Jeremiah 48:32 - Tedim Bible

³² Sibmah khua aw, Jazer khua ading sangin nang’ adingin ka nak kah zaw hi. Nang in leenggah gui zam bangin na hiangte in tuipi kantan a, Jezer khua dongah na zamsuak hi. Na khuakhal ante na leenggah gahte hong kisuksiat sak ta hi.

Tedim Bible Revision 2017

³² Sibmah khua aw, Jazer khua ading sangin nang adingin ka nak kah zaw hi. Nang pen leenggah gui zaam bangin na hiangte in tuipi kantan a, Jazer khua dongah na zaam suak hi. Na khuakhal ante le na leenggahte hong kisuksiatsak ta hi.

Jeremiah 48:32 Referans Kwoze

Gamlak-vakna 21:32

Moses in Jazer khua thu a kansim ding a sawl hi; amaute in a khua neute la-in tua lai-a om Amor mite suan uh hi.

Joshua 13:19

leh Kiriathaim, leh Sibmah, leh tua kuam mualtunga om Zereth-shahar,

Jeremiah 48:18

“Dibon khua-a teeng mite aw, na minthan’na mun sang panin hong kumsuk un la, leivui lakah hong tu un! Bang hang hiam cih leh Moab gam hong sim dingte hong pai-a na kulhte uh hong suksiatsak zo uh hi.

Jeremiah 48:15

Moab gam leh a khuapite susia dingpa hong paito ta hi. A tangval hoihpente uh thahlup dingin a kipaipih khin zo hi, ci-in a vanglian Topa a kici keimah Kumpipa in kong gen hi.

Jeremiah 48:8

Khua khempeuh kisia khin ding a, khat beek a suakta kei ding hi. Topa in ka gen sa bangin, mualkuam leh zangleite a kisia ding uh hi.

Jeremiah 40:10

Kei ka hih leh Mizpah khua mah ah ka teeng ding a, eite kianga hong pai ding Khaldea mite’ kiangah no’ taangin ka ding ding hi. No na hih uh leh leenggah zute, khuakhal ante leh sathaute khawm un la, na bel sung uhah koih un. Na laksa uh khua sung ciat mah ah na teeng un,” a ci hi.

Joshua 21:39

Heshbon a lonona gamte tawh, Jazer a lonona gamte tawh—a vekpi-in khuapi li kipia hi.

Gamlak-vakna 32:38

Nebo, leh Baalmeon (a minte khel ding), leh Sibmah khuapite sat uh hi; amau’ satsa khuapite a min thak phuak uh hi.

Gamlak-vakna 32:35

Atoroth-shofan, Jazer, Jogbehah,

Gamlak-vakna 32:1

Tu-in Reuben minamte leh Gad minamte in ganhing hon tampi nei uh hi; amaute in Jazer gam leh Gilead gam mu uh a, en in: a gam in gan gam ahi hi.

Joshua 13:25

Amau’ gam in Jazer, leh Gilead khuapite khempeuh, leh Rabbah nisuahna lamah a om Aroer ciang dong Ammon mite leitang kimkhat,

Gamlak-vakna 32:3

“Ataroth, Dibon, Jazer, Nimrah, Heshbon, Elealeh, Sebam, Nebo, leh Beon,