Jeremiah 48:2 - Tedim Bible

² Moab gam minthan’na bei ta hi. Heshbon khua-ah a galte un a sim nading uh a vaihawm uh a, ‘Hong pai un, Moab gam i beimang sak ding hi,’ a ci uh hi. Madmen khua aw, nang zong na gamdai ta ding hi. Namsau in nang hong nungdelh ding hi.

Tedim Bible Revision 2017

² Moab gam a minthanna bei ta hi. Heshbon khua ah a galte un a simna ding uh vaihawm uh a, ‘Hong pai un, Moab gam i beisak mang ding hi,’ a ci uh hi. Madmen khua aw, nang zong na gamdai ta ding hi. Namsau in nang hong nung delh ding hi.

Jeremiah 48:2 Referans Kwoze

Jeremiah 31:36

Amah in, “Topa in kong cih-inah, hih a kip mahmah leitung, vantung ngeinate a kikhel hun ciang bekin, Israel mite’ suan leh khakte in gam a nei ngei nawn kei pan ding uh hi,” a ci hi.

Isaiah 16:14

Ahih hangin tu-in Topa in, “Nasem ding a, a kicial kum hunte sung bangin, kumthum sungin, ama mihon tampite om tase leh Moab’ minthan’na in simmawhna thuak ding a, a suakta lai mite pen tawm mahmahin, thanem ding hi,” a ci hi.

Gamlak-vakna 32:37

Reuben minamte in Heshbon, Elealeh, Kiriathaim,

Jeremiah 49:3

“Heshbon khua mite aw, kap un! Ai khua kisia khin zo hi! Aw, Rabbah khua numeite aw, kap un! Ippi puan silh un la, kap un; Khua lakah lung-am-in kawi taitai un. Bang hang hiam cih leh na Milkom pasian uh leh a siampite leh a uliante hong kilak khiatsak ding hi.

Jeremiah 48:45

A bah gawp galtaite in Heshbon khua hong beel uh hi. A hih hangin Sihon kumpipa a maan’na ngei Heshbon khua panin meikuang hong kipan khia veve hi. Galsim nuam mite’ teen’na Moab gam gammong dongin mualsangte zong a kangtum hi.

Jeremiah 48:42

Moab kisusia ding a, a minam-in a om nawn kei ding hi. Bang hang hiam cih leh Topa dem-in kiliansak uh hi.

Jeremiah 48:17

A kim-a teengte leh a min a thei mite aw, Moab gam kah un. ‘A minthan’na bei khin ta a, a vangliatna kumpi ciangkhut kitan ta hi,’ ci un.

Jeremiah 46:28

Topa in kong cih-inah, ka nasem pa Jakob’ suante aw, lau kei un. Bang hang hiam cih leh note kong ompih hi. Note kong thehthangna gamte khempeuh ka susia khin ding a, ahih bangin note kong susia khin kei ding hi. A kilawm zahin kong thuhilh ding a, daantat loin kong mawk nusiat kei ding hi,” a ci hi.

Jeremiah 33:24

“Hih mite in, Topa in a teelsa Israel leh Judah minam tegel a nusia ta hi, ci-a a gen uh thei kha lo na hi hiam? Tua bangin amaute in ka mite a simmawh uh a, amau’ muhna-ah gam khatin zong a sim nawn kei uh hi.

Jeremiah 25:17

Tua ahih manin kei zong Topa’ khut tung panin tua hai ka la a, Topa’ hong sawlna gamte khempeuh ka dawn sak hi.

Jeremiah 25:15

Topa, Israel mite’ Pasian in hih bangin kei hong hopih a, “Ka khut tung panin hehna tawh a kidim hih leenggah tui hai la in la, kong sawlna gamte khempeuh dawn sak in.

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahih leh ninkholna dum sungah buhkungte a kisikcip bangin kisikcip gawp ding hi.

Isaiah 15:5

Moab gam adingin ka lungsim kiko hi; a galtai ama mite Zoar khua, Eglath-shelishiah khuate ah tai uh hi. Bang hang hiam cih leh Luhith lampi-ah amaute kapsa-in paito uh hi; Horonaim khua zuatna lampi ah amaute in siatna a thuakna uh hangin nakpi-in kiko uh hi;

Isaiah 15:1

Moab gam tawh kisai thu: Zan khat thu-in Ar khua kisiasak ahih manin Moab gam bei hi; zan khat thu-in Kir khua kisiasak ahih manin Moab gam bei hi.

Jeremiah 49:37

Amaute a that nuam, a galte uh’ mai-ah Elam mite ka lausak ding a, Topa in ka cih-inah, a lauhuai ka hehna amau’ tungah ka tung sak ding hi. Amaute ka thah siang mateng namsau ka nungdelh sak ding a,