Jeremiah 49:10 - Tedim Bible

¹⁰ Ahih hangin Esau’ suan le khakte khempeuh ka guaksuak sak a, a bukna munte uh ka kilangkhia sak hi; tua ahih manin a bu thei nawn kei uh hi. A tate uh, a sanggamte uh leh a innvengte uh, si khin a, khat beek a suakta kei hi.

Tedim Bible Revision 2017

¹⁰ Ahih hangin Esauʼ suanlekhakte khempeuh ka guaksuaksak a, a bukna munte uh ka kilangkhiasak hi. Tua ahih manin a bu thei nawn kei uh hi. A tate uh, a sanggamte uh, le a veengte uh si khin uh a, khat beek a suakta kei hi.

Jeremiah 49:10 Referans Kwoze

Isaiah 17:14

En un, nitakin hong lausak vat a, zingsang ma-in amaute bei ta! Hih bang thute pen, eite hong susia-in eite hong luh gawpte’ thuak ding ahi hi.

ROM (Romans) 9:13

Tua mah bangin, “Jakob ka it hi, Esau ka mudah hi,” ci-in kigelh hi.

Obadiah 1:9

Teman khua aw, Esau mual ah mi khempeuh a kithahlup khit nadingin, na galhangte a thanem ding uh hi.

Amos 9:3

Karmel mual dawnah a buk uh hangin, amaute zongin ka man khia ding a, kei kiang panin tuipi tawng sungah bu ta le uh zong, tuipi gulpite in a tuk nading thu ka pia ding hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Isaiah 45:3

A mialna mun sunga sum kikoihte leh mun simtham-a sum kiseelte, nangma tungah kong pia ding a, tua thu hangin kei-in Topa, na min tawh hong sam Israelte’ Pasian ka hihna nong thei ding hi.

Late 37:28

Bang hang hiam cih leh Topa in thutang deih a, a mi siangthote nusia lo ding hi. Thuman mi kikemcing den ding a, ahi zongin migilo’ tate kipuaseh ding hi.

Jeremiah 13:26

Keimahmah in na nik kong hawksak ding a, kong maizum sak ding hi.

Kah la 4:22

Jerusalem in a mawhna thaman a sang khin zo hi. Ka thuak ding uh a nasiapen pen teng ka thuak khin zo uh hi. Ahih hangin Edom aw, Topa in nang daan hong pia ding a, na mawhna a hong pholak sak ding hi.

Obadiah 1:6

Ahih hangin Esau, kibuluh khin zo a, a sum a pai khempeuh a kilak sak zo hi!