Jeremiah 49:1 - Tedim Bible

¹ Ammon mite tawh kisai-in Topa in a gen-inah: “Israel mite in tapa nei lo uh ahi hiam? Inn luah ding nei lo uh ahi hiam? Bang hangin Milkom pasian biate in Gad gam la-in a khuapite sungah teeng uh ahi hiam?

Tedim Bible Revision 2017

¹ Ammon mite tawh kisai-in Topa in a genin ah: “Israel mite in tapa nei lo ahi uh hiam? Innluah ding nei lo ahi uh hiam? Bang hangin Milkom pasian biate in Gad gam la-in a khuapite sungah teng ahi uh hiam?

Jeremiah 49:1 Referans Kwoze

Thu-hilhkikna 23:3

“Ammon mite ahi a, Moab mite ahi zongin Topa ading kikhopna sungah lut lo ding uh hi; a khang sawmna dong nangawnun Topa ading kikhopna sungah lut thei ngei peuhmah lo ding uh hi;

Jeremiah 49:7

Edom gam tawh kisai-in, a vanglian Topa in a gen-inah: “Teman gamah pilna om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

Jeremiah 25:21

Edom, Moab leh Ammon mite;

2 KHANG TANGTHU NIHNATE 20:1

Hih thu khit ciangin Moab mite leh Amon mite, leh Meunim mite pawlkhat in Jehoshafat a sim dingin hong kuan uh hi.

Jeremiah 49:28

Babilon kumpipa Nebukhadnezzar in a zawh Kedar minamte leh Hazor khua ukte tawh kisai-in, Topa in a cih-inah: “Kisa un, Kedar mite va sim un! Nisuahna lama om amaute va thatlum un!

Jeremiah 49:23

Damaskas khua tawh kisai-in, “Hamath khua leh Arpad khuate in thusia za uh ahih manin lung mangin a om uh hi. Tuipi dai thei lo bangin a launa uh dai thei lo hi.

Jeremiah 48:1

Moab gam tawh kisai-in a vanglian Topa, Israel mite’ Pasian in a gen-inah: “Nebo mite in gimna a thuak ding uh hi, bang hang hiam cih leh a gam uh a kisia ding hi. Kiriathaim khua kila khin zo a, a kulhpite uh cim khin hi. A mite in maizumna thuak uh a,

Jeremiah 27:3

Edom kumpipa tung, Moab kumpipa tung, Ammon mite’ kumpipa tung, Tai-ar kumpipa tung leh Sidon kumpipa tungah Judah kumpipa Zedekiah tawh kimu ding a, Jerusalem khua-a hong pai a kumpi taangmite-uh tung tawnin thu zasak in.

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Late 83:7

Gabal, Ammon leh Amalek mite, Filistia leh Tai-ar khua-a teeng mite tawh thuciam bawl uh hi.

Late 9:6

Siat denna sungah galte beimang hi; a khuate uh na zunglot hi; amau kiphawk kha nawn lo hi.

Nehemiah 4:7

Ahi zongin Sanballat, Tobiah, Arab mite, Ammon mite, leh Ashod mite in Jerusalem kulh cian’ nasep kizom suakin, kulh vang teng huk ding a kipat khitna thu a zak uh ciangin heh mahmah uh hi.

Nehemiah 2:19

Ahi zongin Horonaim khuami Sanballat leh Ammon mi sal ahi Tobiah leh Arab gam-a a sem Geshem in tua thu a zak uh ciangin, kote zahpihna leh simmawhna tawh, “Hih na sep uh bang ahi hiam? Kumpipa lehpan’ na hi uh hiam?” hong ci uh hi.

2 KHANG TANGTHU NIHNATE 20:23

Bang hang hiam cih leh Ammon mite leh Moab mite in Seir Mual-a teengte do dingin kipanin amaute susia mang uh a, Seir-a teengte a beisak khit uh ciangin amaute khat leh khat kisusia uh hi.

2 KUMPI NIHNATE 24:2

Tua ciangin kamsangte ahi ama nasemte tung tawnin a gen Topa’ thugenna bangin Judah a susia dingin ama lang khatah Topa in Khaldea mihonte, Siria mihonte, Moab mihonte leh Ammon mihonte sawl hi.

2 KUMPI NIHNATE 10:33

Jordan panin nisuahna lam, Gilead gam khempeuh, Gad mite, leh Reuben mite, leh Manasseh mite, Arnon kuam gei-a om Aroer panin Gilead leh Bashan gam khempeuh zo gawp hi.

Thu-hilhkikna 2:19

Ammon mite leitang khat zong na neih dingun hong pia lo ding ka hih manin, Ammon mite’ gamgi na nai uh ciangin amaute gimsak kei un la, amaute tawh kido kei un, bang hang hiam cih leh a neih dingun Lot’ suan leh khakte tungah ka pia ding hi.

Piancilna 19:38

A nau in zong tapa khat nei a, a min Ben-ammi phuak hi; amah in tu donga Ammon mite’ pian’na pupi ahi hi.

Gamlak-vakna 1:24

Gad mi, a suan a khakte, kum sawmnih panin a tungsiah a min phazah tawh kizui-in a innkuankuan, a beh beh-in galdo dingin a kuan thei khempeuh:

Thu-hilhkikna 23:4

bang hang hiam cih leh Izipt panin na paikhiat lai-un lampi ah an leh tui tawh amaute in note hong dawn lo uh a, note hong samsia dingin Mesopotamia gam Pethor khua panin Boer’ tapa Balaam cial uh hi.

Jeremiah 12:14

Topa in ka mi Israel mite luah dinga ka piak gamh a susia nuam a gilo vengte tawh kisai-in ka cih-inah: “En un, a gam uh panin amau ka botkhia ding a, amau’ sung panin Judah mite ka lakhia ding hi.

Zefaniah 1:5

Innkhumzang ah kahto-in, ni, kha leh aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Ezekiel 21:25

A gilo, a siangtho lo, Israel gam uk mi gilopa aw, nang’ hun zong hong tung ta a, na daantuah ni ding hita hi.

Ezekiel 25:1

Topa in kei kiangah thu hong gen a,