Jeremiah 48:27 - Tedim Bible

²⁷ Moab aw, nang zong Israel mite nuihsan hilo na hi hiam? Ama’ thu na gen simin na lu na sin’sin’, amah guta sa na hi hiam?

Tedim Bible Revision 2017

²⁷ Moab aw, nang zong Israel mite nuihsan hi lo na hi hiam? Ama thu na gen simin lungdamin na lu na sinsin, amah guta sa na hi hiam?

Jeremiah 48:27 Referans Kwoze

Jeremiah 2:26

“Guta khat a kimat cianga a zum bangin, Israel mite, a kumpite uh, uliante, a siampite uh leh a kamsangte uh zong a zum ding uh hi.

Zefaniah 2:8

Vanglianpen Topa in hih bangin thu gen a, “Moab mite in ka mite a simmawhna, Ammon mite in ka mite a zahkona, leh ka mite’ gam sutgawp dingin, a kisaktheih paunate uh ka za khin hi.

Ezekiel 25:8

Topa Pasian in kei kiangah thu hong gen a, “Moab leh Seir mite in a thugenna uhah, Judah gam mite pen minam dangte bangmah hi lel uh hi, ci se uh hi.

Mattiu 27:38

Tua lai takin Topa tawh misuamte nih, a veilam khat, a ziatlam khat singlamteh tungah a khaikhawm uh hi.

Mattiu 26:55

Tua lai takin Zeisu in, “Note in galgu mat bangin kei man dingin namsau leh molhtum tawi-in hong pai na hi uh hiam? Keimah in nisimin biakna innpi sungah tu a, thu ka hilh lai takin na hong man kei uh hi.

Mattiu 7:2

Bang hang hiam na cih uh leh, midangte tungah na khen uh bangin note in thukhenna na thuak ding uh hi. Midangte na piakna uh seeng bangin no zong seengin hong kipia kik ding hi.

Zefaniah 2:10

Amaute in Vanglianpen Topa’ mite, simmawhin kihisak uh ahih manin, a kiphatsakna hangun Moab mite leh Ammon mite in hih bangin daan thuak ding uh hi.

Ezekiel 36:4

Tua ahih manin no Israel mualtung gamte aw, Topa Pasian ahi keimah in mual lian leh mual neute, luite leh guamte, a kisia-in a kinusia munte, leh a kiim-a minam dangte in luh gawpin a ciamnuih bawl khuapite tungah ka gen thute ngai un.

Ezekiel 36:2

Israelte’ galte in, ‘Hih tangtawng mualtung gamte tu-in eima aa hita hi,’ ci vial uh hi.

Ezekiel 35:15

keima mi Israelte a siat gawp manin na lungdamna zah tawh kizui-in nangma tungah kong bawl ding hi. Seir Mualtung gam, Edom, leitang khempeuh, gamkhing suak ding hi. Tua ciangin Topa ka hihna thu mi khempeuh in thei ding uh hi,” hong ci hi.

Jeremiah 18:16

Amau’ gam uh a mulkimhuai leh simmawhna tawh a kiphitsan den ding gam a suaksak uh hi. A kantan mi khempeuh a mulkim uh a, lamdang sa-in a lu uh a pei uh hi.

Late 79:4

Kote in ka vengte uh’ zahko, ka kim uh-a omte’ ko leh nuihsat ka suak khin uh hi.

Late 44:13

Ka vengte uh’ zahko, ka kim uh-a omte’ nuihsat leh thusim lohin kote nong bawl khin hi.

JOB (Job) 16:4

Note leh kei kikheek thei hi lehang, note’ gen khempeuh kei zong ka gen thei ding hi. Note ka lu hong pei sanin, thu tampi tak mah kong gen thei ding hi.

Late 64:8

Amau’ kampauna hangin amah in amaute siatna ngah sak ding a, amau a mu khempeuh in a lu uh peisan ding uh hi.

Kah la 1:7

Tu in Jerusalem kisia zo ta a, nidanga a thupitnate a nung phawk kik uh hi. Galte in a sim lai takin a huh ding khat beek a om kei hi. Guallel ahih manun a galte in a nuihsan uh hi.

Kah la 1:12

A kim a pama pai mi khempeuh kiangah, “Hong en in, kei’ thuak zah a gimna a thuak, Topa in a heh lai taka a hong thuaksak gimna a thuak kei longal midang kuamah om lo hi” ci-in a kiko hi.