Jeremiah 48:35 - Tedim Bible

³⁵ Moab gam mual sang tunga kithoihna bawl-a, milim pasiante’ tunga paknamtui a hal mite, Topa in kong cih-inah, tua bang ka hih sak nawn kei ding hi.

Tedim Bible Revision 2017

³⁵ Moab gam mual sang tungah biakna pia a, milim pasian-te tungah paknamtui a hal mite, Topa in kong cih in ah, tua bang ka hihsak nawn kei ding hi.

Jeremiah 48:35 Referans Kwoze

Isaiah 16:12

Moab amahmah hong kilaakin, a sangna munah lungkhamin hong pai a, ama siangtho munah thu a nget ciangin bangmah ngah lo ding hi.

Isaiah 15:2

A sangna munte ah a kap dingin Dibon khuamite pai to uh hi; Nebo leh Medeba khuate’ hangin Moab mite nakpi takin kap uh hi. Dahna limin lu khempeuh kimettol a, khamul khempeuh kimetmai hi;

Jeremiah 48:7

Na hatnate uh leh na neihsate uh na suan’ manun note zong hong kipai khiatpih ding hi. Na pasian uh Khemosh zong a siampi teng leh a ulian teng tawh, kipai khiatpih ding hi.

Jeremiah 11:13

Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah meihal biakna tawh Baal biak nading a zum huai biakna taute na bawl tazen uh hi.

Gamlak-vakna 28:14

Leenggahzu tawh a biaknate in, bawngtal khat ciangin leenggahzu thawl lang, tuutal khat ciangin leenggahzu thawl khat sehthum suah sehkhat tuuno khat ciangin leenggahzu thawl khat sehli suah sehkhat hi ding hi; hih in kum khat sunga om kha simin meihal biakna ahi hi.

Jeremiah 7:9

Note in na gu-in, tual that-in, angkawmin, a hi lopi kiciam-in, Baal kiangah meihal biakna pia-in, na theih ngei loh uh pasian dangte delhin,