatsak hi.

Late 82:3

A ginalote leh pa nei lote tungah thuman un la, a thuakte leh a cimawhte’ thumanna kipsak un.

Thu-hilhkikna 10:18

Amah in pa nei lote leh meigong numeite adingin thutang semin, mi peemte itin an leh puan a pia hi.

Zekhariah 7:10

note lakah a om meigong, tagah, gamdang mite, ahih kei leh mi zawngte gim pia loin, khat leh khat kisiatsak nading na ngaihsut loh nading uh thu ka hong pia zo hi,” ci hi.