Jeremiah 48:26 - Tedim Bible

²⁶ “Moab, zukham sak un, bang hang hiam cih leh amah in Topa langpanin kiliansak hi. Tua ahih manin amah in ama’ luak lakah a bual ding a, mi khempeuh in awi-in a nuihsan ding uh hi.

Tedim Bible Revision 2017

²⁶ “Moab, zu khamsak un; bang hang hiam cih leh amah in Topa langpangin kiliansak hi. Tua ahih manin ama luak mahah amah bual dinga, mi khempeuh in awi-in a nuihsan ding uh hi.

Jeremiah 48:26 Referans Kwoze

Jeremiah 51:39

Ka hehna tawh amaute an ka vak ding a, khua a phawk nawn loh dong uh zu ka khamsak ding hi. A tawntungin a thuum paisuak ding uh a, a khanglo nawn kei ding uh hi, Topa in kong ci hi.

Jeremiah 48:42

Moab kisusia ding a, a minam-in a om nawn kei ding hi. Bang hang hiam cih leh Topa dem-in kiliansak uh hi.

Isaiah 29:9

Lamdang kisa sak un la, lamdang a sa hi un, ki-mittawsak un la, a mittaw hi un! Leenggahzu dawn lopi-in a kham hi un; kham theih zu ne lopi-in hoi un!

Isaiah 19:14

Topa in amaute lungsim kitukalhsak khin zo hi; zukhampa pen ama luak sung mahah a puk bangin Izipt gam mite’ hihna khempeuh khialin hoi mang khin hi.

Daniel 5:23

Vantung Topa langah na pang hi. A biakinnpi hai leh kuangte la-in sabuai tungah nangmah tawh, na u liante tawh, na zite leh na zi-neute uh tawh zu dawnna-in na zang uh hi. Theihna a neilo, a mu thei lo, khua a za thei lo, ngun, kham, sumngo, sik, sing leh suang tawh a kibawl pasiante’ min na phat uh hi. Na nuntakna leh na hihna khempeuh a hong uk Pasian na zahtak kei hi.

Kah la 4:21

Edom leh Uzmite aw nuinui mai un, ahih theih laiteng kipak un. Bang hang hiam cih leh siatna hun hong tung ding a, a hong tun’ ciangin na guaktangun om-in, maizum-in na om ding uh hi.

Jeremiah 51:7

Babilon khuapi in Topa’ khut sunga khamhai tawh kibang a, leitung buppi zu a khamsak hi. Gamdangte in a zu a dawn manun, a hai khin uh hi.

Jeremiah 48:39

Moab gam kitam ta hi! A mite kap uh hi! Maizum-in hong nungngat ta uh hi! Tua ahih manin Moab in a kim-a om mite’ nuihsat ding leh lipkhap ding a suak zo hi.

Paikhiatna 5:2

Ahih hangin Faro in, “Ama' aw ngai-in Israel ka paisak dingin Topa in kua ahi hiam? Topa ka thei kei hi, tua tham loin Israelte ka paisak kei ding hi,” ci hi.

Mangmuhna 16:19

Khuapi in seh thumin a kikhen hi. Gam sungah a om khuapite zong a cim uh hi. Babilon khuapite zong Pasian’ hehna lianpi leenggahzu hai a dawnsak dingin Pasian mai-ah tua khuapi kiciamtehin a om hi.

2 THESALONIKA NIHNA 2:4

Tua mi in thu nial a, pasian a kici khempeuh ahi zongin, a kibia na khempeuh ahi zongin, tuate sangin ama pumpi pahtawi zaw-in, Pasian’ biakinnpi sungah tu-in, “Pasian ka hi hi,” ci-in a pumpi lakin a om ding hi.

Habakkuk 2:16

Tua ahih manin note in zong minthan’na ngah loin, maizumin mindaina tawh na kidiah ding uh hi. Note mahmah in na hoi dongun na dawn ding uh hi. Topa in daanpiakna hai, note hong dawnsak ding a, na minthan’na uh mindaina suak ding hi.

Nahum 3:11

Nineveh khuapi aw, nang zong zukham bangin khua na phawk kei ding a, na galte kiang panin tai-in bukna na zong ding hi.

Daniel 11:36

“Siria kumpipa in a ut bangbangin a gamta ding hi. Amah in pasiante sangin ka lianzaw a, Sangpen Pasian sangin zong ka thupi zaw lai hi ci-in a kisathei ding hi, a kiza ngei lo thu genin pasiante’ Pasian lang khatah thu gen ding hi. Hehna hun a kicing matengin amah gualzo ding hi, bang hang hiam cih leh a kiseh kholsa bang a, a tun’ nading ahi hi.

Kah la 3:15

Amah in ut lopipi-in tuikha hong dawnsak a, ka duh lohpipi in an kha a hong nesak hi.

Kah la 1:21

Ka tauna hong ngai in, hong hehnem ding kuamah dang a om nawn kei hi. Gimna nong thuaksak manin ka galte lungdam lua uh hi. Na ni ciam ni hong tungsak in la, kei thuak bangin ka galte zong thuaksak in.

Jeremiah 51:57

A kumpi uliante leh a mipilte uh akipan ukpite, uliante leh galkapte zu ka khamsak ding a, a tawntungin ihmu-in a khanglo nawn kei ding uh hi, ci-in a vanglian Topa a kici Kumpipa in kong gen hi.

Isaiah 63:6

Ka sin sona tawh mihingte cil-in, ka hehna hangin amaute zu kham ka bang sak a, amaute’ sisan leitungah ka thehthang hi.

Isaiah 51:17

Topa’ khut sung panin ama hehna hai a dawn khin, hoina haipi a tawdat dongin a dawn khin Jerusalem aw, nangmah khanglo in nangmah khanglo in la, dingto in.

Isaiah 10:15

Amah a liikto-pa pen molhtum-in a zang ding bang keek, sing a hilo mipa pen ciangkhut-in a liikto ding bang keek-in, hei in phuk nading a, amah a zangpa’ tungah kisial thei ding ahi hiam, sing-attem in amah a zangpa’ tungah kiliansak thei ding ahi hiam!

Late 75:8

Bang hang hiam cih leh Topa khut sungah leenggahzu a phuan, a kihelkim ngiingei hai khat om a, amah in tua sung panin hong bungkhia dinga, leitung migilote khempeuh in a tawdat dong takin liaktum ding uh hi.

Late 60:3

Nangmah in na mite haksatna na thuaksak khin hi; ka dawn dingun nangmah in ko hong hoisak leenggahzu nong piakhin hi.

Late 59:8

Topa aw, ahih hangin nangmah in amaute na nuihsan lel a, minam khempeuh na zahpih hi.

Late 2:4

Vantunga tu-pa in nuihsan a, tua Topa in amaute zahko hi.

JOB (Job) 9:4

Ama pilna thukin, ama vangliatna zai hi; kua in khauh takin nial a, nial pai suak zo ahi hiam?

Paikhiatna 9:17

Ka mihingte' tungah nang kiliansak lai-in amaute na paisak kei hi.

Isaiah 28:8

Bang hang hiam cih leh sabuai khempeuh a luak uh tawh kidim a, a nit lohna mun om lo hi.

Daniel 8:10

Amah in vantung galkapte nangawn dong a ban dingin a thahatna hong khangto a, aksi pawl khatte leitungah lawnkhia-in a tuancil gawp hi.

JOB (Job) 15:25

Pasian langpangin a khuttum a lahsan, Vanglianpa a dem mipa in hih bang thute thuak hi.

Jeremiah 50:29

“Babilon khua sim dingin thal kap siam, thal tawi theite va sam un. Khuapi umcih un la, kuamah suakta sak kei un. Ama’ hihna tawh kituak-in, ama tungah hih un. Ama’ hih ngei mah bangin ama tungah bawl un. Bang hang hiam cih leh amah in kisa thei-in Topa ahi, Israel mite’ Siangtho Pa a simmawh hi.